រាជធានីភ្នំពេញ ៖ បុរសម្នាក់រងរបួសធ្ងន់ ខណៈជិះម៉ូតូបត់ត្រឡប់ក្រោយត្រូវរថយន្តមួយគ្រឿងជាន់ហ្វ្រាំមិនទាន់ក៏បុកពេញទំហឹងបណ្តាលឱ្យខ្ទាតមនុស្សចេញ ចំណែកម៉ូតូត្រូវរថយន្តកិនពីលើកល់ជាប់ខាងក្រោមតែម្តង ។ ករណីនេះកើតឡើងកាលពីម៉ោង២១និង៣០នាទីយប់ ថ្ងៃទី២៤ ខែមិថុនា ឆ្នាំ២០១៧ នៅផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ជនរងគ្រោះរបួសមិនត្រូវបានស្គាល់ឈ្មោះ ក្រោយហេតុការណ៍កើតឡើងអ្នកដំណើរដឹកតាមម៉ូតូទៅមន្ទីពេទ្យឯកជនបាតមទៅដើម្បីព្យាបាល ។
ប្រភពពីបុរសម្នាក់លក់ដូរនៅក្បែរកន្លែងកើតហេតុបានប្រាប់ថា នៅមុនកើតហេតុបានឃើញបុរសម្នាក់ជិះម៉ូតូមួយគ្រឿង SUZUKI Smash ពណ៌ខ្មៅពាក់ស្លាកលេខ ភ្នំពេញ 1AA-5292 ដោយបើកបរមកក្នុងទិសដៅពីលិចទៅកើត ខណះណៈមកដល់ចំណុចខាងលើម៉ូតូបានព្យាយាមបើកបត់ត្រឡប់ក្រោយវិញពេលនោះស្រាប់តែមានរថយន្តមួយគ្រឿងម៉ាកសាំយ៉ុងពណ៌ស ពាក់ស្លាកលេខ ភ្នំពេញ 2AK-4951 បើកមកពីកើតទៅលិចជាន់ហ្វ្រាំងមិនទាន់ក៏៍ជ្រុលទៅបុកម៉ូតូពេញទំហឹងបណ្តាលអោយឱ្យខ្ទៀតខ្ទាតមនុស្សចេញទៅម្ខាងចំណែកម៉ូតូត្រូវរថយន្តកិនពីលើកល់ជាប់ខាងក្រោមតែម្តង ។
ក្រោយហេតុការណ៍កើតឡើងអ្នកដំណើរបានជួយដឹកបុរសរងរបួសតាមម៉ូតូទៅមន្ទីពេទ្យឯកជនបាត់ ទៅដោយឡែករថយន្ត និងម៉ូតូត្រូវបានសមត្ថកិច្ចមូលដ្ឋានចុះទៅវាស់វែង និងយកមកទៅរក្សាទុកនៅផ្នែកចរាចរណ៍នៃអធិការដ្ឋាននគរបាលខណ្ឌពោធិ៍សែនជ័យរងចាំដោះស្រាយពេលក្រោយ ៕
ចែករំលែកព័តមាននេះ