ទីបំផុតជនសង្ស័យសម្លា.ប់មនុស្សនៅតាខ្មៅ សារភាពហើយ
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌនៃកងរាជអាវុធហត្ថខេត្តសៀមរាប ដឹកនាំ និងបញ្ជាផ្ទាល់ដោយលោកឧត្តមសេនីយ៍ត្រី ប៉ោ វណ្ណនិត
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌនៃកងរាជអាវុធហត្ថខេត្តសៀមរាប ដឹកនាំ និងបញ្ជាផ្ទាល់ដោយលោកឧត្តមសេនីយ៍ត្រី ប៉ោ វណ្ណនិត
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌនៃកងរាជអាវុធហត្ថខេត្តសៀមរាប ដឹកនាំ និងបញ្ជាផ្ទាល់ដោយលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត បានឱ្យលោក វរសេនីយ៍ឯក ស្រី យូរ៉ា មេបញ្ជាការរង នៃកងរាជអាវុធហត្ថខេត្តសៀមរាប ទទួលការងារយុត្តិធម៌ ដឹកនាំកម្លាំងក្រោមឱវាទ សហការណ៍ជាមួយកងរាជអាវុធហត្ថខេត្តកណ្តាល ចុះស្រាវជ្រាវករណីឃាតកម្ម ដែលបានប្រព្រឹត្តទៅលើជនរងគ្រោះកាលពីរវេលាម៉ោង៤និង៥១នាទីល្ងាច ថ្ងៃទី២ ខែកក្កដា ឆ្នាំ២០១៧ ស្ថិតនៅក្នុងបន្ទប់ទឹក កន្លែងលេងអ៊ិនធឺណែត ភូមិតាខ្មៅ សង្កាត់/ក្រុងតាខ្មៅ ខេត្តកណ្តាល។ ខណៈនោះជនសង្ស័យបានរត់គេចខ្លួនមកពួនសម្ងំនៅក្នុងខេត្តសៀមរាប រហូតឈានដល់ចាប់ខ្លួនបានជនដៃដល់ រួចបញ្ជូនមកកាន់ការិយាល័យជំនាញនៃកងរាជអាវុធហត្ថខេត្ត ហើយបញ្ជូនបន្តទៅឱ្យកងរាជអាវុធហត្ថខេត្តកណ្តាលទាំងយប់ ដើម្បីចាត់ការតាមនីតិវិធី។
ហេតុការបង្ក្រាបករណីឃាតកម្មដែលកម្លាំងជំនាញបានឃាត់ខ្លួនជនសង្ស័យនោះធ្វើឡើងនៅវេលាម៉ោង៤និង៣០នាទីល្ងាច ថ្ងៃទី៣ ខែកក្កដា ឆ្នាំ២០១៧ ស្ថិតនៅចំណុចក្នុងបេនឡានក្រុមហ៊ុន រិទ្ធ មុន្នី ភូមិចុងកៅស៊ូ សង្កាត់ស្លក្រាម ក្រុងសៀមរាប ខណៈជនសង្ស័យបានជិះឡានក្រុមហ៊ុននេះ បម្រុងមកស្នាក់នៅបណ្តោះអាសន្នក្នុងក្រុងសៀមរាប។ លោកវរសេនីយ៍ឯក ស្រី យូរ៉ា មេបញ្ជាការរង នៃកងរាជអាវុធហត្ថខេត្តសៀមរាប ទទួលការងារយុត្តិធម៌ បានប្រាប់កោះសន្តិភាពនៅទីបញ្ជាកងរាជអាវុធហត្ថខេត្តកាលពីល្ងាចថ្ងៃទី៣ ខែកក្កដា ឆ្នាំ២០១៧នេះថា ដោយមានការដឹកនាំ និងចង្អុលបង្ហាញពីលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត បានឱ្យលោកដឹកនាំកម្លាំងការិយាល័យបទល្មើសព្រហ្មទណ្ឌ បានចុះសហការជាមួយកម្លាំងកងរាជអាវុធហត្ថខេត្តកណ្តាល ដែលបានប្រព្រឹត្តករណីឃាតកម្មទៅលើជនរងគ្រោះ កាលពីរវេលាម៉ោង៤និង៥១នាទីល្ងាចថ្ងៃទី២ ខែកក្កដា ឆ្នាំ២០១៧។
