នៅទីបំផុតកម្មវិធីពានរង្វាន់សហគ្រិនវ័យក្មេងបានជ្រើសរើសបេក្ខជនចំនួន១៥នាក់ ដើម្បីយកទៅប្រកួតប្រជែងនៅក្នុងវគ្គផ្តាច់ព្រ័ត្រនាពេលឆាប់ខាងមុខនេះពោលគឺថ្ងៃទី ២៩ ខែ កក្កដា ឆ្នាំ២០១៧។ ទម្រាំតែមានឲកាសអាចឈានមកដល់ការប្រកួតនាវគ្គពាក់កណ្តាលផ្តាច់ព្រ័ត្រនេះ បេក្ខជនទាំង១៥នាក់នេះត្រូវបានឆ្លងកាត់ការវាយតម្លៃ និងដាក់ពិន្ទុរយ៉ាងស្វិតស្វាញជាទីបំផុត ដោយផ្អែកទីលើលក្ខខ័ណ្ឌនៃការប្រកួតប្រជែងដែលបានធ្វើការកំណត់យ៉ាងច្បាស់លាស់ដោយគណៈកម្មាការនៃកម្មវិធីនេះ។ គួរជម្រាបជូនថា សម្រាប់វគ្គផ្តាច់ព្រ័ត្រនៃកម្មវិធី ប្រកួតប្រជែងពានរង្វាន់ សហគ្រិនវ័យក្មេងកម្ពុជា(CYEA) នឹងជ្រើសរើសបេក្ខជនឆ្នើមចំនួន៥រូប។ ក្នុងនោះដែរ បេក្ខជនជ័យលាភីនីមួយៗនឹងទទួលបានពានរង្វាន់ផ្សេងៗគ្នារួមមាន ពានរង្វាន់សហគ្រិនឆ្នើមប្រចាំឆ្នាំ២០១៧, ពាន់រង្វាន់សហគ្រិនឆ្នើមផ្នែកសង្គម, ពានរង្វាន់សហគ្រិនឆ្នើមស្ដ្រី, ពានរង្វាន់សហគ្រិនវៃឆ្លាតផ្នែកបច្ចេកវិទ្យា និងពានរង្វាន់អ្នកដែលទើប នឹងចាប់ផ្ដើមអាជីវកម្ម (Start Up Award)។
ស្វែងយល់អំពីបេក្ខជនទាំង១៥នាក់បានជាប់នៅក្នុងវគ្គពាក់កណ្តាលផ្តាច់ព្រ័ត្រខាងក្រោម៖
១.) ឈ្មោះបេក្ខជន ៖ លោក ឆាយ ឡូ
– ឈ្មោះអាជីវកម្ម ៖ ទឹកស្អាត១០០១
– អំពីអាជីវកម្ម ៖ សហគ្រាសសង្គមដែលផ្គត់ផ្គង់ប្រព័ន្ធចម្រោះ និងបណ្តាញចែកចាយទឹកស្អាតដល់ប្រជាជនកម្ពុជារស់នៅជនបទ។
២.) ឈ្មោះបេក្ខជន ៖ លោក អែម ចាន់រិទ្ធីគុល
– ឈ្មោះអាជីវកម្ម ៖ ដូយ ដូយ
– អំពីអាជីវកម្ម ៖ Doy Doy បង្កើតប្រដាប់ប្រដាហ្គេមក្មេងលេង និងហ្គេមអប់រំដល់កុមារចាប់ពីអាយុ៤ឆ្នាំឡើងទៅ។
៣.) ឈ្មោះបេក្ខជន ៖ លោក ជា ឡាងដា
– ឈ្មោះអាជីវកម្ម ៖ BookMeBus
– អំពីអាជីវកម្ម ៖ ក្រុមហ៊ុនកក់សំបុត្រឡានក្រុងតាមរយៈអ៊ីនធ័រណែត(online) ដែលផ្តល់ភាពងាយស្រួលបំផុតនៅកម្ពុជា។
៤.) ឈ្មោះបេក្ខជន ៖ លោក ហ៊ុន ចាន់សាង
– ឈ្មោះអាជីវកម្ម ៖ Re-Edge Architecture & Design
– អំពីអាជីវកម្ម ៖ ក្រុមហ៊ុនស្ថាបត្យកម្ម និងឌីស្សាញដែលមានឆន្ទះសាងសង់នូវទំនើបកម្មដ៏អស្ចារ្យនានានៅប្រទេសកម្ពុជា។
៥.) ឈ្មោះបេក្ខជន ៖ លោក ហាវ គង់ជី
– ឈ្មោះអាជីវកម្ម ៖ My Dream Home
– អំពីអាជីវកម្ម ៖ សហគ្រាសដែលមានបេសកកម្មផ្គត់ផ្គង់ សាងសង់ផ្ទះបរិស្ថានសម្រាប់ប្រជាជនខ្មែរជាមួយនឹងតម្លៃទាប និងផ្តល់ភាពងាយស្រួលដល់ការរស់នៅ។
៦.) ឈ្មោះបេក្ខជន ៖ លោក ឃួន សុផាត
– ឈ្មោះអាជីវកម្ម ៖ មរកត តិចណូឡូជី
