ខេត្តកំពង់ឆ្នាំង ៖ នាព្រឹកថ្ងៃទី២៩ ខែមិថុនា ឆ្នាំ២០១៧ នៅសាលាបឋមសិក្សាក្រុងកំពង់ឆ្នាំង មានរៀបចំពិធីទិវាអន្តរជាតិប្រយុទ្ឋប្រឆាំងគ្រឿងញៀនក្រោមប្រធានបទ«ចូលរួមទាំងអស់គ្នា ដើម្បីសហគមន៍យើងគ្មានគ្រឿងញៀន» ។ ពិធីនេះបានប្រព្រឹត្តិឡើងក្រោមអធិបតីភាពលោក ឈួរ ចន្ទ័ឌឿន អភិបាលខេត្តកំពង់ឆ្នាំង ដោយមានការចូលរួមពីអង្គភាពមន្ទីរជុំវិញខេត្ត កងកម្លាំងប្រដាប់អាវុធទាំង៣ភេទប្រជាពលរដ្ឋ និងសិស្សានុសិស្សជាច្រើនរូបទៀត ។
បន្ទាប់ពីលោកវិជ្ជបណ្ឌិតនៃមន្ទីរពេទ្យខេត្តកំពង់ឆ្នាំងបានលើកឡើងពីផលប៉ះពាល់នៃការប្រើប្រាស់គ្រឿងញៀន និងបានបញ្ជាក់ថា នៅមន្ទីពេទ្យខេត្តមានបើកសេវាព្យាបាលដោយមិនគិតថ្លៃចំពោះអ្នកញៀនចង់ផ្តាច់គ្រឿងញៀនផងដែរ ។
លោក ឈួរ ច័ន្ទឌឿន អភិបាលខេត្តបានមានប្រសាសន៍ថា គ្រឿនញៀនបានបំផ្លាញដល់អនាគតយុវជនរបស់យើងជាខ្លាំងដែលបានធ្វើឱ្យប៉ះពាល់ដល់សេដ្ឋកិច្ចគ្រួសារ និងសេដ្ឋកិច្ចជាតិផងដែរ ។ ហេតុនេះសូមក្មួយៗចៀសឱ្យឆ្ងាយពីគ្រឿងញៀន និងនិយាយថា ទេចំពោះគ្រឿងញៀន ៕
ចែករំលែកព័តមាននេះ