ខេត្ដពោធិ៍សាត់ ៖ ព្រះវិហារវត្ដសុវណ គិរី ហៅទួលវែង ស្ថិតក្នុងភូមិព្រៃឪម៉ាល់ សង្កាត់រលាប ក្រុងពោធិ៍សាត់ ដែលទើប ស្ថាបនារួចបានធ្វើពិធីបុណ្យឆ្លងកាត់ឫស សីម៉ាដាក់ឱ្យប្រើប្រាស់ជាផ្លូវការនាព្រឹកថ្ងៃទី ៦ មីនា ឆ្នាំ២០១០ ក្រោមអធិបតីភាពលោក ស៊ុយ សែម រដ្ឋមន្ដ្រីក្រសួងឧស្សាហកម្ម រ៉ែ និងថាមពល ប្រធានក្រុមការងារចុះជួយខេត្ដ ពោធិ៍សាត់ និងលោកជំទាវ ។ ពិធីនេះក៏មាន ការចូលរួមពីសំណាក់លោករស់ ស្រេង សមា ជិកព្រឹទ្ធសភា លោកខូយ សុខា អភិបាលខេត្ដ និងក្រុមការងារគណបក្សប្រជាជនកម្ពុជា មួយចំនួនទៀត ដែលចុះជួយខេត្ដពោធិ៍សាត់ ។
នៅពេលវត្ដនេះកសាងបានសាលាឆាន់នា ឆ្នាំ១៩៩៣ នៅសល់ថវិកា១០លានរៀល បានយកមកចាក់គ្រឹះផ្ដើមកសាងព្រះវិហារ បន្ដទៀត ដែលពេលនោះលោកតែ កុតលាង និងអ្នកស្រីទេព សុធី ព្រមទាំងបុត្រ រួមជា មួយពុទ្ធបរិស័ទកសាងបានតែតួព្រះវិហារ ប៉ុណ្ណោះ ទុកចោលរហូត ទើបតែនៅឆ្នាំ ២០០៨ ដោយឃើញទុកចោលយូរពេកដុះ ស្លែខ្លាចខូចអន្ដរាយទៅវិញ លោករដ្ឋមន្ដ្រី ស៊ុយ សែម និងលោកជំទាវ ក៏បានកសាង ដំបូល និងក្បាច់រចនាប័ទ្ម ព្រមទាំងលាបថ្នាំ ឡើងវិញ រហូតបញ្ចប់ជាស្ថាពរដាក់សម្ពោធ នាពេលនេះ ។ បើគិតទៅព្រះវិហារនេះ កសាងរយៈពេល១៧ឆ្នាំ ចំណាយថវិកាសរុប ៩២.០៤០ដុល្លារ ។
ចែករំលែកព័តមាននេះ