ឃុំខ្លនចោរប្លន់ពីរនាក់ ដែលធ្វើសកម្មភាពជាង២០លើក
ខេត្តកណ្ដាល ៖ ចៅក្រមស៊ើបសួរសាលាដំបូងខេត្តកណ្តាល លោក គឹម ម៉េង កាលពីរសៀលថ្ងៃទី២៧ មិថុនា បានសម្រេចចេញដីកាឃុំខ្លួនជនជាប់ចោទពីរនាក់ជាក្រុមចោរលួចឆក់ប្លន់
ខេត្តកណ្ដាល ៖ ចៅក្រមស៊ើបសួរសាលាដំបូងខេត្តកណ្តាល លោក គឹម ម៉េង កាលពីរសៀលថ្ងៃទី២៧ មិថុនា បានសម្រេចចេញដីកាឃុំខ្លួនជនជាប់ចោទពីរនាក់ជាក្រុមចោរលួចឆក់ប្លន់
ខេត្តកណ្ដាល ៖ ចៅក្រមស៊ើបសួរសាលាដំបូងខេត្តកណ្តាល លោក គឹម ម៉េង កាលពីរសៀលថ្ងៃទី២៧ មិថុនា បានសម្រេចចេញដីកាឃុំខ្លួនជនជាប់ចោទពីរនាក់ជាក្រុមចោរលួចឆក់ប្លន់ និងគាស់ផ្ទះយ៉ាងកក្រើកចំនួន៤ខេត្ត រាជធានី ជាបណ្តោះអាសន្ន ក្រោមបទចោទប្រកាន់ ចូលរួមសហគមនៃជនទុច្ចរិត និងប្រើប្រាស់ដោយខុសច្បាប់នូវសម្លៀកបំពាក់ជាអាទ៍សម្រាប់អាជ្ញាធរសាធារណៈ ដែលប្រព្រឹត្តនៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្តាល កាលពីថ្ងៃទី២៤ ខែមិថុនា ឆ្នាំ២០១៧។ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា៤៩៩ និងមាត្រា៦១២ នៃក្រមព្រហ្មទណ្ឌ។
មន្ត្រីព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកណ្តាល បានប្រាប់ឲ្យដឹងថា ជនត្រូវចោទទាំង២ដែលត្រូវលោកចៅក្រមសម្រេចឃុំខ្លួន ទី១.ឈ្មោះ រិន សារិទ្ធ ភេទប្រុស អាយុ៣៧ឆ្នាំ មុខរបរមិនពិតប្រាកដ មានទីលំនៅភូមិពោធិលាស់ ឃុំក្រាំងស្វាយ ស្រុកព្រះស្តេច ខេត្តព្រៃវែង និងទី២.ឈ្មោះ ឡាំង វុត្ថា ហៅថា ភេទប្រុស អាយុ២៨ឆ្នាំ មុខរបរកសិករ មានទីលំនៅភូមិកងមាស ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ ជនសង្ស័យទាំងពីនាក់នេះបានត្រូវនគរបាលស្រុកអង្គស្នួលឃាត់ខ្លួន កាលពីថ្ងៃទី២៤ មិថុនា នៅភូមិក្រឡាញ់ ឃុំលំហាច ស្រុកអង្គស្នួល ពេលដែលជនទាំងងពីរនាក់ទៅជួលផ្ទះស្នាក់នៅក្នុងគោលបំណង ធ្វើសកម្មភាពលួចប្លន់។
ក្រោយពីឃាត់ខ្លួន សមត្ថកិច្ចដកហូតយកបាន ទី១. អាវឯកសណ្ឋាន អាវកងរាជអាវុធហត្ថ ៣កំប្លេ និងអាវយោធា១។ មានស័ក្តិថ្នាក់វរៈសេនីយ៍ត្រី និងមានស័ក្តិស៊ិញសញ្ញា។ មានអត្តលេខ២ខុសគ្នាជាប់អាវ អត្តលេខ៦២២៩១២ និងអត្តលេខ ០០៣៦៦៤៧២ មួក៣ថ្នាក់វរៈសេនីយ៍ ទី២.ក្នុងនោះមួកប៉ារ៉ាសំយ៉ាប០១.មួកឆាង០១.មួកបារ៉េ០១។ ទី៣-ខ្សែសាំងតៀរ៉ុង១ និងវិទ្យុទាក់ទង០៣គ្រឿង អាយកូម អាយឌី ទូរសព្ទ័០៣គ្រឿង ទូរសព្ទ័ដៃ៣គ្រឿង រថយន្ត០២គ្រឿងម៉ាកកូរ៉ូឡាពណ៌ទឹកប្រាក់ ពាក់ស្លាកលេខ បាត់ដំបង ២A-០៦៥២ និងរថយន្តទីកូ១គ្រឿង ពណ៌ទឹកសមុទ្រ ស្លាកលេខ ឆ.៩១៥០ ភព២។ បន្ទាប់ពីឃាត់ខ្លន មកធ្វើការសាកសួរ ទើបដឹងថាជនសង្ស័យមិនមានតួនាទីជាកងកកម្លាំងប្រដាប់អាវុធទេ ពោលគឺបានទិញឯសកសណ្ឋានកងកម្លាំងពីផ្សារទឹកថ្លា និងជាក្រុមចោរ ឆក់ប្លន់ដ៏សកម្មទៀតផង។ បច្ចុប្បន្នសមត្ថកិច្ចបានបញ្ជូនជនសង្ស័យមកស្នងការដ្ឋាននគរបាលខេត្ត ដើម្បីបន្តនីតិវិធី៕
ចែករំលែកព័តមាននេះ