ស្ត្រីកាន់តែច្រើនប្រឈមនឹងបញ្ហាគ្មានកូន។ អ្នកនឹងឃើញស្ត្រីប្រឈមនឹងបញ្ហានៃការគ្មានកូនក្នុងទម្រង់ជាបណ្តុំរោគសញ្ញាគីសច្រើន endometriosis ដុំសាច់ក្នុងស្បូន ដុំគីស និងបញ្ហាច្រើនទៀត ។ ដំណឹងល្អនោះគឺថាមានវិធានការមួយចំនួនដែលអ្នកអាចអនុវត្តដើម្បីធ្វើឲ្យខ្លួនអ្នកមានឱកាសអតិបរមានៅពេលដែលអ្នកត្រៀមខ្លួនដើម្បីមានកូន ។
អ្នកគួរអនុវត្តជំហានសាមញ្ញមួយចំនួនខាងក្រោមនេះក្នុងវ័យ២០ឆ្នាំរបស់អ្នកដើម្បីធ្វើឲ្យអ៊័រម៉ូនមានតុល្យភាព និងបង្កើតគ្រឹះដ៏រឹងមាំក្នុងការមានកូន ។
១-ទទួលទានអាហារសមស្របដើម្បីអ៊័រម៉ូនមានតុល្យភាព
អ្នកគួរតែចាប់ផ្តើមបរិភោគចំណីអាហារដែលជួយជំរុញសុខភាពបន្តពូជរបស់អ្នក ។ អ្នកគួរបរិភោគអាហារដែលសម្បូរទៅដោយជាតិខ្លាញ់មិនឆ្អែតដូចជាគ្រាប់ផ្កាឈូករ័ត្ន ផ្លែប៊័រ ផ្លែឈើ និងបន្លែតាមរដូវកាល ។ វាក៏សំខាន់ផងដែរដើម្បីឲ្យរាងកាយទទួលបានមីក្រូសារជាតិត្រឹមត្រូវដើម្បីដំណើរការមុខងារ សំខាន់ៗដូចជាការបញ្ចេញពងអូវ៉ុល និងការមករដូវ ។
២- រៀនគ្រប់គ្រងភាពតានតឹង
ភាពតានតឹងគឺជាផ្នែកមួយនៃជីវិតប្រចាំថ្ងៃ ហើយមនុស្សគ្រប់គ្នាតែងតែមានភាពតានតឹង។ រឿងដែលមិនធម្មតាគឺអនុញ្ញាតឱ្យភាពតានតឹងរ៉ាំរ៉ៃគ្រប់គ្រងជីវិតរបស់អ្នក ។ ប្រព័ន្ធអ៊័រម៉ូនអង់ដូគ្រីនទាំងមូលរបស់អ្នកអាចប៉ះពាល់យ៉ាងខ្លាំងដោយសារភាពតានតឹងរ៉ាំរ៉ៃ ។
អ្នកគួរតែរៀនទប់ទល់នឹងភាពតានតឹង ហើយអ្នកនឹងអាចចៀសវាងផលវិបាកណាមួយនៅពេលអ្នកត្រៀមខ្លួនរួចជាស្រេច ។ ការហាត់យូហ្គា និងការធ្វើសមាធិនឹងជួយអ្នកយកឈ្នះភាពតានតឹង។ អ្នកក៏អាចធ្វើអ្វីដែលអ្នកស្រលាញ់បានដែរ ដូចជាការថតរូប ការសរសេរ ការធ្វើដំណើរ និងរឿង ផ្សេងៗទៀត។
រឿងទាំងអស់នេះនឹងជួយអ្នកដោះស្រាយភាពតានតឹង ។
៣-ចៀសឱ្យផុតពីផលិតផលសម្អាត ឬគ្រឿងសំអាងដែលរំខានដល់ប្រព័ន្ធអង់ដូគ្រីន
សារធាតុគីមីដែលមាននៅក្នុងផលិតផលថែរក្សាសម្រស់ និងផលិតផលប្រើប្រាស់ក្នុងផ្ទះជាច្រើនអាចមានជាតិពុល ។ វាមានន័យថានៅពេលដែលជាតិពុលទាំងនោះស្ថិតនៅក្នុងប្រព័ន្ធរបស់អ្នក ពួកវាអាចបង្កការខូចខាតរ៉ាឌីកាល់សេរី និងបង្កើនឱកាសនៃបញ្ហាសុខភាព ផ្សេងៗ ។
ដូច្នេះត្រូវប្រាកដថាផលិតផលដែលអ្នកប្រើមិនមានគ្រឿងផ្សំរំខានដល់ការបញ្ចេញអ៊័រម៉ូនអង់ដូគ្រីនដូចជាលីចូមក្លរួ និងbutyl alcohol។ បើសិនជាអាច អ្នកគួរព្យាយាមប្រើប្រាស់ផលិតផលធម្មជាតិសម្រាប់ស្បែករបស់អ្នក ។
៤-បញ្ឈប់ការប្រើថ្នាំពន្យារកំណើតដើម្បីដោះស្រាយបញ្ហាអ៊័រម៉ូន
វាមិនមានបញ្ហាទេប្រសិនបើអ្នកប្រើថ្នាំពន្យារកំណើតដើម្បីចៀសវាងការមានផ្ទៃពោះ ប៉ុន្តែប្រសិនបើអ្នកប្រើវាដើម្បីបំបាត់មុន ឬគ្រប់គ្រងរដូវរបស់អ្នក គឺអ្នកកំពុងតែបង្កើតបញ្ហាដល់រាងកាយរបស់អ្នក ។
សូមបញ្ឈប់ការប្រើប្រាស់ថ្នាំពន្យារកំណើត សូមប្រើថ្នាំឲ្យបានត្រឹមត្រូវដើម្បីធ្វើឱ្យមានតុល្យភាពអ៊័រម៉ូនរបស់អ្នក ហើយចាប់ផ្តើមផ្លាស់ប្តូរអតុល្យភាពអ៊័រម៉ូនរបស់អ្នកជាមួយនឹងការផ្លាស់ប្តូរអាហារ និងរបៀបរស់នៅ ៕
ចែករំលែកព័តមាននេះ