រាជធានីភ្នំពេញ ៖ រដ្ឋាភិបាលប្រទេសជប៉ុន នៅថ្ងៃទី0៤ ខែមិថុនា ឆ្នាំ២០១៧ នេះ បានសម្រេចផ្តល់អាហាររូបករណ៍ដល់និស្សិតកម្ពុជាសម្រាប់ឆ្នាំសិក្សា២០១៧-២០២១ ដែលមានទឹកប្រាក់ប្រមាណ៥,៧លានដុល្លារអាមេរិក ។
ការប្រគល់ និងទទួលជំនួយឥតសំណងនេះ បានធ្វើឡើងដោយមានការចូលរួមចុះហត្ថលេខាពីលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសងការបរទេស និងសហប្រតិបត្តិការអន្តរជាតិ និងលោក រី យូស៊ី ឯកអគ្គរាជទូតជប៉ុនប្រចាំនៅប្រទេសកម្ពុជា នៅទីស្តីការក្រសួងការបរទេស ។ លោកទេសរដ្ឋមន្ត្រី ប្រាក់ សុខុន បានថ្លែងក្រោយពេលចុះហត្ថលេខាថា ៖ លោកបានចុះហត្ថលេខាទទួលជំនួយពីសមភាគីជប៉ុនជាមួយលោកឯកអគ្គរាជទូតជប៉ុនប្រចាំនៅប្រទេសកម្ពុជា ។ លោកបានអះអាងថា ទឹកប្រាក់បាន៩៤៩លានយ៉េនស្មើនឹងប្រមាណ៥,៧លានដល្លារអាមេរិក ដែលរដ្ឋភិបាលជប៉ុនផ្តល់ដល់រាជរដ្ឋាភិបាលកម្ពុជា សម្រាប់អាហារូបករណ៍ធនធានមនុស្ស ។ លោកទេសរដ្ឋមន្ត្រីបានបញ្ជាក់ថា ៖ “ ជំនួយឥតសំណងនេះ នឹងត្រូវអនុវត្តក្នុងរយៈពេលពីរឆ្នាំជាប់ៗគ្នា ទឹកប្រាក់ជាង២លានដុល្លារអាមេរិក សម្រាប់សារពើព័ន្ធឆ្នាំ២០១៧ និងទឹកប្រាក់ជាង៣,៧លានដុល្លារអាមេរិកសម្រាប់ឆ្នាំ២០១៨ ” ។ លោកទេសរដ្ឋមន្ត្រីលើកឡើងថា ការផ្តល់ជំនួយរបស់ជប៉ុនសម្រាប់ធនធានមនុស្សនៅកម្ពុជាមានរយៈពេល១៧ឆ្នាំមកហើយ ។ លោកទេសរដ្ឋមន្ត្រីបានថ្លែងថា ៖ ” គិតមកត្រឹមឆ្នាំ២០១៦ ជប៉ុនបានផ្តល់ទឹកប្រាក់ប្រភេទនេះ សរុបប្រមាណ៥០០០លានយ៉េនសម្រាប់និស្សិតកម្ពុជាទៅសិក្សានៅប្រទេសជប៉ុន ។ ក្នុងចំណោមនិស្សិតទាំងនោះ មានចំនួន២៧០នាក់ បានបញ្ចប់ការសិក្សា និងវិលត្រលប់មកមាតុប្រទេសវិញ និងបានកំពុងរួមចំណែកអភិវឌ្ឍប្រទេសកម្ពុជាលើវិស័យជាច្រើន ។ លោកទេសរដ្ឋមន្ត្រីបានលើកឡើងថា ៖ ” នេះជាការអភិវឌ្ឍធនធានមនុស្ស ប្រកបដោយគុណភាព និងសមត្ថភាព គឺជាអទិភាពចម្បងមួយរបស់រារដ្ឋាភិបាលកម្ពុជា ដើម្បីឆ្លើយតបនឹងសេចក្តីត្រូវការ ក្នុងការអភិវឌ្ឍសង្គម សេដ្ឋកិច្ច សម្រាប់ទ្រទ្រង់កំណើត និងការប្រកួតប្រជែង