ភ្លៀងផ្គរខ្យល់កន្ត្រាក់រលំផ្ទះ៤ខ្នង និងរបើកដំបូល៧ខ្នង
ខេត្តស្វាយរៀង ៖ មានភ្លៀងផ្គរលាយឡំខ្យល់កន្ត្រាក់បក់បោករំលំផ្ទះប្រជាពលរដ្ឋចំនួន៤ខ្នង និងរបើកដំបូលចំនួន៧ខ្នង កាលពីថ្ងៃទី១០ កក្កដា ២០១៧ វេលាម៉ោង៧
ខេត្តស្វាយរៀង ៖ មានភ្លៀងផ្គរលាយឡំខ្យល់កន្ត្រាក់បក់បោករំលំផ្ទះប្រជាពលរដ្ឋចំនួន៤ខ្នង និងរបើកដំបូលចំនួន៧ខ្នង កាលពីថ្ងៃទី១០ កក្កដា ២០១៧ វេលាម៉ោង៧
ខេត្តស្វាយរៀង ៖ មានភ្លៀងផ្គរលាយឡំខ្យល់កន្ត្រាក់បក់បោករំលំផ្ទះប្រជាពលរដ្ឋចំនួន៤ខ្នង និងរបើកដំបូលចំនួន៧ខ្នង កាលពីថ្ងៃទី១០ កក្កដា ២០១៧ វេលាម៉ោង៧ និង៣០នាទីយប់ បណ្តាលឲ្យខូចខាតផ្ទះប្រជាពលរដ្ឋសរុប១១ខ្នង និងទ្រព្យសម្បត្តិមួយចំនួនទៀត។ បើតាមមន្ត្រីសាលាស្រុករមាសហែកបានឲ្យដឹងថា ខ្យល់កន្ត្រាក់បក់បោករលំផ្ទះប្រជាពលរដ្ឋខូចខាត១១ខ្នង ក្នុងឃុំចំនួន៣គឺ ឃុំកំពង់ត្រាច របើកដំបូលផ្ទះចំនួន៧ខ្នង ១/ផ្ទះឈ្មោះ គល់ ម៉ាន់ ភេទប្រុស អាយុ៣៨ឆ្នាំ នៅភូមិប្រម៉ាត់ប្រាំ ផ្ទះទំហំ៣.៥គុណនឹង៤.៥ម៉ែត្រ សង់ពីឈើប្រក់ស័ង្កសី ត្រូវដើមត្នោតដួលសង្កត់ចំពីលើបណ្តាលឲ្យខូចខាត៩៥%។
២/ផ្ទះឈ្មោះ អឺល សុក ភេទប្រុស អាយុ៣៤ឆ្នាំ នៅភូមិប្រម៉ាត់ ផ្ទះទំហំ៦.៥ គុណនឹង៧.៥ម៉ែត្រ សង់ពីឈើសសរបេតុងប្រក់ហ្វីប្រូស៊ីម៉ង់របើកដំបូលអស់ចំនួន១១សន្លឹក។
៣/ផ្ទះឈ្មោះ រាជ ធីវង្ស ភេទប្រុស អាយុ៣៦ឆ្នាំ ភូមិប្រម៉ាត់ប្រាំ ផ្ទះទំហំ៩ គុណនឹង១២ម៉ែត្រ សសរបេតុង របើកក្បឿងចំនួន២៥សន្លឹក និងស័ង្កសីផ្ទះបាយចំនួន០៧សន្លឹក។
៤/ឈ្មោះ មាស សារិត ភេទប្រុស អាយុ៣៨ឆ្នាំ ភូមិប្រម៉ាត់ប្រាំ ប្រក់ក្បឿងរបើកដំបូលចំនួន៣០សន្លឹក។
៥.ផ្ទះឈ្មោះ ម៉ុក សុខុន ភេទប្រុស អាយុ២៥ឆ្នាំ ភូមិប្រម៉ាត់ប្រាំ ផ្ទះទំហំ៥ គុណនឹង៧ម៉ែត្រ សង់ពីឈើជញ្ជាំងស័ង្កសី លោតចុះពីជើងតម្កល់របើកដំបូលស័ង្កសីចំនួន២៥សន្លឹក។
៦.ឈ្មោះ ប្រាក់ ណូរ៉ា ប្រុសអាយុ៣៦ឆ្នាំ នៅភូមិតាត្រាវ ទំហំ៤.៥ គុណនឹង៥ម៉ែត្រ សង់ពីឈើប្រក់ស័ង្កសីរបើកដំបូលចំនួន០៦សន្លឹក។
៧.ផ្ទះឈ្មោះ ទិត្យ យ៉ាន់ ភេទប្រុស អាយុ៧៥ឆ្នាំ ភូមិឈើភ្លើង ផ្ទះទំហំ៧ គុណនឹង៩ម៉ែត្រ សង់ពីឈើប្រក់គ្បឿង ដើមអម្ពិលបារាំងដួលលើបណ្តាលឲ្យបែកបាក់រនង ផ្ទោង ផ្លាន គ្បឿងមួយចំនួនធំ។
-ឃុំសំបួរខ្យល់កន្ត្រាក់ បណ្តាលឲ្យរលំចំនួន៣ខ្នងគឺ ៖
១/ផ្ទះឈ្មោះ ខេត សារ៉ាត់ ភេទប្រុស អាយុ៣៣ឆ្នាំ នៅភូមិត្មាតពង ឃុំសំបួរ ផ្ទះទំហំ៦ គុណនឹង៥ម៉ែត្រ ធ្វើអំពីឈើប្រក់ស្លឹកជញ្ជាំងស្លឹកលោតពីលើជើងតម្កល់រលំ។
២/ផ្ទះឈ្មោះ ឃួយ ទី ភេទប្រុស អាយុ៣៩ឆ្នាំ នៅភូមិត្មាតពង ឃុំសំបួរ ផ្ទះទំហំ៨ គុណនឹង៧ម៉ែត្រ សង់អំពីឈើប្រក់ហ្វីប្រូលើកចេញពីជើងតាងបណ្តាលឲ្យបាក់ព្រំ បែកហ្វីប្រូ១៥សន្លឹក។
៣/ផ្ទះឈ្មោះ ឥន អ៊ាន ភេទស្រី អាយុ៧៦ឆ្នាំ នៅភូមិត្មាតពង ឃុំសំបួរ ផ្ទះទំហំ៥គុណនឹង៤ម៉ែត្រ សង់អំពីឈើប្រក់ស័ង្កសី ជញ្ជាំងស្លឹក រលំលោតចេញពីលើជើងតាងខូចយ៉ាងដំណំ។
-ឃុំជ្រៃធំរលំផ្ទះ១ខ្នង ម្ចាស់ផ្ទះឈ្មោះ មាឃ សារឿន ភេទស្រី អាយុ៥៧ឆ្នាំ នៅភូមិសណ្ដោ ផ្ទះទំហំ២.៥គុណនឹង៣.៥ម៉ែត្រ សង់ពីឈើប្រក់ស័ង្កសី ដួលរលំ លោតចេញពីជើងតាងខូចខាតយ៉ាងដំណំ៕
ចែករំលែកព័តមាននេះ