អស្ចារ្យ! បុកពីក្រោយហើយទាមទារសំណងទៀត
រាជធានីភ្នំពេញ ៖ រទេះលក់ប្រហិតចៀនមួយគ្រឿងរបស់នារី២នាក់ បានត្រូវរថយន្តបុកពីក្រោយបណ្តាលឲ្យរងការខូចខាតតិចតួចកាលពីវេលាម៉ោង៨យប់ថ្ងៃទី២៥ ខែមិថុនា នៅមុខហាង
រាជធានីភ្នំពេញ ៖ រទេះលក់ប្រហិតចៀនមួយគ្រឿងរបស់នារី២នាក់ បានត្រូវរថយន្តបុកពីក្រោយបណ្តាលឲ្យរងការខូចខាតតិចតួចកាលពីវេលាម៉ោង៨យប់ថ្ងៃទី២៥ ខែមិថុនា នៅមុខហាងលក់-ទិញម៉ូតូ ចុងស៊ីន ស្ថិតនៅតាមផ្លូវលេខ២៧១ សង្កាត់ទឹកថ្លា ខណ្ឌសែនសុខ។
ប្រភពព័ត៌មានឲ្យដឹងថា រទេះលក់ប្រហិតចៀនរបស់នារីទាំង២នាក់ធ្វើដំណើរពីជើងទៅត្បូង លុះចំណុចខាងលើក៏បង្អង់ល្បឿនព្រោះស្ថានភាពផ្លូវ ចង្អៀតមានការដ្ឋានកំពុងកាយផ្លូវដាក់លូ ។ ខណៈនោះស្រាប់តែមានរថយន្តឡិចស៊ីសមួយគ្រឿង ពណ៌ស ពាក់ផ្លាកលេខ ស្វាយរៀង ២D-៩៩៩៩ បើកបរដោយនារីម្នាក់ក្នុងទិសដៅស្របគ្នាមកពីក្រោយបានជ្រុលទៅបុកគូទរទេះលក់ប្រហិតបណ្តាលរថយន្តឆ្កូតថ្នាំខាងមុខចំហៀងខាងស្តាំតិចតួច ឯរទេះលក់ប្រហិតក៏រងការខូចខាតតិចតួចដែរតែមិនមានអ្នករងរបួសអ្វីទេ។
ក្រោយកើតហេតុ ភាគីខាងរថយន្តបានទាមទារសំណងថ្លៃខូចខាតចំនួន៥០០ដុល្លារ តែភាគីខាងរទេះលក់ប្រហិតមិនព្រម ហើយជជែកតវ៉ាគ្នារហូតដល់ជិតពាក់កណ្តាលអធ្រាត្រ ទើបភាគីខាងរថយន្តបើករថយន្តចេញទៅដោយមិនទាមទារសំណងអ្វីទៀតឡើយ ៕
ចែករំលែកព័តមាននេះ