កសិកបណ្តុះកូនស្វាយនៅស្រុកពោធិ៍រៀង ត្អូញត្អែថាគ្មានទីផ្សារ
ខេត្តព្រៃវែង ៖ នាពេលបច្ចុប្បន្ននេះ កសិកររស់នៅក្នុងឃុំព្រែកតាសរ ស្រុកពោធិ៍រៀង ខេត្តព្រៃវែង ភាគច្រើន ក្រៅពីប្រកបមុខរបរធ្វើស្រែចម្ការ
ខេត្តព្រៃវែង ៖ នាពេលបច្ចុប្បន្ននេះ កសិកររស់នៅក្នុងឃុំព្រែកតាសរ ស្រុកពោធិ៍រៀង ខេត្តព្រៃវែង ភាគច្រើន ក្រៅពីប្រកបមុខរបរធ្វើស្រែចម្ការ
ខេត្តព្រៃវែង ៖ នាពេលបច្ចុប្បន្ននេះ កសិកររស់នៅក្នុងឃុំព្រែកតាសរ ស្រុកពោធិ៍រៀង ខេត្តព្រៃវែង ភាគច្រើន ក្រៅពីប្រកបមុខរបរធ្វើស្រែចម្ការ ក្នុងនោះពួកគាត់បានប្រកបមុខរបរបន្ថែមមួយទៀត គឺការបណ្តុះកូនស្វាយលក់។ កសិករលើកឡើងថា មូលហេតុដែលពួកគាត់នាំគ្នាប្រកបរបរបណ្តុះកូនស្វាយលក់នេះ គឺដោយសារតែមុខរបរមួយនេះ ពួកគាត់អាចធ្វើនៅផ្ទះ និងមិនចាំបាច់ចំណាកស្រុកទៅប្រទេសជិតខាង ហើយមកដល់បច្ចុប្បន្ននេះ កសិកបណ្តុះកូនស្វាយកំពុងតែកើនប្រហែលសឹងតែ៧០ភាគរយ បើគិតពីឆ្នាំ២០១៤ មកដល់២០១៧ នៅក្នុងឃុំព្រៃកតាសរនេះ ដែលធ្វើឱ្យតម្លៃកូនស្វាយធ្លាក់ចុះ។ ដូចគ្នានេះដែរកសិករបណ្តុះកូនស្វាយម្នាក់មានឈ្មោះ វ៉ាន់ សុធា អាយុ៤៩ឆ្នាំ ភេទប្រុស រស់នៅភូមិព្រែកឈ្មោះ ឃុំព្រែកតាសរ ស្រុកពោធិ៍រៀង ខេត្តព្រៃវែង ឲ្យដឹងថា លោកបានប្រកបមុខរបរបណ្តុះកូនស្វាយលក់នេះជាយូឆ្នាំមកហើយ។
លោកបញ្ជាក់ថា មុខរបរនេះបានធ្វើឱ្យគាត់អាចរស់នៅជួបជុំគ្រួសារ ដោយមិនចាំបាច់ចេញទៅធ្វើការនៅឆ្ងាយផ្ទះ ព្រោះចំណូលដែលបានមកពីការលក់កូនស្វាយ វាសមរ្យអាចផ្គត់ផ្គង់ជីវភាពគ្រួសារបានគ្រប់គ្រាន់ បន្ទាប់ពីការធ្វើស្រែចម្ការ។ កសិករ វ៉ាន់ សុធា បានបន្តថា ប៉ុន្មានឆ្នាំចុងក្រោយ ដោយសារតែកំណើននៃអ្នកងាកមកចាប់អារម្មណ៍ការបណ្តុះដាំកូនស្វាយមានការកើនឡើងខ្លាំង បានធ្វើឱ្យតម្លៃកូនស្វាយមានការធ្លាក់ចុះយ៉ាងខ្លាំង។ លោកបន្ថែមថា ឆ្នាំទៅតម្លៃកូនស្វាយ ដែលទើបតែផ្សាំភ្លាមៗ មួយដើមតម្លែ១៧០០រៀល ហើយបើទូទាត់ការចំណាយទៅសម្ភារ កម្លាំងពលកម្ម អស់៨០០រៀល ចំណេញ៩០០រៀលក្នុងមួយដើម បើកូនស្វាយផ្សាំរយៈពេល១ឆ្នាំលក់បាន៤៥០០រៀល ទៅ៥០០០រៀលក្នុងមួយដើម ការចំណាយប្រហែល៣០០០រៀល ដែលតម្លៃនេះគឺចំណេញគួរសម ។
ដោយឡែកនៅឆ្នាំនេះតម្លៃកូនស្វាយទើបផ្សាំលក់បានតែ៧០០រៀល ហើយកូនស្វាយផ្សាំរយៈពេលមួយឆ្នាំលក់បានតែ២៣០០រៀល ដែលនេះជាតម្លៃថោកខ្លាំងណាស់ និងមិនរួចដើមផងហើយខណៈនេះក៏មិនមានឈ្មួញចុះទិញទៀត។ កសិកម្នាក់ដែលរស់នៅភូមិខាងលើដូចគ្នាមានឈ្មោះ អ៊ី មុំ ភេទស្រី អាយុ៥៦ឆ្នាំ បានលើកឡើងថា ឆ្នាំនេះប្រជាពលរដ្ឋប្រមាណជាង៨០ភាគរយ ដែលបណ្តុះកូនស្វាយលក់កំពង់ជួបការលំបាកយ៉ាងខ្លាំង ព្រោះតម្លៃកូនស្វាយថោកពេក ហើយមិនមានឈ្មួញចុះទិញទៀត ដែលធ្វើឱ្យកសិករខាតដើមយ៉ាងខ្លាំង ខណៈមួយចំនួនបានខ្ចីលុយពីធនាគារដើម្បីធ្វើដើមទុន ហើយបើតម្លៃកូនស្វាយមិនឡើងទេនឹងប្រឈមនឹងការចំណាកស្រុកទៅប្រទេសជិតខាងហើយ ព្រោះប្លង់ដីផ្ទះនៅធនាគារ។
ពាក់ព័ន្ធកូនស្វាយធ្លាក់ថ្លៃ និងមិនមានទីផ្សាលោក អ៊ុក សំណាង ប្រធានមន្ទីរសិកម្មរុក្ខប្រមាញ់ និងនេសាទ ខេត្តព្រៃវែង បានឲ្យដឹងថា រឿងកូនស្វាយធ្លាក់ថ្លៃនោះ គឺដោយសារកំណើនអ្នកបណ្តុះកូនស្វាយកើនឡើងឆាប់រហ័សពេក ដែលពីមុនមានត្រឹមតែ២ទៅ៣គ្រួសារ ឥឡូវសឹងតែបណ្តុះកូនស្វាយលក់ទាំងឃុំទៅហើយ ដោយឡែកតម្រូវការក្នុងស្រុកមានតិច ព្រោះឈ្មួញយកទៅលក់មិនដាច់ ដោយសារតែផ្ទៃដីដាំដុះពុំមានសល់ច្រើនទៀតទេ៕
ចែករំលែកព័តមាននេះ