ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ប្តី-ប្រពន្ធ១គូ គេមិនដឹងថាមានជម្លោះអ្វីច្បាស់នោះទេ ត្រូវប្រទះឃើញនាងជាប្រពន្ធបានស្លា.ប់ ឯប្តីបានលេបថ្នាំធ្វើអត្តឃា.តតាមក្រោយ ប៉ុន្តែត្រូវសង្គ្រោះទាន់ ។ ហេតុការណ៍ដ៏ភ្ញាក់ផ្អើលនេះ កើតឡើងកាលពីវេលាម៉ោង០៣ និង៣០នាទីរសៀលថ្ងៃទី២៨ មិថុនា ស្ថិតក្នុងខេត្តណាខនណាយុក ប្រទេសថៃ ។ ក្នុងហេតុការណ៍នេះដែរ ត្រូវដឹង
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ប្តី-ប្រពន្ធ១គូ គេមិនដឹងថាមានជម្លោះអ្វីច្បាស់នោះទេ ត្រូវប្រទះឃើញនាងជាប្រពន្ធបានស្លាប់ ឯប្តីបានលេបថ្នាំធ្វើអត្តឃាតតាមក្រោយ ប៉ុន្តែត្រូវសង្គ្រោះទាន់ ។ ហេតុការណ៍ដ៏ភ្ញាក់ផ្អើលនេះ កើតឡើងកាលពីវេលាម៉ោង០៣ និង៣០នាទីរសៀលថ្ងៃទី២៨ មិថុនា ស្ថិតក្នុងខេត្តណាខនណាយុក ប្រទេសថៃ ។ ក្នុងហេតុការណ៍នេះដែរ ត្រូវដឹងថា បុរសជាប្តីបានលេបថ្នាំសន្លប់ស្តូកស្តឹងនៅទន្ទឹមគ្នា ក្នុងបន្ទប់ដាក់អីវ៉ាន់នោះដែរ ។
គ្រួសារខាងលើ ប្តីឈ្មោះសេង គីមស៊ុន អាយុ៤០ឆ្នាំ (សន្លប់) និងប្រពន្ធឈ្មោះលី ហ្គេចហួយ ហៅធា អាយុ៣៩ឆ្នាំ(ស្លាប់) ជាអាជីវករលក់ដូរនៅក្នុងខេត្តកើតហេតុ និងមានទីលំនៅភូមិក្បាលស្ពាន១ សង្កាត់ក្រុងប៉ោយប៉ែត ក្រុងប៉ោយប៉ែត ។ ស្ត្រីរងគ្រោះ មានកូនប្រុស២នាក់ កូនច្បងអាយុ១៦ឆ្នាំ (រៀននៅភ្នំពេញ និងជាកូនប្តីដើម) ឯកូនម្នាក់ទៀតអាយុ១៣ឆ្នាំ ជាកូនជាមួយប្តីឈ្មោះសេង គីមស៊ុន នេះ ។
ជួបសម្ភាសន៍ផ្ទាល់ជាមួយប្អូនស្រីឈ្មោះនាង លីវ៉ាន់ឌី អាយុ៣៥ឆ្នាំ បានឱ្យកោះសន្តិភាពថា បងស្រីនាង (ស្ត្រីស្លាប់) គឺមានស្នាមរបួសក្បាលខាងក្រោយ និងស្នាមរឹត.ក ឯដៃទាំងសងខាងមានស្នាមជាំផងដែរ ។ នៅកន្លែងកើតហេតុ បានប្រទះខ្សែមួយបន្សល់នៅទីនោះ ដោយនាងសង្ស័យថា បងស្រីត្រូវប្តីជាអ្នកសម្លាប់ គឺវាយរួចទើបរឹត.កជាក្រោយ ឬអាចមុនស្លាប់ ត្រូវប្តីនោះចងដៃទៅក្រោយ ក៏ថាបាន ។
ប្អូនស្រីរៀបរាប់ទៀតថា ជនរងគ្រោះបានទៅជួលតូបលក់អីវ៉ាន់នៅក្នុងខេត្តកើតហេតុជាច្រើនឆ្នាំហើយ ហើយថា បងនាងនិងប្តីធ្លាប់លែងលះគ្នា៥ឆ្នាំម្តងហើយ ដោយមានលិខិតស្នាមលែងលះនោះ ដល់អាជ្ញាធរសង្កាត់ទៀតផង ។ ដោយសារបុរសជាប្តីនៅមិនអស់អាល័យ ចេះតែទាក់ទងសុំបងស្រីនាងត្រូវគ្នាវិញ ដោយសន្យាថា នឹងកែខ្លួនទើបបងស្រីនាងព្រមរួមរស់ជុំគ្នាវិញទើបបានប្រហែល៨ខែប៉ុណ្ណោះ ។ នាងបន្តថា មុនកើតហេតុ រយៈពេលជាង១ខែនេះ ប្តីប្រពន្ធខាងលើ នាងមានជម្លោះជាថ្មី ហើយបងស្រីខ្លួនបានរត់ទៅដេកជាមួយប្អូនស្រីម្នាក់ទៀតឈ្មោះលី ដាលីន ហៅចន្ធូ អាយុ៣៤ឆ្នាំ ដែលជួលតូបលក់ដូរក្នុងផ្សាររុងក្លឿក្នុងខេត្តកើតហេតុជាមួយគ្នា ឯបុរសជាប្តីដេកនៅបន្ទប់ស្តុកអីវ៉ាន់ ។
កាលពីរសៀលថ្ងៃកើតហេតុ មុនម៉ោង៣រសៀល បងស្រីរងគ្រោះទៅយកអីវ៉ាន់ ស្រាប់តែបាត់មិនឃើញវិលទៅតូបលក់វិញ លុះប្អូនស្រីឈ្មោះលី ដាលីន សង្ស័យក៏ខលរក តែគ្មានអ្នទទួលពេលទៅដល់បន្ទប់ ស្រាប់តែចាក់សោពីខាងក្នុងហៅគ្មានអ្នកឆ្លើយ ។ ឈ្មោះលី ដាលីន បានវាយកញ្ចក់បង្អួចមើល ស្រាប់តែស្រែកទ្រហ៊ោយំដង្ហោយ ហៅឲ្យគេឯងជួយនិងដឹងដល់សមត្ថកិច្ចនាំគ្នាវាយចង្រឹងបង្អួចចូលតែនាងជាប្រពន្ធស្លាប់បាត់ទៅហើយ ខណៈបុរសជាប្តីដែលលេបថ្នាំប្រុងសម្លាប់ខ្លួន តែត្រូវសមត្ថកិច្ចថៃបញ្ជូនទៅសង្គ្រោះទាន់ពេល ។
តាមព័ត៌មានចុងក្រោយ នាព្រឹកថ្ងៃទី២៩ មិថុនា ថា បុរសជាប្តីបានដឹងខ្លួនវិញហើយ ហើយសាកសពស្ត្រីរងគ្រោះ ភាគីថៃមិនទាន់អនុញ្ញាតឱ្យសាច់ញាតិទេ ព្រោះគេសង្ស័យជាករណីឃាតកម្ម ទុកពិនិ្តយកោសល្យវិច័យសិន ។
ចែករំលែកព័តមាននេះ