ខេត្តកំពត ៖ កម្លាំងអន្តរាគមន៍ឈុតខ្មៅស្នងការខេត្ត ដឹកនាំដោយលោកវរសេនីយទោ លក ញ៉ាវ នាយការិយាល័យព្រហ្មទណ្ឌកំរិតស្រាល និងមានការសម្របសម្រួលពីតំណាងអយ្យការអមសាលាដំបូងខេត្ត បាន សហការណ៍ជាមួយកម្លាំងអធិការដ្ឋាននគរបាលក្រុងកំពត បានចុះបង្ក្រាបមុខសញ្ញាប្រើប្រាស់ និងចែកចាយគ្រឿងញៀ.ន២កន្លែងនៅក្នុងក្រុងកំពត ។
ខេត្តកំពត ៖ កម្លាំងអន្តរាគមន៍ឈុតខ្មៅស្នងការខេត្ត ដឹកនាំដោយលោកវរសេនីយទោ លក ញ៉ាវ នាយការិយាល័យព្រហ្មទណ្ឌកំរិតស្រាល និងមានការសម្របសម្រួលពីតំណាងអយ្យការអមសាលាដំបូងខេត្ត បាន សហការណ៍ជាមួយកម្លាំងអធិការដ្ឋាននគរបាលក្រុងកំពត បានចុះបង្ក្រាបមុខសញ្ញាប្រើប្រាស់ និងចែកចាយគ្រឿងញៀន២កន្លែងនៅក្នុងក្រុងកំពត ។
លោកវរសេនីយទោ លក ញ៉ាវ បានឲ្យកោះសន្តិភាពដឹងថា នៅវេលាម៉ោង១១និង៣០នាទីព្រឹក ថ្ងៃទី២៨ ខែមិថុនា ឆ្នាំ២០១៧ កម្លាំងបានចុះបង្ក្រាបមួយកន្លែង ស្ថិតនៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត ។ ក្នុងការចុះបង្ក្រាបនេះ សមត្ថកិច្ចបានឃាត់ខ្លួន ជនប្រើប្រាស់ និងចែកចាយបានម្នាក់ និងរឹបអូសវត្ថុតាងថ្នាំញៀន បានចំនួន២កញ្ចប់តូច ។ ជនសង្ស័យដែលកម្លាំងសមត្ថកិច្ចឃាត់ខ្លួនមានឈ្មោះ គង់ សុភ័ក្រ ភេទប្រុស អាយុ២៦ឆ្នាំ មានទីលំនៅភូមិសង្កាត់ខាងលើ ។ លោកបានបន្តថា នៅវេលាម៉ោង១៧និង៣០នាទីល្ងាចដដែល កម្លាំងសមត្ថកិច្ច បានចុះបង្ក្រាបមុខសញ្ញាមួយកន្លែងទៀត នៅភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ដំបូងកម្លាំងបានឃាត់ខ្លួនមុខសញ្ញានៅតាមផ្លូវ ដែលកំពុងធ្វើសកម្មភាពចែកចាយ ហើយនាំមកឆែកឆេរដល់ផ្ទះរកឃើញថ្នាំញៀនប្រភេទម៉ាទឹកកក៤កញ្ចប់តូច ។ ហើយក៏ឃាត់ខ្លួនបាន២នាក់ នាំមកកាន់ស្នងការខេត្ត ដើម្បីធ្វើការសាកសួរ ។ លោកវរសេនីយទោ លក ញ៉ាវ ក៏បានឲ្យដឹងដែរថា ជនសង្ស័យពីរនាក់នេះមានឈ្មោះ ប៊ូ វ៉ាន់អឺង អាយុ២៦ឆ្នាំ(ប្តី) និងឈ្មោះ យិន វ៉េត អាយុ២៦ឆ្នាំ(ប្រពន្ធ) ។ មានកូនពីរនាក់ក្នុងបន្ទុក ប្រុសទាំងពីរ កូនប្រុសបង មានអាយុ៦ឆ្នាំ កូនប្អូនមានអាយុ៥ខែ ។
ក្រោយធ្វើការឃាត់ខ្លួន សមត្ថកិច្ចបានកសាងសំណុំរឿងបញ្ជូនទៅតុលាការ ដើម្បីចាត់ការ និងអនុវត្តតាមនីតិវិធី ៕
ចែករំលែកព័តមាននេះ