ខេត្តសៀមរាប ៖ ដោយសារតែបានប៉ះពាល់សាលាខ្លាំងពេក បន្ទាប់ពីរូបភាពមួយបានបង្ហោះនៅលើហ្វេសប៊ុកចោទថា អ្នកបើករថយន្តសាលាវេស្ទើនអង្គុយលើក្បាលរថយន្តនេះ «បានបែកថ្នាំ» ត្រូវបានគណៈគ្រប់គ្រងសាលាឱ្យកោះសន្តិភាពដឹងកាលពីល្ងាចថ្ងៃទី២៨ មិថុនា នេះថា តាមពិតមិនមែនជាករណីដូចគេបង្ហោះនោះទេ ។
លោកបន្តថា អ្នកបើករថយន្តសាលាដឹកសិស្សដាក់តាមផ្ទះខាងលើ ពេលនោះគឺដឹកមានសិស្សជាង១០នាក់ ត្រូវដឹកចេញពីសាលាដាក់តាមផ្ទះនីមួយៗកាលពីវេលាម៉ោងជាង៣រសៀលថ្ងៃទី២៧ មិថុនា ។ ខណៈបានដឹកសិស្សទម្លាក់ដល់ផ្ទះអស់ដល់តែ៤នាក់ទៀតតាមផ្លូវព្រលានយន្តហោះ ស្រាប់តែរថយន្តនេះមានបញ្ហា គាត់ក៏បើកអែបកៀនផ្លូវ និងប្រាប់សិស្សឈប់មើល ។ ដោយគាត់ទុកសិស្សនៅខាងក្រោម គាត់ក៏ឡើងទៅលើដំបូលរថយន្តពិនិត្យ ។ ពេលនោះ រថយន្តអត់ឃើញមានបញ្ហាធំដុំគាត់ក៏ចុះមកវិញ រួចបើកបន្តទៅមុខធម្មតា ដោយមិនដឹងមានគេលួចថតនោះទេ ។
ម្ចាស់ខ្លួនដែលជាអ្នកបើកបរខាងលើ ក៏ឱ្យកោះសន្តិភាពដឹងដែរថា លោកបានមកធ្វើការនៅសាលាអន្តរជាតិនេះជិត២ឆ្នាំមកហើយ មិនដែលមានបញ្ហា។ រីឯខាងសាលារើសបុគ្គលិកសុទ្ធតែពិនិត្យសុខភាព ខា្លចយើងមានបញ្ហា ឬអាចជាក្មេងទំនើងទៀតផង ។ សូម្បីតែបុគ្គលិកនៅទីនេះ មិនហ៊ានជក់បារីក្នុងម៉ោងការងារផង ចុះទំរាំខ្ញុំដូចគេចោទប្រកាន់ថា បានបែកថ្នាំបែបនេះ តើឱ្យសាលាគេយកមនុស្សរបៀបនេះមកធ្វើការដែរ? ។
គាត់បន្តថា ក្រោយគាត់បើករថយន្តបន្តរហូតទំលាក់សិស្សអស់ ហើយក៏បើកត្រឡប់មកដល់សាលាវិញ ទាំងមិនដឹងខ្លួនថា មានគេលួចថតបង្ហោះផ្អើលពេញហ្វេសបុកថា «បែកថ្នាំ» លុះត្រូវលោកនាយកសាលាហៅមកសួរ ទើបភ្ញាក់ខ្លួនព្រើតតែម្តង ។
ចែករំលែកព័តមាននេះ