ដាក់អង្កាមពីលើ ឈើពីក្រោម រូបភាពបន្លំភ្នែកសមត្ថកិច្ច
ខេត្តកំពង់ឆ្នាំង ៖ ឈើប្រណីតប្រភេទធ្នង់មួយរថយន្តយីឌុប ត្រូវបានកម្លាំងសមត្ថកិច្ចចម្រុះ ដឹកនាំដោយលោកអនុប្រធានមន្ទីរកសិកម្មខេត្តកំពង់ឆ្នាំង ធ្វើការចាប់ឃាត់បាននៅវេលាម៉ោង៩
ខេត្តកំពង់ឆ្នាំង ៖ ឈើប្រណីតប្រភេទធ្នង់មួយរថយន្តយីឌុប ត្រូវបានកម្លាំងសមត្ថកិច្ចចម្រុះ ដឹកនាំដោយលោកអនុប្រធានមន្ទីរកសិកម្មខេត្តកំពង់ឆ្នាំង ធ្វើការចាប់ឃាត់បាននៅវេលាម៉ោង៩
ខេត្តកំពង់ឆ្នាំង ៖ ឈើប្រណីតប្រភេទធ្នង់មួយរថយន្តយីឌុប ត្រូវបានកម្លាំងសមត្ថកិច្ចចម្រុះ ដឹកនាំដោយលោកអនុប្រធានមន្ទីរកសិកម្មខេត្តកំពង់ឆ្នាំង ធ្វើការចាប់ឃាត់បាននៅវេលាម៉ោង៩ និង៣០នាទីយប់ ថ្ងៃទី២២ ខែមិថុនា ឆ្នាំ២០១៧ នៅតាមបណ្តោយផ្លូវជាតិលេខ៥ ត្រង់ចំណុចមុខបន្ទាយគីមីសាស្ត្រ ស្ថិតក្នុងភូមិជ្រលាត់ដៃ ឃុំស្វាយ ស្រុកសាមគ្គីមានជ័យ ខណៈដែលរថយន្តខាងលើបន្លំភ្នែកសមត្ថកិច្ចដាក់អង្កាមពីលើឈើពីក្រោម។ លោក កែវ រិទ្ធិ អនុប្រធានមន្ទីរកសិកម្មខេត្តកំពង់ឆ្នាំងបានឱ្យដឹងថា ខណៈរូបលោក និងសមត្ថកិច្ច៣នាក់ទៀត ត្រឡប់ពីបំពេញភារកិច្ចវិញ លោកបានបើករថយន្តតាមថ្នល់ជាតិ ហើយបានប្រទះឃើញរថយន្តយីឌុប១គ្រឿងម៉ាកហ្វុយហ្សូ ចង្កូតស្តាំ ពាក់ស្លាកលេខ PS-0032 កំពុងបើកបរលើថ្នល់ជាតិ ដោយមានដាក់ការ៉ុងស្រូវពីលើ។
ប៉ុន្តែពេលបើកតាមក្រោយបានបន្តិចក៏ស្រាប់ឃើញ មានហូរទឹកចេញតាមបាតនៃទ្រង់រថយន្ត ដោយមានការសង្ស័យ លោកបានបើកសុំជែងវ៉ា តែអ្នកបើករថយន្តខាងលើមិនព្រមឲ្យវ៉ា ទើបលោកទូរសព្ទ័ទៅសមត្ថកិច្ចម្រុះនៅខាងមុខ ហើយក៏ស្ទាក់ចាប់បានរថយន្តខាងលើ នៅចំណុចមុខបន្ទាយគីមីសាស្ត្រតែម្តង ខណៈនោះអ្នកបើកបររថយន្តដឹកឈើខាងលើ បានគេចខ្លួនបាត់ ។ ក្រោយការចាប់ឃាត់រថយន្តខាងលើ សមត្ថកិច្ចបានឆែកឃើញការ៉ុងពីលើ មិនមែនដាក់ស្រូវទេ គឺដាក់អង្កាម សម្រាប់បន្លំភ្នែកសមត្ថកិច្ច ចំណែកខាងក្រោមវិញសុទ្ធតែឈើប្រណីត ហើយក៏បាននាំយករថយន្តខាងលើ នេះមករក្សាទុកនៅផ្នែករដ្ឋបាលព្រៃឈើកំពុងត្រឡាច ដើម្បីរង់ចាំធ្វើកំណត់ហេតុវាស់វែង។
លោក ឯម វិចិត្រ នាយសង្កាត់រដ្ឋបាលព្រៃឈើកំពង់ត្រឡាចបានឲ្យដឹង នៅព្រឹកថ្ងៃទី២៣ ខែមិថុនា ឆ្នាំ២០១៧ នេះថា សមត្ថកិច្ចចម្រុះមាននគរបាលកងរាជអាវុធហត្ថ និងមន្ត្រីរដ្ឋបាលព្រៃឈើ បានធ្វើការវាស់វែង ឃើញឈើក្នុងរថយន្តមានចំនួន៨៣៧ដុំ ស្មើនឹងទម្ងន់ ១១.៩៨៧ គីឡូក្រាម និងប្រហែលជាង ១១ម៉ែត្រគូប។ លោកបានបញ្ជាក់ទៀតថា តាមនីតិវីធីច្បាប់ឈើ និងរថយន្តទាំងនេះត្រូវការរក្សាទុកនៅទីនេះដើម្បីឲ្យម្ចាស់ឈើចូលខ្លួនមកផាកពិន័យតាមនីតិវិធី ហើយយករថយន្តត្រលប់ទៅវិញ ក្នុងរយៈពេល ៣០ថ្ងៃ ប៉ុន្តែបើមិនឃើញមកទេ សមត្ថកិច្ចជំនាញនឹងកសាងសំណុំរឿងបញ្ជូនទៅតុលាការតាមនីតិវីធី៕
ចែករំលែកព័តមាននេះ