ជំនួបរវាងក្រុមស៊ីលី និងព័រទុយហ្គាល់ ក្នុងវគ្គពាក់កណ្តាលផ្តាច់ព្រ័ត្រនៃការប្រកួតពានរង្វាន់ Confederations Cup នៅថ្ងៃពុធនេះ ខ្សែបម្រើសក់ស្រួច Arturo Vidal បាននិយាយថា
ជំនួបរវាងក្រុមស៊ីលី និងព័រទុយហ្គាល់ ក្នុងវគ្គពាក់កណ្តាលផ្តាច់ព្រ័ត្រនៃការប្រកួតពានរង្វាន់ Confederations Cup នៅថ្ងៃពុធនេះ ខ្សែបម្រើសក់ស្រួច Arturo Vidal បាននិយាយថា៖ «ប្រធានក្រុមជម្រើសជាតិព័រទុយហ្គាល់ កីឡាករ Ronaldo គឺជាក្មេងឆ្លាត និងមានល្បិច ប៉ុន្តែខ្ញុំមិនបានទុកគេក្នុងកែវភ្នែកឡើយ » ។ មិនត្រឹមតែប៉ុណ្ណោះ Vidal ក៏បានទាយទុកមុនថា ស៊ីលីនឹងទម្លាក់ព័រទុយហ្គាល់ និងឡើងទៅចាំក្រុមអាល្លឺម៉ង់នៅវគ្គផ្តាច់ព្រ័ត្រថែមទៀតផង ។
ខ្សែបម្រើវ័យ៣០ឆ្នាំរូបនេះ បានប្រាប់អ្នកយកព័ត៌មាននៅរុស្ស៊ីថា៖«ខ្ញុំបានប្រាប់មិត្តរួមក្រុម Bayern កីឡាករ Joshua Kimmich ដែលលេងនៅក្រុមជម្រើសជាតិអាល្លឺម៉ង់រួចហើយថា ពួកយើងនឹងត្រូវប៉ះគ្នានៅវគ្គផ្តាច់ព្រ័ត្រ » ។ កាលពីលើកមុន Vidal ក៏ធ្លាប់ប្រកួតប៉ះជាមួយ Ronaldo ផងដែរ ពេលក្លិប Bayern ជួប Real Madrid នៅវគ្គ៨ក្រុម ក្នុងការប្រកួតពានរង្វាន់ឆេមពានលីគ ប៉ុន្តែពេលនោះ Bayern ជាក្រុមចាញ់ ៕
ចែករំលែកព័តមាននេះ