ជាពិសេសសម្រាប់សមាហរកម្មកម្ពុជាក្នុងតំបន់ និងពិភណលោក ” ។ លោកទេសរដ្ឋមន្ត្រីបានលើកឡើងទៀតថា ៖ កម្ពុជាបានប្រែក្លាយពីប្រទេសដែលមានចំណូលទាប ទៅប្រទេសដែលមានចំណូលមធ្យមកម្រិតទាប ដោយសារតែរាជរដ្ឋាភិបាលបានជ្រើសរើសមាគ៌ាអភិវឌ្ឍន៍ ដ៏ត្រឹមត្រូវមួយ និងមានការជួយឧបត្ថម្ភគាំទ្រពីបណ្តាប្រទេសដៃគូនានា ជាពិសេសពីប្រទេសជប៉ុនជាមិត្ត ។ លោកថា ៖ ” ក្នុងនាមរាជរដ្ឋាភិបាលកម្ពុជា ខ្ញុំសូមអរគុណចំពោះប្រទេសជប៉ុន ដែលបានបន្តផ្តល់ជំនួយរយៈពេល៣ឆ្នាំដល់កម្ពុជាទៅមុខទៀត ពីឆ្នាំ២០១៨ដល់ឆ្នាំ២០២១ ” ។ លោកទេសរដ្ឋមន្ត្រីបានលើកឡើងថា ៖ កិច្ចចុះហត្ថលេខានៅពេលនេះ បន្ថែមលើជំនួយដែលប្រទេសជប៉ុនបានផ្តល់ជូនដល់រាជរដ្ឋាភិបាលកម្ពុជានាពេលកន្លងមកលើវិស័យហេដ្ឋារចនាសម្ព័ន្ធផ្លូវស្ពាន និងផែ វិស័យអប់រំ សុខាភិបាល ទឹកស្អាត បោសសម្អាតគ្រាប់យុទ្ធភណ្ឌមិនទាន់ផ្ទុះ បណ្តាញចែកចាយអគ្គិសនី ប្រព័ន្ធការពារទឹកជំនន់ ការរៀបចំការបោះឆ្នោត និងសាលាក្តីខ្មែរក្រហមជាដើម ។
លោកឯកអគ្គរាជទូតជប៉ុនប្រចាំនៅកម្ពុជា បានលើកឡើងថា នេះជំនួយឥតសំណង់របស់ប្រទេសជប៉ុនដល់រាជរដ្ឋាភិបាលកម្ពុជា លើកធនធានមនុស្ស ។ លោកថា ៖ ” រាជរដ្ខាភិបាលកម្ពុជាបានបញ្ជូនមន្ត្រី និងនិស្សិតប្រមាណ៤០០នាក់ទៅសិក្សានៅប្រទេសជប៉ុន ” ។ លោកថា ៖ ការចុះហត្ថលេខានៅពេលនេះមានសាលិខិតចំនួន២ ដែលបានចុះហត្ថលេខា ដែលមានទឹកប្រាក់ជាង៥,៧លានដុល្លារអាមេរិក បានបញ្ជូនទៅរាជរដ្ឋាភិបាលកម្ពុជារួចហើយ ។ លោកអគ្គរាជទូតបានលើកឡើងថា ៖ ” មានមន្ត្រីឆ្នើមចំនួន២៤នាក់ ត្រូវបានបញ្ជូនពីកម្ពុជាទៅសិក្សានៅប្រទេសជប៉ុនជារៀងរាល់ឆ្នាំ និងសម្រាប់ឆ្នាំនេះ និងឆ្នាំក្រោយ ” ។ លោកថា ៖ ចាប់ពីឆ្នាំក្រោយទៅ នឹងមានមន្ត្រីចំនួន២នាក់ នឹងត្រូវទៅសិក្សាថ្នាក់បណ្ឌិតនៅប្រទេសជប៉ុនផងដែរ ។ លោកថា ៖ ” ខ្ញុំសប្បាយចិត្តណាស់សម្រាប់និស្សិត និងមន្ត្រីដែលបានសិក្សានៅប្រទេសជប៉ុនទទួលបានចំណេះដឹងមកបម្រើការងារនៅក្នុងរាជរដ្ឋាភិបាលកម្ពុជា ” តាមរយៈកម្មវិធីនេះ ៕
ចែករំលែកព័តមាននេះ