អ្នកគ្រូម្នាក់ត្រូវចោរឆក់កាបូប ខណៈជិះម៉ូតូទៅបង្រៀនសិស្ស
រាជធានីភ្នំពេញ ៖ អ្នកគ្រូបង្រៀនម្នាក់ខណៈពេលកំពុងជិះម៉ូតូ១គ្រឿងទៅបង្រៀនសិស្សនៅតាមផ្ទះមួយកន្លែង ប៉ុន្តែមិនទាន់ទៅដល់គោលដៅផង ស្រាប់តែចោរឆក់យកកាបូបទៅបាត់
រាជធានីភ្នំពេញ ៖ អ្នកគ្រូបង្រៀនម្នាក់ខណៈពេលកំពុងជិះម៉ូតូ១គ្រឿងទៅបង្រៀនសិស្សនៅតាមផ្ទះមួយកន្លែង ប៉ុន្តែមិនទាន់ទៅដល់គោលដៅផង ស្រាប់តែចោរឆក់យកកាបូបទៅបាត់
រាជធានីភ្នំពេញ ៖ អ្នកគ្រូបង្រៀនម្នាក់ខណៈពេលកំពុងជិះម៉ូតូ១គ្រឿងទៅបង្រៀនសិស្សនៅតាមផ្ទះមួយកន្លែង ប៉ុន្តែមិនទាន់ទៅដល់គោលដៅផង ស្រាប់តែចោរឆក់យកកាបូបទៅបាត់ កាលពីវេលាម៉ោង២ និង៣០នាទីរសៀល ថ្ងៃទី២៣ ខែមិថុនា ឆ្នាំ២០១៧ ស្ថិតតាមផ្លូវលេខ២០០៤ ស្ថិតនៅក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ប៉ុន្តែក្រោយពេលកើតហេតុ គាត់បានទៅប្ដឹងនគរបាលប៉ុស្តិ៍រដ្ឋបាល កាកាប ខណ្ឌពោធិ៍សែនជ័យវិញ ព្រោះគាត់ស្មានថាចំណុចកើតហេតុនោះស្ថិតនៅក្នុងភូមិសាស្ត្រសង្កាត់កាកាប។
តាមប្រភពព័ត៌មានបានឲ្យដឹងថា ស្ត្រីរងគ្រោះខាងលើនោះឈ្មោះ អាង ដាវី អាយុ៤០ឆ្នាំ គាត់គឺជាគ្រូបង្រៀនតាមផ្ទះ និងស្នាក់នៅក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ។ នៅក្នុងកាបូបរបស់គាត់ដែលចោរឆក់យកទៅបាត់នោះមានលុយចំនួនជាង៦០ដុល្លារ,ទូរស័ព្ទម៉ាកអាយហ្វូន១គ្រឿង,សៀវភៅធនាគារ, សៀវភៅពុម្ពចំនួន៣ក្បាល,និងអត្តសញ្ញាណប័ណ្ណផងដែរ។ នៅមុនពេលកើតហេតុគាត់បានជិះម៉ូតូ១គ្រឿង ម៉ាកហុងដាគុបជ្រុងពណ៌ស្លែ ពាក់ស្លាកលេខ ភ្នំពេញ1CQ- 4797 ធ្វើដំណើរតាមផ្លូវ២០០៤ក្នុងទិសដៅពីកើតទៅលិច ដើម្បីទៅបង្រៀនសិស្សនៅផ្ទះមួយកន្លែងដែលមានទីតាំងស្ថិតនៅក្បែរស្ថានីទូរទស្សន៍អាស៊ីអាគ្នេយ៍។
ប្រភពដដែលបានបន្តទៀតថា លុះពេលទៅដល់ត្រង់ចំណុចទល់មុខ សាលាណតប្រ៊ីដ ស្រាប់តែមានជនសង្ស័យម្នាក់ជិះម៉ូតូ ម៉ាកហុងដាឌ្រីមសេ១២៥ ពណ៌ខ្មៅមិនចាំស្លាកលេខ ជិះទៅក្បែរគាត់ ប៉ុន្តែមិនបានធ្វើសកម្មភាពអ្វីទេ ហើយក៏បន្ថែមល្បឿនយ៉ាងលឿនទៅមុខបាត់ទៅ។ បន្ទាប់មកក៏មានជនសង្ស័យម្នាក់ទៀត ជិះម៉ូតូម៉ាកហុងដាឌ្រីមសេ១២៥មិនចាំស្លាកលេខ ១គ្រឿងផ្សេងទៀតបានជិះទៅអែបជិតគាត់ទៀត ហើយបានធ្វើសកម្មភាពឆក់យកកាបូបស្ពាយរបស់គាត់បានសម្រេច និងបានគេចខ្លួនទៅបាត់ស្រមោលតែម្តង។ ក្រោយពេលកើតហេតុអ្នកគ្រូខាងកើបានទៅដាក់ពាក្យបណ្តឹងនៅប៉ុស្តិ៍កាកាបខណ្ឌពោធិ៍សែនជ័យ តែបន្ទាប់ពីធ្វើការសួរនាំទើបដឹងថា ចំណុចកើតហេតុនោះស្ថិតនៅក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ទើបនគរបាលប៉ុស្ដិ៍កាកាប ប្រាប់ឲ្យជនរងគ្រោះទៅប្តឹងនគរបាលប៉ុស្តិ៍ទឹកថ្លាវិញ៕
ចែករំលែកព័តមាននេះ