បញ្ឈប់ក្រុមហ៊ុនហើយ នៅតែមានលួចលាក់ឈើទៀត
ខេត្តមណ្ឌលគិរី ៖ ឈើឡាំងបួនជ្រុង៦១ដុំ ត្រូវបានមន្ត្រីបរិស្ថានប្រទះឃើញលើទីតាំងអតីតក្រុមហ៊ុនកសិកម្មខ្មែរអង្គរ
ខេត្តមណ្ឌលគិរី ៖ ឈើឡាំងបួនជ្រុង៦១ដុំ ត្រូវបានមន្ត្រីបរិស្ថានប្រទះឃើញលើទីតាំងអតីតក្រុមហ៊ុនកសិកម្មខ្មែរអង្គរ
ខេត្តមណ្ឌលគិរី ៖ ឈើឡាំងបួនជ្រុង៦១ដុំ ត្រូវបានមន្ត្រីបរិស្ថានប្រទះឃើញលើទីតាំងអតីតក្រុមហ៊ុនកសិកម្មខ្មែរអង្គរ ដែលត្រូវបានរដ្ឋាភិបាលនិរាករណ៏ចោលកាលពីឆ្នាំមុន ព្រោះមិនអនុវត្តន៏ទៅតាមគោលការច្បាប់ ហើយកាប់តែឈើលក់យ៉ាងរង្គាល ។
យោងតាមរបាយការណ៏សមត្ថកិច្ចបានឲ្យដឹងថា នៅវេលាម៉ោង៩ នឹង១០នាទី ថ្ងៃទី១២ ខែកក្កដា ២០១៧ កម្លាំងល្បាតបរិស្ថានខេត្តដឹកនាំដោយលោក រដ្ឋ សុវណ្ណ អនុប្រធានមន្ទីរបរិស្ថានបានចុះចាប់ឈើចំនួន៦១ដុំ ជាប្រភេទឈើអារឡាំង៤ជ្រុង ។ របាយការណ៏ថា ជនល្មើសបានលាក់ទុកឈើទាំងនោះក្នុងព្រៃភូមិខ្ទង់ ឃុំស្រែឈូក ស្រុកកែវសីមា ដែលមានប្រភេទ កកោះ ចំនួន៣៩ដុំ គគីរ២២ដុំ ដោយពុំទាន់វាស់វែងនៅឡើយ ។
ទាក់ទិនករណីខាងលើលោក ចេង សាក់ បានឲ្យដឹងតាមទូរសព្ទថា ឈើទាំងនេះមិនមែនជារបស់លោកទេ គឺមានគេចេះតែនិយាយចោតលើគាត់ ។ គាត់មិនបានជាប់ពាក់ព័ន្ឋអីនោះទេ ។ ចំណែកលោក ឃិន បញ្ញា មេបញ្ជាការវរសេនាតូចអន្តរាគមន៏លេខ១បានឲ្យដឹងថា បើពិតដូចករណីខាងលើមែន លោកនឹងហៅឈ្មោះនោះ មកសួរនាំ និងឲ្យធ្វើកិច្ចសន្យាបញ្ឈប់សកម្មភាពបទល្មើសព្រៃឈើ ។
ប្រភពពីក្រុមឈ្មួញដែលរកស៊ីឈើនៅច្រកភ្នំព្រេចបានខ្សឹបថា ឈើទាំងនោះជារបស់ឈ្មោះ ចេង សាក់ មន្ត្រីយោធាវរសេនាតូចអន្តរាគមន៏លេខ១ ដែលល្បីឈ្មោះយូរហើយលើការរកស៊ីឈើដែលបានដឹកចេញពីតំបន់ដែនជម្រកភូមិសាស្ត្រឃុំមេម៉ង់ ឃុំចុងផ្លាស់ នឹងឃុំស្រែឈូក ។ ប្រភពបានបន្តសព្វថ្ងៃនៅចំនុចផ្លូវភ្នំព្រេចច្រកចូលទៅឃុំស្រែឈូក មានសកម្មភាពដឹកជញ្ជូនឈើចម្រុះរាប់រយម៉ែត្រគូប តាមរយៈម៉ូតូរថយន្តសាំយ៉ុងកែច្នៃ គោយន្តកន្ត្រៃ រថយន្តច្នៃធុនធំជាដើម ៕
ចែករំលែកព័តមាននេះ