លោកបានបន្តថា ជនសង្ស័យមានឈ្មោះ អ៊ឹង ចាន់រតនៈ ភេទប្រុស អាយុ២៥ឆ្នាំ មុខរបលក់ដូរនៅផ្សារតាខ្មៅ មានស្រុកកំណើតនៅ សង្កាត់មិត្តភាព ខណ្ឌ៧មករា រាជធានីភ្នំពេញ បច្ចុប្បន្នរស់នៅភូមិតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ចំណែកសពជនរងគ្រោះ ឈ្មោះ រ័ត្ន ពុទ្ធថា ភេទប្រុស អាយុ២១ឆ្នាំ ជនជាតិខ្មែរ មុខរបរបុគ្គលិក អ៊ិនធើណេត បម្រើការនៅកន្លែងកើតហតុ មានទីលំនៅបច្ចុប្បន្នភូមិស្តុក ឃុំស្តុក ស្រុកគងពិសី ខេត្តកំពង់ស្ពឺ ដែលត្រូវចំនួន១២កាំបិត ក្នុងនោះចំលើចិញ្ចើមខាងឆ្វេង១កាំបិត ក្រោម និងលើដោះខាងស្តាំ៣កាំបិត រយះបាតដៃខាងឆ្វេង១កាំបិត និងចំខ្នងពីក្រោយ៧កាំបិត បណ្តាលឱ្យស្លាប់ភ្លាមៗមួយរំពេចនៅក្នុងបន្ទប់ទឹក។ ក្រោយពេលធ្វើសកម្មភាពរួច ជនសង្ស័យបានគេចខ្លួនបាត់ បន្ទាប់ពីមានការស្រាវជ្រាវ លុះដល់វេលាម៉ោ៤និង៣០នាទីថ្ងៃទី៣ ខែកក្កដា ឆ្នាំ២០១៧ ទើបដឹងថា ជនសង្ស័យរត់មកពួននៅសៀមរាប ទើបកម្លាំងជំនាញយើងចុះស្រាវជ្រាវរហូតឈានដល់ឃាត់ខ្លួនជនសង្ស័យ ដែលពាក់ព័ន្ធករណីខាងលើនៅចំណុចបេនឡាន ក្រុមហ៊ុន រិទ្ធ មុន្នី ស្ថិតនៅភូមិចុងកៅស៊ូ សង្កាត់ស្លក្រាមក្រុង/ខេត្តសៀមរាប។
បន្ទាប់ពីកម្លាំងជំនាញកងរាជអាវុធហត្ថខេត្តធ្វើការឃាត់ខ្លួនបានជនសង្ស័យភ្លាមៗ កម្លាំងយើងបានចាប់យកវត្ថុតាងរួមមាន ទី១.ស៊ីមកាតចំនួន១ មានលេខ 096 62 62 692 ទី២.ទូរស័ព្ទម៉ាកSAMSUNG ទី៣.ប្រាក់ដុល្លារចំនួន២២០ដុល្លារ ទី៤.ប្រាក់ខ្មែរចំនួន៣០ម៉ឺនរៀល ទី៥.កាបូបដៃពណ៌សូកូឡាចំនួន ១កាបូប ទី៦.ក្រដាសបញ្ចាំម៉ូតូចំនួន1សន្លឹក ទី៧.អត្តសញ្ញាណប័ណ្ណសញ្ជាតិខ្មែរចំនួន ១សន្លឹក និង ទី៨.ម៉ូតូចំនួន១គ្រឿងម៉ាកស្មាស់រីវ៉ូ។ លោកបានបញ្ជាក់បន្ថែមថា មូលហេតុឈានដល់ជនដៃដល់ យកកាំបិតទៅសម្លាប់ជនរងគ្រោះនោះ ដោយជនសង្ស័យលេងណេតចាញ់អស់លុយចំនួន១១០០ដុល្លារ ទើបហ៊ានលើកដៃសម្លាប់ទៅលើជនរងគ្រោះដើម្បីយកលុយវិញ ខណៈនោះជនសង្ស័យយកមិនបានដោយសារកេះលុយជាប់សោរ។
លោកបានបញ្ជាក់បន្ថែមទៀតថា ជនសង្ស័យបានសារភាពនៅចំពោះមុខសមត្ថកិច្ចកងរាជអាវុធហត្ថខេត្តយើងថា ខ្លួនពិតជាបានយកកាំបិតមកចាក់សម្លាប់ជនរងគ្រោះ ដែលជាមេការគ្រប់គ្រង អ៊ិនធឺណែត នៅក្នុងបន្ទប់ទឹកពិតប្រាកដមែន។ បច្ចុប្បន្នជនសង្ស័យត្រូវបានកម្លាំងការិយាល័យកងរាជអាវុធហត្ថខេត្តបញ្ជូនទៅប្រគល់ឱ្យកងរាជអាវុធហត្ថខេត្តកណ្តាល នៅវេលាម៉ោងជិត៧យប់ ថ្ងៃទី៣ ខែកក្កដា ឆ្នាំ២០១៧ ដើម្បីចាត់ការបន្តទៅតាមផ្លូវច្បាប់៕
ចែករំលែកព័តមាននេះ