បុកលើកទី1មិនទាន់ដោះស្រាយផង…លេងលើកទី2ទៀត
ខេត្តព្រះសីហនុ ៖ ឃ្លាំងសម្ភារសំណង់របស់យីហោ ងី ឆែ កំពុងបង្កភ័យខ្លាចដល់អ្នករស់នៅជុំវិញ ខណៈរថយន្តដឹកទំនិញរបស់ឃ្លាំងមួយនេះបានរអិលបុកផ្ទះប្រជាពលរដ្ឋជាច្រើនលើក ច្រើនសារ ។
ខេត្តព្រះសីហនុ ៖ ឃ្លាំងសម្ភារសំណង់របស់យីហោ ងី ឆែ កំពុងបង្កភ័យខ្លាចដល់អ្នករស់នៅជុំវិញ ខណៈរថយន្តដឹកទំនិញរបស់ឃ្លាំងមួយនេះបានរអិលបុកផ្ទះប្រជាពលរដ្ឋជាច្រើនលើក ច្រើនសារ ។ ជាក់ស្តែងនាព្រឹកថ្ងៃទី២៩ ខែមិថុនា ឆ្នាំ២០១៧ នេះរថយន្តដឹកស៊ីម៉ង់របស់ឃ្លាំងមួយនេះបានរអិលបុកផ្ទះអ្នកលក់អង្ករជាលើកទី២ប៉ុន្តែសំណាងល្អពុំមានគ្រោះថ្នាក់ដល់អាយុជិវិតមនុស្សណាម្នាក់នោះទេ ។
យោងតាមប្រភពពីស្ត្រីម្ចាស់ផ្ទះរងគ្រោះឈ្មោះ សុខ សារ៉ន អាយុ៥០ឆ្នាំ មានទីលំនៅកន្លែងកើតហេតុស្ថិតក្នុងភូមិ១ សង្កាត់លេខ២ ក្រុងព្រះសីហនុ បានឱ្យដឹងថា បច្ចុប្ប្នន្ននេះរូបគាត់កំពុងមានការភ័យខ្លាចយ៉ាងខ្លាំង ខណៈផ្ទះរបស់គាត់ត្រូវបានរថយន្តដឹកគ្រឿងសំណង់របស់ឃ្លាំង ងី ឆែ បានរអិលបុកទ្វា និងរបងចូលក្នុងផ្ទះជាច្រើនលើក តែសំណាងល្អពុំបណ្តាលឱ្យរូបគាត់ ឬក៏សមាជិកគ្រួសារណាម្នាក់គ្រោះថ្នាក់នោះទេ ។ ជាក់ស្តែងនាព្រឹកថ្ងៃទី២៩ ខែមិថុនា ឆ្នាំឆ្នាំ២០១៧ នេះរថយន្តដឹកស៊ីម៉ង់របស់ឃ្លាំងមួយនេះម៉ាកហ៊ីណូ ពណ៌ប្រផេះ ពាក់ស្លាកលេខ ព្រះសីហនុ 4A-1927 បើកបរដោយឈ្មោះ ឆាយ សាវិន ភេទប្រុស អាយុ១៨ឆ្នាំ បាន រអិលបុកចូលផ្ទះរបស់គាត់បង្កឱ្យសម្ភារ និងអង្ករនៅក្នុងផ្ទះរបស់គាត់ខូចខាតធ្ងន់ធ្ងរ ។
ប្រភពដដែលបានបន្តថា នៅប៉ុន្មានសប្តាហ៏មុនរថយន្តរបស់ឃ្លាំងគ្រឿងសំណង់មួយនេះក៏ធ្លាប់បានរអិលចូលផ្ទះរបស់គាត់ម្តងដែរហើយរឿងនេះមិនទាន់ដោះស្រាយចប់នៅឡើយទេស្រាប់តែនៅព្រឹកថ្ងៃទី២៩ ខែមិថុនា នេះបានរអិលម្តងទៀតអាស្រ័យហេតុនេះក្នុងនាមរូបគាត់ជាជនរងគ្រោះសូមអំពាវនាវ និងស្នើរសុំយ៉ាងទទួចដល់ស្ថាប័ណ្ណពាក់ព័ន្ធសូមមេត្តាជួយដោះស្រាយ និងពិនិត្យទោះលើឃ្លាំងលក់គ្រឿងសំណង់នេះផង ព្រោះកន្លងមកឃ្លាំងលក់គ្រឿងសំណង់មួយនេះតែងតែបង្កការធុញទ្រាញ់ដល់ប្រជាពលរដ្ឋធ្វើដំណើរដោយសារតែរថយន្តធំៗរបស់ឃ្លាំងមួយនេះឈប់កណ្តាលផ្លូវ យកផ្លូវធ្វើជាចំណតបង្កការកកស្ទះចរាចរណ៏ជាញឹកញ៉ាប់ផងដែរ ។ ជុំវិញបញ្ហានេះលោកវរសេនីយ៍ឯក អ៊ី សុខា ស្នងការរងទទួលផែនសណ្តាប់ធ្នាប់បានបញ្ជាក់ថា ពាក់ព័ន្ធទៅនឹងការរិះគន់ទៅលើឃ្លាំងមួយ លោកនឹងកោះហៅម្ចាស់ទីតាំងឃ្លាំងមួយនេះមកអប់រំធ្វើការណែនាំអំពីការលើកដាក់ទំនិញចូលក្នុងឃ្លាំង រីឯចំពោះរថយន្តដែលបង្កការប៉ះពាល់លោកនឹងដោះស្រាយទៅតាមផ្លូវច្បាប់ ៕
ចែករំលែកព័តមាននេះ