ខេត្តបន្ទាយមានជ័យ ៖ ខេត្តបន្ទាយមានជ័យ ឆ្នាំ២០១៧ នេះ ឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀ.នបានមានចំនួន១,៥៨២នាក់ ស្រី១១៨នាក់ យោងតាមរបាយការណ៍ពីទិវាអន្តរជាតិប្រយុទ្ធប្រឆាំងគ្រឿងញៀ.ន នៅថ្ងៃទី២៩ ខែមិថុនា ឆ្នាំ២០១៧ នៅវិទ្យាល័យសម្តេចឱក្រុងសិរីសោភ័ណ ។
ខេត្តបន្ទាយមានជ័យ ៖ ខេត្តបន្ទាយមានជ័យ ឆ្នាំ២០១៧ នេះ ឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀនបានមានចំនួន១,៥៨២នាក់ ស្រី១១៨នាក់ យោងតាមរបាយការណ៍ពីទិវាអន្តរជាតិប្រយុទ្ធប្រឆាំងគ្រឿងញៀន នៅថ្ងៃទី២៩ ខែមិថុនា ឆ្នាំ២០១៧ នៅវិទ្យាល័យសម្តេចឱក្រុងសិរីសោភ័ណ ។
លោក ឆើយ ចាន់ណា អភិបាលរងខេត្តបន្ទាយមានជ័យបានមានប្រសាសនរាយការណ៍ថា ៖ ខេត្តបន្ទាយមានជ័យក្នុងឆ្នាំ២០១៧នេះ ជនសង្ស័យជួញដូរ និងអ្នកប្រើប្រាស់គ្រឿងញៀនមានចំនួន១,៥៨២នាក់ ស្រី១១៨នាក់ ក្នុងនោះមានជនសង្ស័យជាប់ពន្ធនាគារខេត្តបន្ទាយមានជ័យ ពាក់ព័ន្ធបទល្មើសគ្រឿងញៀនចំនួន៧៥៦នាក់ ស្រី៨៨នាក់ និងអប់រំផ្តាច់សារធាតុញៀននៅមណ្ឌលអប់រំកែប្រែទីបញ្ជាការកងរាជអាវុធហត្ថខេត្ត និងមញ្ឈមណ្ឌលជីវិតថ្មីភ្នំបាក់មានចំនួន៨២៦នាក់ ស្រី៣០នាក់ ។ លោកបានបញ្ជាក់ថា ៖ ការផ្សព្វផ្សាយ និងអប់រំអំពីផលប៉ះពាល់នៃប្រើប្រាស់គ្រឿងញៀនបានសរុបចំនួន៣,១៩៤លើក មានអ្នកចូលរួមសរុបចំនួន១០៦,៣៥៦នាក់ ស្រី៥៤,៩២១នាក់ វិធានការច្បាប់ដែលកងរាជអវុធហត្ថខេត្ត និងស្នងការនគរបាលខេត្តប្រតិបត្តិការបង្ក្រាបបានចំនួន១៧០លើក ឃាត់ខ្លួន៥០០នាក់ ស្រី៤៧នាក់ រឹបអូសថ្នាំញៀនមេតំហ្វេតាមីនអក្ស WY ចំនួន៧៩៧.៥គ្រាប់ និងថ្នាំញៀនមេតំហ្វេតាមីនអាយ២៨៦កូនថង់ រថយន្ត៤គ្រឿង ម៉ូតូ១៥គ្រឿង ទូរស័ព្ទ១៤៣គ្រឿង ។
លោកឧត្តមសេនីយ៍ឯក ឡាយ គឹមលី អគ្គលេខាធិការរងអាជ្ញាធរប្រយុទ្ធប្រឆាំងគ្រឿងញៀនបានមានប្រសាសន៍ថា ៖ ទិវាអន្តរជាតិប្រយុទ្ធប្រឆាំងគ្រឿងញៀនក្រោមប្រធានបទ ៖ ចូលរួមទាំងអស់គ្នាដើម្បីជីវិត និងសហគមន៍យើងគ្មានគ្រឿងញៀន ។ ដែលធ្វើនៅវិទ្យាល័យសម្តេចឱក្រុងសិរីសោភ័ណ មានសិក្សានុសិស្សចំនួន៣,០០០នាក់ បានចូលរួមក្នុងកម្មវិធី ។ លោកបានមានប្រសាសន៍ថា ៖ ក្នុងសារលិខិតសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសប្រារព្ធទិវាអន្តរជាតិប្រយុទ្ធប្រឆាំងគ្រឿងញៀនក្រោមប្រធានបទ ៖ ត្រូវស្តាប់កូនចៅ និងយុវជន គឺជាជំហានដំបូងដើម្បីជួយពួកគេឲ្យលូតលាស់ប្រកបដោយសុខភាព និងសុវត្ថិភាព ។ ពាក្យស្លោក ៖ ចូលរួមទាំងអស់គ្នា ដើម្បីជីវិត និងសហគមន៍យើងគ្មានគ្រឿងញៀន ៕
ចែករំលែកព័តមាននេះ