មូលហេតុចំនួន5ធ្វើឱ្យស្ត្រីរលូតកូន
ទោះបីជាស្ត្រីមានសិទិ្ធជ្រើសរើសការរំលូតកូនប្រសិនបើនាងចង់ ប៉ុន្តែនៅពេលខ្លះកត្តាសរីរាង្គមួយចំនួនអាចបណ្ដាលឱ្យស្ត្រីរំលូតកូននៅពេលដែលនាងចង់មានផ្ទៃពោះក៏ដោយ ។ ការរំលូតកូនដោយឯកឯងជា
ទោះបីជាស្ត្រីមានសិទិ្ធជ្រើសរើសការរំលូតកូនប្រសិនបើនាងចង់ ប៉ុន្តែនៅពេលខ្លះកត្តាសរីរាង្គមួយចំនួនអាចបណ្ដាលឱ្យស្ត្រីរំលូតកូននៅពេលដែលនាងចង់មានផ្ទៃពោះក៏ដោយ ។ ការរំលូតកូនដោយឯកឯងជាធម្មតាកើតឡើងក្នុងអំឡុងពេល៣ខែដំបូងនៃការមានផ្ទៃពោះ ហើយទារកមិនអាចលូតលាស់លើសពីពេលកំណត់នេះបាន ។ ខាងក្រោមនេះអាចជាមូលហេតុមួយចំនួននៃការរំលូតកូនដោយឯកឯងដែលស្ត្រីគួរតែយល់ដឹងឲ្យបានច្បាស់ ។
១-ភាពមិនធម្មតានៃក្រូម៉ូសូម
ករណីភាគច្រើន ការរលូតកូនដោយឯងឯងអាចកើតឡើងដោយសារភាពមិនប្រក្រតីនៃក្រូម៉ូសូមមួយចំនួនដែលទារកទទួលបានពីឪពុកម្តាយ ។ ការផ្លាស់ប្តូរហ្សែនមួយចំនួនដោយសារតែភាពមិនប្រក្រតីនៃក្រូម៉ូសូមអាចនាំឲ្យមានការរំលូតកូនដោយឯកឯងកើតឡើង ។
២-បញ្ហាប្រព័ន្ធការពាររាងកាយ
ជួនកាលប្រព័ន្ធការពាររាងកាយរបស់ម្តាយពិនិត្យឃើញថាកោសិការបស់ឪពុកជាកោសិកាចម្លែក ហើយវានឹងវាយប្រហារកោសិកាទាំងនោះ ។ ក្នុងករណីបែបនេះការមានផ្ទៃពោះនឹងត្រូវបានបញ្ចប់នៅក្នុងស្បូនដោយពុំមានលទ្ធភាពបន្តការរីកលូតលាស់ទៅមុខទៀត ។ ហើយវាកាន់តែគ្រោះថ្នាក់នៅពេលកត្តា Rh របស់ឈាមឪពុក និងម្តាយមានភាពខុសគ្នា ។
៣-ភាពមិនប្រក្រតីនៃស្បូន
ការដុះសាច់ក្នុងស្បូន ការឆ្លងមេរោគ បញ្ហាទម្រងរបស់ស្បូនអាចធ្វើឱ្យការមានផ្ទៃពោះពិបាកក្នុងការលូតលាស់ដោយសារទំហំរបស់ស្បូន និងជា រឿយៗនាំទៅរកការរំលូតកូនដោយឯកឯង ។ ស្របគ្នានេះដែរ ការឆ្លងមេរោគ ឬជញ្ជាំងស្បូនមានភាពខ្សោយក៏អាចធ្វើឱ្យពិបាកក្នុងការមានផ្ទៃពោះផងដែរ ។
៤-បញ្ហាក្រពេញអង់ដូគ្រីន ឬអ៊័រម៉ូន
ជាញឹកញាប់ គេតែងនិយាយថាសុខភាពរបស់ស្ត្រីគឺមានសារៈសំខាន់បំផុតទាក់ទងទៅនឹងការមានផ្ទៃពោះ ។ ជំងឺទឹកនោមផ្អែម ជំងឺក្រពេញទីរ៉ូអីុត ឬជំងឺក្រពេញអង់ដូគ្រីន ឬអ៊័រម៉ូនអាចជាមូលហេតុចម្បងដែលនាំឱ្យមានការរំលូតកូនអំឡុងពេលដំបូងនៃការមានផ្ទៃពោះ ៕
ចែករំលែកព័តមាននេះ