ប្រទះឃើញសាកសពបុរសម្នាក់ នៅក្នុងព្រៃរលួយសល់តែគ្រោងឆ្អឹង
ខេត្តរតនគិរី ៖ ប្រជាពលរដ្ឋបានប្រទះឃើញសាកសពបុរសម្នាក់បានស្លា.ប់នៅក្នុងព្រៃរលួយសល់តែគ្រោងឆ្អឹង ហេតុការណ៍ភ្ញាក់ផ្អើលនេះបានកើតឡើងនៅថ្ងៃទី២៣ ខែមិថុនា
ខេត្តរតនគិរី ៖ ប្រជាពលរដ្ឋបានប្រទះឃើញសាកសពបុរសម្នាក់បានស្លា.ប់នៅក្នុងព្រៃរលួយសល់តែគ្រោងឆ្អឹង ហេតុការណ៍ភ្ញាក់ផ្អើលនេះបានកើតឡើងនៅថ្ងៃទី២៣ ខែមិថុនា
ខេត្តរតនគិរី ៖ ប្រជាពលរដ្ឋបានប្រទះឃើញសាកសពបុរសម្នាក់បានស្លាប់នៅក្នុងព្រៃរលួយសល់តែគ្រោងឆ្អឹង ហេតុការណ៍ភ្ញាក់ផ្អើលនេះបានកើតឡើងនៅថ្ងៃទី២៣ ខែមិថុនា ឆ្នាំ២០១៧ វេលាម៉ោង២ និង៣០នាទីរសៀល នៅចំណុចចម្ការរបស់ឈ្មោះ ផាន់ ភុយ ភេទប្រុស ស្ថិតនៅភូមិហ្វាំង ឃុំប៉ុង ស្រុកវ៉ើនសៃ។ ក្រោយពីមានការភ្ញាក់ផ្អើលប្រជាពលរដ្ឋបានរាយការណ៍ទៅប្រាប់សមត្ថកិច្ចមូលដ្ឋាន និងខេត្តទៅធ្វើការត្រួតពិនិត្យសាកសព។ សមត្ថកិច្ចបានឲ្យអ្នកសារព័ត៌មានដឹងថា ថានៅថ្ងៃដដែលនោះ មានប្រជាពលរដ្ឋម្នាក់ឈ្មោះ សៀន សម្បត្តិ ភេទប្រុស អាយុ១៨ឆ្នាំ បានដើរឃ្វាលគោហើយក៏ប្រទះឃើញសាកសពខាងលើក៏រាយការណ៍មកសមត្ថកិច្ចមូលដ្ឋាន ហើយនៅម៉ោង២រសៀលថ្ងៃដដែលនេះមានមន្ត្រីកងរាជអាវុធហត្ថ ស្រុកវ៉ើនសៃ នគរបាលស្រុក និងមានការចូលរួមពីប្រធានមណ្ឌលសុខភាពស្រុកវ៉ើនសៃ និងសមត្ថកិច្ចខេត្តធ្វើការត្រួតពិនិត្យសាកសពផងដែរ។
លោក ទើ នូថង អធិការស្រុកវ៉ើនសៃបានឲ្យដឹងថា ក្រោយពីសមត្ថកិច្ចត្រួតពិនិត្យលើសាកសព ស្ថានភាពនៅកន្លែងសាកសពស្លាប់ក្នុងព្រៃដាច់ស្រយាលពីភូមិប្រជាពលរដ្ឋ៤គីឡូ ជាចំណុចគ្មានប្រជាពលរដ្ឋឆ្លងកាត់ញឹកញាប់នោះទេ។ សាកសពនេះទំនងបានស្លាប់រយៈពេលជាង១ខែមកហើយ ហើយសាកសពនេះ ភេទប្រុស តែអាយុមិនអាចសនិ្នដ្ឋានបាន ជាប់ខ្លួនសាកសពមានខោកីឡាខ្លី ពណ៌ខៀវ អាវអត់មាន ស្បែកជើងអត់មាន កំពស់១,៦៨ម៉ែត្រ ចំណែកសក់ និងពណ៌សំម្បុរ សមត្ថកិច្ចមិនអាចសន្និដ្ឋានបានទេ។
សមត្ថកិច្ចដដែលបានបន្តទៀតថា បើតាមការសាកសួរពីប្រជាពលរដ្ឋនៅក្នុងភូមិឃុំខាងលើថា សាកសពនេះគ្មាននណាបានស្គាល់នោះទេ ទំនងមនុស្សមកពីស្រុកផ្សេង តាមការសន្និដ្ឋានរបស់សមត្ថកិច្ចមាន៣យ៉ាង ទី១.សាកសពនេះអាចជាខ្យល់គស្លាប់ ទី២.អ្នករកសត្វត្រូវពស់ចឹក ទី៣.ជនវិកលចរិតដើរដាច់បាយទើបបណ្តាលឲ្យស្លាប់នៅក្នុងព្រៃដូច្នេះ។ ហើយសាកសពនេះ សមត្ថកិច្ចសម្រេចចិត្តកប់នៅកន្លែងកើតហេតុតែម្តង ហើយសមត្ថកិច្ចអំពាវនាវតាមរយៈសារព័ត៌មានមានបងប្អូនណាបាត់សមាជិកក្រុមគ្រួសារភិនភាគខាងលើសូមទំនាក់ទំនងសមត្ថកិច្ចនៅស្រុកវ៉ើនសៃ៕
ចែករំលែកព័តមាននេះ