រាជធានីភ្នំពេញ ៖ ព្រឹទ្ធសភានាព្រឹកថ្ងៃទី២៩ មិថុនា នេះ បានបោះឆ្នោតជាឯកច្ឆន្ទឱ្យលោកស្រី គុណ លំអង ភរិយាលោក ហុង សុខហួរ ដែលកំពុងជាប់ឃុំរឿងក្លែងបន្លំឯកសារព្រំដែនកម្ពុជា-វៀតណាមនោះ ឲ្យក្លាយជាសមាជិកព្រឹទ្ធសភាពផ្លូវការ ជំនួស
រាជធានីភ្នំពេញ ៖ ព្រឹទ្ធសភានាព្រឹកថ្ងៃទី២៩ មិថុនា នេះ បានបោះឆ្នោតជាឯកច្ឆន្ទឱ្យលោកស្រី គុណ លំអង ភរិយាលោក ហុង សុខហួរ ដែលកំពុងជាប់ឃុំរឿងក្លែងបន្លំឯកសារព្រំដែនកម្ពុជា-វៀតណាមនោះ ឲ្យក្លាយជាសមាជិកព្រឹទ្ធសភាពផ្លូវការ ជំនួសតំណែងប្ដីរបស់អ្នកស្រី ។ យ៉ាងណាក៏ដោយ លោកស្រី គុណ លំអង មកពីគណបក្ស សម រង្ស៊ី ដែលបច្ចុប្បន្នជាប្រធានចលនាស្ត្រីគណបក្សសង្គ្រោះជាតិ គ្រាន់តែបង្ហាញខ្លួននៅសម័យប្រជុំពេញអង្គព្រឹទ្ធសភា តែមិនបានថ្លែងអ្វីប្រាប់អ្នកសារពត៌មានទេព្រឹកនេះ។
លោកស្រី គុណ លំអង កាលពីយប់ថ្ងៃពុធ ទី២៨ បានបង្ហោះសារក្នុងហ្វេសប៊ុកលោកស្រីដោយថ្លែងថា៖ អ្នកស្រីនិងស្វាមីបានទៅដល់ប្រទេសបារាំង តាំងពីអាយុនៅក្មេងៗ និងបានបញ្ចប់ការសិក្សារនៅប្រទេសបាបារាំង។ អ្នកទាំងពីរបានបង្កើតកូនបីនាក់នៅប្រទេសបារាំង កូនទាំងបីក៏រៀនចប់មានការងារធ្វើយ៉ាងសមរម្យ។
លោកស្រីបានបន្ថែមថា៖ “ប៉ុន្តែ អ្វីដែលយើងជ្រើសរើសយក នោះគឺ វិលត្រឡប់មករួមសុខរួមទុក្ខជាមួយបងប្អូនជនរួមជាតិ ដើម្បីជួយបំពេញបន្ថែមនូវអ្វីដែលជាការខ្វះខាតគ្មានគោលបំណង និងធ្វើឲ្យនណាខាតបង់នោះឡើយ! បំណងល្អរ របស់យើង ដើម្បីប្រទេសជាតិ បែទៅជាជាប់គុក។ ត្រង់ហ្នឹងហើយដែលធ្វើឲ្យពួកកូនៗរបស់យើង គេនៅតែមានសំណួរសួរទាំងទឹកភ្នេក ថា ក្រែងប្រទេសខ្មែរគោរពលទ្ឋិប្រជាធិបតេយ្យ? ចុះហេតុអ្វី បានជាសមាជិកព្រឹទ្ឋសភាទាំងមូល ជាប់គុកដោយសារតែបញ្ចេញមតិយ៉ាងនេះ????????? ចម្លើយដែលខ្ញុំមានឲ្យកូននោះគឺ នាំកូនដើចូលវត្ត ថ្វាយបង្គមព្រះស្តាប់ព្រះសង្ឃសម្តែងធម៌។ល។
យ៉ាងណាមិញ ថ្នាក់ដឹកនាំរាជរដ្ឋាភិបាលបានអះអាងម្តងហើយម្តងទៀតថា ករណីលោក ហុង សុខហួរមិនមែនជាការបញ្ចេញមតិនោះទេ តែជាបទល្មើសព្រហ្មទណ្ឌដែលបានក្លែងឯកសាររឿងព្រំដែនរវាងប្រទេសកម្ពុជានិងវៀតណាម៕
ចែករំលែកព័តមាននេះ