រាជធានីភ្នំពេញ ៖ ម៉ូតូពីរគ្រឿងជិះខ្វះការប្រុងប្រយ័ត្ន បណ្តាលឲ្យបុកគ្នានៅផ្លូវបំបែកជាបួន ធ្វើឲ្យម៉ូតូមួយគ្រឿងដាច់ត្រឹម.កម៉ូតូ និងកង់មុខចេញពីម៉ូតូ អ្នកជិះម៉ូតូរងរបួសធ្ងន់ទាំងពីរនាក់ ហេតុការណ៍នេះបានកើតឡើងនៅវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី២៩ ខែមិថុនា ឆ្នាំ២០១៧ ចំណុចផ្លូវ៣១០កែងនិង៦៣ សង្កាត់បឹងកេងកង១ ខណ្ឌចំការមន ។
រាជធានីភ្នំពេញ ៖ ម៉ូតូពីរគ្រឿងជិះខ្វះការប្រុងប្រយ័ត្ន បណ្តាលឲ្យបុកគ្នានៅផ្លូវបំបែកជាបួន ធ្វើឲ្យម៉ូតូមួយគ្រឿងដាច់ត្រឹម.កម៉ូតូ និងកង់មុខចេញពីម៉ូតូ អ្នកជិះម៉ូតូរងរបួសធ្ងន់ទាំងពីរនាក់ ហេតុការណ៍នេះបានកើតឡើងនៅវេលាម៉ោង១២និង៣០នាទីរំលងអធ្រាត្រ ឈានចូលថ្ងៃទី២៩ ខែមិថុនា ឆ្នាំ២០១៧ ចំណុចផ្លូវ៣១០កែងនិង៦៣ សង្កាត់បឹងកេងកង១ ខណ្ឌចំការមន ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់បានជិះម៉ូតូម៉ាក ZOOMER X ពណ៌ខ្មៅបិទតែមក្រហម ពាក់ស្លាកលេខ ភ្នំពេញ ១GJ-៧៨៥៧ បានធ្វើដំណើរតាមផ្លូវលេខ៦៣ ក្នុងទិសដៅពីជើងទៅត្បូង ខណៈមកដល់ចំណុចកើតហេតុ ដែលជាផ្លូវបំបែកជាបួន ក៏ស្រាប់តែមានបុរសម្នាក់ទៀតបានជិះម៉ូតូម៉ាក YAMAHA ពណ៌ខ្មៅលាយក្រហម អត់មានស្លាកលេខ បានធ្វើដំណើរតាមផ្លូវ៣១០ក្នុងទិសដៅពីកើតទៅលិច ក្នុងល្បឿនយ៉ាងលឿន ព្រមទាំងខ្វះការប្រុងប្រយ័ត្ន ក៏ជ្រុលទៅបុកនឹងម៉ូតូ ZOOMER X ចំពាក់កណ្តាលពេញទំហឹង បណ្តាលឲ្យម៉ូតូ ZOOMER X ខ្ទាតចេញពីកន្លែងកើតហេតុ១០ម៉ែត្រ ឡើងលើចិញ្ចើមផ្លូវ បណ្ដាលឲ្យអ្នកបើកម៉ូតូរងរបួសបាក់ជើងខាងឆ្វេង ត្រូវបានរថយន្តសង្គ្រោះបានមកដឹកយកទៅសង្គ្រោះនៅគ្លីនិក ហុងហាក់ ម៉ូតូរងកាខូចខាតក្រពឹត និងបែកចំហៀងខាងឆ្វេង និងបាក់ដៃចង្កូតខាងស្ដាំ ។ ដោយឡែកខាងម៉ូតូ YAMAHA វិញ រងកាខូចខាតដាច់ត្រឹម.កម៉ូតូ និងកង់ចេញមួយកំណាត់ខាងមុខ ចំណែកអ្នកបើកម៉ូតូរងរបួសបែកមុខបែកមាត់ហូរឈាមសន្លប់ស្ដូកស្ដឹង ត្រូវបានរថយន្តសង្គ្រោះដឹកយកទៅនៅគ្លីនិក សុខលាភមេត្រី ។
ក្រោយពេលកើតហេតុ ម៉ូតូទាំងពីរគ្រឿងត្រូវបានសមត្ថកិច្ច ជំនាញបានមកធ្វើការវាស់វែង រួចហើយយកម៉ូតូទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