ប្រជាពលរដ្ឋឃុំអភិវឌ្ឍន៍រងគ្រោះព្រោះខ្យងថៃ ឬខ្យងក្រហម កាត់បំផ្លាញដំណាំស្រូវ
ខេត្តកំពង់ឆ្នាំង ៖ ប្រជាពលរដ្ឋរស់នៅភូមិស្រែតាជ័យ ឃុំអភិវឌ្ឍន៍ ស្រុកទឹកផុស បានរងគ្រោះដោយសារស្រូវសន្ទូងរបស់ពួកគាត់ត្រូវខ្យងក្រហម ឬខ្យងថៃ
ខេត្តកំពង់ឆ្នាំង ៖ ប្រជាពលរដ្ឋរស់នៅភូមិស្រែតាជ័យ ឃុំអភិវឌ្ឍន៍ ស្រុកទឹកផុស បានរងគ្រោះដោយសារស្រូវសន្ទូងរបស់ពួកគាត់ត្រូវខ្យងក្រហម ឬខ្យងថៃ
ខេត្តកំពង់ឆ្នាំង ៖ ប្រជាពលរដ្ឋរស់នៅភូមិស្រែតាជ័យ ឃុំអភិវឌ្ឍន៍ ស្រុកទឹកផុស បានរងគ្រោះដោយសារស្រូវសន្ទូងរបស់ពួកគាត់ត្រូវខ្យងក្រហម ឬខ្យងថៃ កាត់បំផ្លាញដើមស្រូវនៅតាមស្រែបណ្តាលឲ្យរងការខូចខាតស្ទើរគ្រប់កន្លែង។ ពួកគាត់គ្មានជម្រើសទប់ស្កាត់សត្វបំផ្លាញមួយនេះ មានតែវិធីម្យ៉ាងគត់គឺជួលក្មេងៗ ដើររើសខ្យងទាំងនោះយកមកកម្ទេចចោលតែប៉ុណ្ណោះ។ ដោយហេតុនេះហើយ ពួកគាត់បានស្នើសុំឲ្យមន្ទីរកសិកម្មខេត្ត សូមមេត្តាជួយផ្តល់ថ្នាំ ឬមានវិធានការណា ជួយទប់ស្កាត់ និងបំផ្លាញសត្វចង្រៃនេះផង។
ស្ត្រីឈ្មោះ សាន ស្រីពៅ អាយុ៤៦ឆ្នាំ មានទីលំនៅភូមិឃុំខាងលើបានឲ្យដឹងថា ស្រែគាត់ក្បែរផ្ទះ មានចំនួន៦ស្រែ មានទំហំប្រមាណជាង១ហិកតា ត្រូវខ្យងថៃ ឬខ្យងក្រហមកាត់បំផ្លាញអស់ជាងពាក់កណ្តាល។ គាត់គ្មានវិធីអ្វី ដើម្បីកម្ចាត់ខ្យងនោះទេ ទើបគាត់ជួលក្មេងៗក្នុងភូមិដើររើសខ្យងទាំងនោះយកទៅបំផ្លាញចោល ដោយមួយថ្ងៃក្មេងៗរើសខ្យងបានជាង២០០គីឡូក្រាម ហើយមួយគីឡូក្រាមគាត់ឲ្យ២០០រៀល។ នៅក្នុងសប្តាហ៍កន្លងទៅគាត់បានចំណាយជាង១០ម៉ឺនរៀល គ្រាន់តែជួលក្មេងៗដើររើសខ្យង។ ប៉ុន្មានថ្ងៃមុនគាត់ខំទិញថ្នាំសម្លាប់ក្តាមយកមកដាក់តាមគេ មិនងាប់ខ្យងបែជាងាប់តែត្រីទៅវិញ។ យុវជនម្នាក់ដែលកំពុងដកសំណាបនៅជិតគ្នានោះបាននិយាយដែរថា បញ្ហាខ្យងកាត់ស្រូវក្នុងស្រែនេះ ពិតជាលំបាកណាស់បើស្រែណាគោកអត់ទឹកវាសម្ងំក្នុងដី ពេលមានទឹកវាឡើងមកកាត់បណ្តូលដើមស្រូវបំផ្លាញ អណ្តែតដើមស្រូវពេញទឹក។
ប្រជាពលរដ្ឋគ្មានវិធីណាក្រៅពីនាំគ្នាដើររើស យកទៅបំផ្លាញចោលតែប៉ុណ្ណឹង។ ជាមួយគ្នានោះដែរ មេភូមិស្រែតាជ័យ លោក ឡាំ ស្រិន បានឲ្យដឹងថា បញ្ហានេះបានកើតឡើង លើប្រជាពលរដ្ឋ ក្នុងភូមិប្រមាណជាង១០ភាគរយ គឺកើតឡើងលើស្រែណាមានទឹកដក់ជាប់ ដូចជាតាមមាត់អូរជាដើម។ ក្នុងនាមគាត់ជាអាជ្ញាធរភូមិសូមអំពាវនាវដល់ប្រធានមន្ទីរកសិកម្មខេត្ត និងជំនាញផ្សេងៗ ដែលដឹងពីវិធីទប់ស្កាត់សត្វបំផ្លាញនេះ សូមជួយចុះមកជួយប្រជាពលរដ្ឋគាត់ផង។
ជាមួយនឹងការអំពាវនាវរបស់ប្រជាពលរដ្ឋនេះដែរ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ឆ្នាំង បានឲ្យដឹងថា កន្លងមក មន្ត្រីជំនាញ បានផ្តល់វិធីកម្ចាត់ខ្យងនេះដល់ប្រជាពលរដ្ឋ ឃើញថា ទទួលបានលទ្ធផលគ្រាន់បើ គឺឲ្យយពួកគាត់ម្ចាស់ស្រែជីកជាប្រឡាយព័ទ្ធតាមភ្លឺស្រែជុំវិញស្រែ ខ្យងទាំងនោះវា នឹងមកនៅតាមក្រឡុកប្រឡាយ ហើយម្ចាស់ស្រែងាយនឹងប្រមូលយកទៅកម្ទេចចោល ដោយមិនពិបាកដើររើសក្នុងស្រែឡើយ។ តែបើមានច្រើនមែនលោកនឹងចាត់វិធានការឲ្យមន្ត្រីជំនាញរបស់លោកចុះទៅដល់ស្រែប្រជាពលរដ្ឋខាងលើតែម្ដង៕
ចែករំលែកព័តមាននេះ