– អំពីអាជីវកម្ម ៖ មរកតជាក្រុមហ៊ុនបង្កើតប្រព័ន្ធ Core Banking សម្រាប់ធនាគារ និងមីក្រូហិរញ្ញវត្ថុដែលបង្កើតដោយសហគ្រិនខ្មែរដើម្បីប្រកួតប្រជែងជាមួយនឹងប្រព័ន្ធអន្តរជាតិ។
៧.) ឈ្មោះបេក្ខជន ៖ លោកស្រី ឡាយ មួយ
– ឈ្មោះអាជីវកម្ម ៖ Maximum Business Information Technology
– អំពីអាជីវកម្ម ៖ ក្រុមហ៊ុនផ្តល់សេវាកម្មផ្នែកអ៊ីនធ័រណែត ដែលផ្តល់ភាពងាយស្រួល និងបត់បែនតាមតម្រូវការ និងបញ្ហារបស់អ្នកប្រើប្រាស់។
៨.) ឈ្មោះបេក្ខជន ៖ លោកស្រី ភិរម្យ ឌីផាន
– ឈ្មោះអាជីវកម្ម ៖ MUCH Home Healthcare Cambodia
– អំពីអាជីវកម្ម ៖ ផ្តល់សេវាកម្មថែទាំសុខភាពដល់គេហដ្ឋាន និងចល័ត។
៩.) ឈ្មោះបេក្ខជន ៖ លោក ទិត្យ ហុងយឺ
– ឈ្មោះអាជីវកម្ម ៖ ពេទ្យធ្មេញរំចង់
– អំពីអាជីវកម្ម ៖ ពេទ្យធ្មេញជាតិដែលមានកិត្តិនាមទទួលស្គាល់ពីប្រជាជនខ្មែរ និងអន្តរជាតិ។
១០.) ឈ្មោះបេក្ខជន ៖ លោក សេង ពិសិដ្ឋ
– ឈ្មោះអាជីវកម្ម ៖ ANUSSA Event Planner
– អំពីអាជីវកម្ម ៖ ផ្តល់សេវាកម្មរៀបចំ ផែនការ កម្មវិធីកំសាន្តដែលលេចធ្លោនៅកម្ពុជា។
១១.) ឈ្មោះបេក្ខជន ៖ លោកស្រី សូត្រ ចាន់ថា
– ឈ្មោះអាជីវកម្ម ៖ Daily Transport Car Rental Service
– អំពីអាជីវកម្ម ៖ ក្រុមហ៊ុនផ្តល់សេវាកម្មលើរថយន្តជូលដែលផ្តោតទៅលើជនបរទេស និងអ្នកវិនិយោគដែលមានបទពិសោធន៍មួយទសវត្សមកហើយ។
១២.) ឈ្មោះបេក្ខជន ៖ លោកស្រី អូ សុភ័ក្រ
– ឈ្មោះអាជីវកម្ម ៖ រស្មីសុភមង្គលរៀបចំពិធីមង្គលការ
– អំពីអាជីវកម្ម ៖ ផ្តល់សេវាកម្មរៀបចំពិធីអាពាពិពាហ៍ម ដោយប្រើប្រាស់ភាពច្នៃប្រឌិត និងបច្ចេកវិទ្យាដើម្បីបង្កើតភាពលេចធ្លោក្នុងទីផ្សារ។
១៣.) ឈ្មោះបេក្ខជន ៖ លោក ទិត្យ សុធ៉ារ៉ា
– ឈ្មោះអាជីវកម្ម ៖ ណ កាហ្វេ
– អំពីអាជីវកម្ម ៖ ម៉ាកសញ្ញាហាងកាហ្វេដែលទទួលស្គាល់ខ្ពស់បំផុតនៅខេត្តសៀមរាបដែលបង្កើតឡើងដោយផ្ទាល់ដោយសហគ្រិនខ្មែរ។
១៤.) ឈ្មោះបេក្ខជន ៖ លោកស្រី ឃី មុនី
– ឈ្មោះអាជីវកម្ម ៖ អេមរ៉ុរាយស៍ ខេមបូឌា
– អំពីអាជីវកម្ម ៖ ក្រុមហ៊ុនដែលនាំមុខគេនៅក្នុងការនាំអង្ករខ្មែរទៅកាន់ទីផ្សារពិភពលោក ហើយជួយសម្រួលដល់ជីវភាពកសិករខ្មែរសម្រាប់រាប់ពាន់គ្រួសារនៅទូទាំងប្រទេសកម្ពុជា។
១៥.) ឈ្មោះបេក្ខជន ៖ លោកស្រី សម លីណា
– ឈ្មោះអាជីវកម្ម ៖ ក្រុមហ៊ុនអេលីស គ្រឿងសង្ហារឹម
– អំពីអាជីវកម្ម ៖ អេលីស មានប្រឹក្សាផ្គត់ផ្គង់ និងចែកចាយគ្រឿងសង្ហារឹមគ្រប់ប្រភេទសម្រាប់គេហដ្ឋាន អគារ និងសំណង់ទំនើប។
https://www.facebook.com/cyeawards/
ចែករំលែកព័តមាននេះ