រាជធានីភ្នំពេញ ៖ នាវេលាម៉ោង០៦និង៣០នារីព្រឹកថ្ងៃទី២៩ ខែមិថុនា ឆ្នាំ២០១៧ នេះកម្លាំងសមត្ថកិច្ចនាយកដ្ឋានអន្តោប្រវេសន៍បានចុះឃាត់ខ្លួនជនជាតិវៀតណាមដែលមករស់នៅ និងប្រកបមុខរបរដោយខុសច្បាប់បានចំនួន១៤នាក់ ។
រាជធានីភ្នំពេញ ៖ នាវេលាម៉ោង០៦និង៣០នារីព្រឹកថ្ងៃទី២៩ ខែមិថុនា ឆ្នាំ២០១៧ នេះកម្លាំងសមត្ថកិច្ចនាយកដ្ឋានអន្តោប្រវេសន៍បានចុះឃាត់ខ្លួនជនជាតិវៀតណាមដែលមករស់នៅ និងប្រកបមុខរបរដោយខុសច្បាប់បានចំនួន១៤នាក់ ។
ប្រតិបត្តិការណ៍ចុះឃាត់ខ្លួនជនជាតិវៀតណាមខុសច្បាប់នេះគឺធ្វើឡើងក្នុងសង្កាត់ច្រាំងចំរេះ២ ក្រោយការដឹកនាំរបស់ឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ ។ ដោយការចុះឃាត់ខ្លួននេះត្រូវបានធ្វើឡើងចំនួន២គោលដៅផ្សេងគ្នា ដែលគោលដៅទី១ឃាត់ខ្លួនបានជនជាតិវៀតណាមខុសច្បាប់ចំនួន៣នាក់ ស្រីម្នាក់ និងគោលដៅទី២ឃាត់ខ្លួនបាន១១នាក់ ស្រី២នាក់ ។
បច្ចុប្បន្នជនជាតិវៀតណាមដែលត្រូវបានសមត្ថកិច្ចអន្តោប្រវេសន៍ឃាត់ខ្លួនទាំង១៤នាក់នេះត្រូវបានបញ្ជូនខ្លួនទៅកាន់អគ្គនាយកដ្ឋានអន្តោប្រវេសន៍ដើម្បីធ្វើការសាកសួរ និងបញ្ជូនខ្លួនទៅកាន់ប្រទេសវៀតណាមវិញ ៕
ចែករំលែកព័តមាននេះ