១-ក្រុមហ៊ុនប្រហែល៧០%នៅចិននៅតែបញ្ចេញជាតិពុល
ក្រសួងបរិស្ថានរបស់ចិនពិនិត្យឃើញក្រុមហ៊ុនប្រហែល៧០%នៅក្រុងប៉េកាំង និងបរិវេណជុំវិញមិនគោរពច្បាប់បញ្ចេញផ្សែងពុល ។
២-យន្តហោះធុនតូចដាំទីងបុកដីនៅបារាំង
ក្នុងពិធីបង្ហាញការហោះហើរនៅភាគខាងជើងបារាំង យន្តហោះធុនតូចមួយគ្រឿងភ្លាត់ស្នៀតដាំទីងក្បាលបុកដី តែអ្នកបើករួចផុតពីគ្រោះថ្នាក់ដល់ជីវិត ។
៣-«T-rex»ដាយណូស៊័រគ្មានរោម
ការស្រាវជ្រាវចុងក្រោយលើ«t-rex»ដាយណូស៊័រសុីសាច់ជាអាហារ ដែលមានអាយុកាលប្រហែល៦៥លានឆ្នាំមុន ជាដាយណូស៊័រគ្មានរោម ប៉ុន្តែលើស្បែករបស់វាមានស្រកា ។
៤-ខ្មោចបើកម៉ូតូលើដងផ្លូវ
ម៉ូតូមានចលនាទៅមុខដោយគ្មានអ្នកបើកបរនៅក្រៅក្រុងប៉ារីស ធ្វើឱ្យអ្នកប្រទះឃើញយល់ថាខ្មោចជាអ្នកបើក ។ ចុងក្រោយទើបដឹងថា ម៉ូតូនោះបុកបង្កាន់ដៃតាមដងផ្លូវបណ្តាលឱ្យម្ចាស់ធ្លាក់ចេញ ប៉ុន្តែម៉ូតូមិនទាន់អស់ល្បឿនទៅមុខស្របបង្កាន់ដៃ ។
៥-បាតុករឥណ្ឌាវាយប៉ូលិសរបួសនៅមុខមន្ទីរពេទ្យ
អ្នកតវ៉ាជាច្រើនរយនាក់ នៅមុខមន្ទីរពេទ្យក្រុងកាន់ពូរ៉ា រដ្ឋUttar Pradeshភាគខាងជើងឥណ្ឌា ក្រោយពីនិស្សិតស្រីម្នាក់រងការចាប់រំលោភនៅក្នុងបន្ទប់សង្រេ្គោះបន្ទាន់របស់មន្ទីរពេទ្យ ។
៦-យកចំណីឱ្យឆ្កែទាំងជើងពិការ
ព្រះសង្ឃថៃពិការជើងមួយអង្គ បានលោតដើរជើងម្ខាងយកចំណីឱ្យឆ្កែដែលគេបោះបង់ចោលជារៀងរាល់ថ្ងៃ ។
៧-កីឡាករបាល់បោះជនជាតិអាមេរិកទៅលេងមិត្តភក្តិលោកគីម ជុងអ៊ុន
លោកដេនីស រ៉ុតមេន អតីតកីឡាករបាល់បោះNBAបានទៅជួបមិត្តភក្តិជាមេដឹកនាំកូរ៉េខាងជើងលោកគីម ជុងអ៊ុន នៅក្រុងព្យុងយ៉ាង ។
៨-ក្រុមហ៊ុនអាកាសចរណ៍Qantas Airlinesដេញអ្នកដំណើរចុះ ព្រោះខ្លាចធ្ងន់លើសចំណុះ
ក្រុមហ៊ុនអាកាសចរណ៍Qantas Airlines របស់អូស្ត្រាលីកាលពីពេល ថ្មីៗកន្លងមកបានដេញអ្នកដំណើរមួយចំនួនចុះ ព្រោះខ្លាចធ្ងន់ពេក ។
៩-ឯកអគ្គរដ្ឋទូតអាមេរិកលាលែងពីតំណែង ព្រោះបារម្ភពីវិបត្តិសម្ព័ន្ធមិត្តអារ៉ាប់
ឯកអគ្គរដ្ឋទូតអាមេរិកប្រចាំប្រទេសកាតា បង្ហើបឱ្យដឹងថា ខ្លួនគ្រោងលាលែងតំណែងក្រោយពីមានវិបត្តិការទូតជាមួយអារ៉ាប់ ។
១០-ក្រុមវិនិយោគកាតានាំគោរស់៤០០០ក្បាលផលិតទឹកដោះបំពេញតម្រូវការក្នុងប្រទេស
គោចំនួន៤០០០ក្បាល បានដឹកតាមយន្តហោះចូលប្រទេសដើម្បីផលិតទឹកដោះបំពេញតម្រូវការរបស់ពលរដ្ឋក្នុងប្រទេសកាតា ក្រោយពីកើតវិបត្តិនៃការកាត់ផ្តាច់ការទូតនៅមជ្ឈិមបូព៌ា ៕
ចែករំលែកព័តមាននេះ