ខេត្តបន្ទាយមានជ័យ ៖ ករណីគ្រោះថ្នាក់ចរាចរណ៍មួយ បណ្តាលឲ្យយុវជនម្នាក់ រងរបួសបាក់ជើងឆ្វេងយ៉ាងធ្ងន់ធ្ងរ ដោយសារតែរថយន្តធុនធំបើកបុកម៉ូតូពីក្រោយ ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៣រសៀល ថ្ងៃទី២៧ ខែមិថុនា ឆ្នាំ២០១៧ នៅលើផ្លូវជាតិលេខ៥ ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ខេត្តបន្ទាយមានជ័យ ៖ ករណីគ្រោះថ្នាក់ចរាចរណ៍មួយ បណ្តាលឲ្យយុវជនម្នាក់ រងរបួសបាក់ជើងឆ្វេងយ៉ាងធ្ងន់ធ្ងរ ដោយសារតែរថយន្តធុនធំបើកបុកម៉ូតូពីក្រោយ ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង០៣រសៀល ថ្ងៃទី២៧ ខែមិថុនា ឆ្នាំ២០១៧ នៅលើផ្លូវជាតិលេខ៥ ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
តាមប្រភពព៌ត័មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញជនរងគ្រោះបានបើកម៉ូតូតែម្នាក់ឯង ម៉ាក Honda Dream ពណ៍ខ្មៅ មួយគ្រឿង ពីកើតទៅលិច បន្ទាប់មកគេឃើញរថយន្តធុនធំបើកមកតាមពីក្រោយ ក៏បណ្តាលមកកៀរម៉ូតូជនរងគ្រោះពីក្រោយ បណ្តាលឲ្យយុវជនម្នាក់ដួលទៅនឹងថ្នល់ រងរបួសបាក់ជើងឆ្វេងតែម្តងទៅ ។ ក្រោយហេតុការណ៍ នគរបាលចរាចរណ៍ក្រុងប៉ោយប៉ែត បានចុះទៅដល់កន្លែងកើតហេតុ បានឲ្យដឹងថា ៖ យុវជនរងគ្រោះមានឈ្មោះ ម៉ៅ យ៉ុន ភេទប្រុស អាយុ២៤ឆ្នាំ រស់នៅភូមិអូរល្ហុង សង្កាត់ផ្សារកណ្តាល ក្រុងប៉ោយប៉ែត ចំណែកម៉ូតូជនរងគ្រោះពាក់ស្លាកលេខ បន្ទាយមានជ័យ ១K-០១៤៧ ស៊េរី០១៤ រងការខូចខាតផ្នែកខាងមុខយ៉ាងដំណំ ។ សមត្ថកិច្ចបន្តថា ចំណែករថយន្តធុនធំដែលបង្កនោះពាក់ស្លាកលេខ ស្វាយរៀង ៣A-០៦២៥ ចង្កូតស្តាំ ជារថយន្តដឹកទំនិញ ត្រូវសមត្ថកិច្ចឃាត់ទុកនៅអធិការដ្ឋានក្រុងប៉ោយប៉ែត ជាបណ្តោះអាសន្ន ដើម្បីធ្វើការដោះតាមនីតិវិធី ។
សមត្ថកិច្ចបានបញ្ជាក់បន្ថែមឲ្យដឹងទៀតថា ចំណែកបុរសរងគ្រោះ ត្រូវបានសមត្ថកិច្ចជួយហៅរថយន្តសង្គ្រោះបន្ទាន់ ដឹកយកទៅមន្ទីរពេទ្យបង្អែកដីថ្មី ក្រុងប៉ោយប៉ែត សង្គ្រោះទាន់ពេលវេលាផងដែរ ៕
ចែករំលែកព័តមាននេះ