ពលរដ្ឋបើកអេស្កាកាយដី ប្រទះឃើញគ្រាប់យុទ្ធភណ្ឌមិនទាន់ផ្ទុះ៣គ្រាប់
ខេត្តសៀមរាប ៖ ពលរដ្ឋស៊ីឈ្នួលបើកអេស្កាឈូសឆាយ កាយដី ឱ្យគេនៅដីឡូត៍ ក្នុងអតីតស្តាតចាស់ខណៈកំពុងឈូសឆាយដី ដើម្បីសាងសង់ផ្សាររាត្រី
ខេត្តសៀមរាប ៖ ពលរដ្ឋស៊ីឈ្នួលបើកអេស្កាឈូសឆាយ កាយដី ឱ្យគេនៅដីឡូត៍ ក្នុងអតីតស្តាតចាស់ខណៈកំពុងឈូសឆាយដី ដើម្បីសាងសង់ផ្សាររាត្រី
ខេត្តសៀមរាប ៖ ពលរដ្ឋស៊ីឈ្នួលបើកអេស្កាឈូសឆាយ កាយដី ឱ្យគេនៅដីឡូត៍ ក្នុងអតីតស្តាតចាស់ខណៈកំពុងឈូសឆាយដី ដើម្បីសាងសង់ផ្សាររាត្រី ស្រាប់តែប្រទះឃើញគ្រាប់យុទ្ធភណ្ឌមិនទាន់ផ្ទុះសេសសល់ពីសម័យសង្គ្រាម ចំនួន៣គ្រាប់ កាលពីវេលាម៉ោង៩ និង៣៥នាទីព្រឹក នានៅថ្ងៃទី២២ ខែមិថុនា ឆ្នាំ២០១៧ ស្ថិតនៅក្នុងភូមិមណ្ឌល២ សង្កាត់ស្វាយដង្គំ ក្រុង/ខេត្តសៀមរាប រួចយកមកប្រគល់ឱ្យ កម្លាំងការិយាល័យគ្រប់គ្រង់អាវុធជាតិផ្ទុះនៃស្នងការដ្ឋាននគរបាលខេត្ត ដើម្បីឱ្យជួយរាយការណ៍ទៅឱ្យអង្គការស៊ីម៉ាក យកទៅកំទេចចោល។
តាមប្រភពពីកម្លាំងការិយាល័យគ្រប់គ្រង់អាវុធជាតិផ្ទុះនៃស្នងការដ្ឋាននគរបាលខេត្តសៀមរាប បានប្រាប់ថា ដោយមានសេចក្តីរាយការណ៍ពីអ្នកគ្រប់គ្រងនៅការដ្ឋានសំណង់ ទើបកម្លាំងជំនាញ បានសហការជាមួយមន្ត្រីប៉ុស្តិ៍សង្កាត់ស្វាយដង្គំ និងមន្ត្រីអង្គការស៊ីម៉ាក បានចុះទៅត្រួតពិនិត្យគ្រាប់ ដល់កន្លែងកើតហេតុ។ ប្រភពបានបន្តថា គ្រាប់យុទ្ធភណ្ឌមិនទាន់ផ្ទុះ ដែលពួកគាត់បានឃើញនោះមានចំនួន៣គ្រាប់ ស្ថិតនៅចំណុចក្នុងការដ្ឋានសំណង់ អតីតស្តាតចាស់ ក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប ខណៈដែលអ្នកបើកអេសស្កា កំពុងឈូសឆាយដី ដើម្បីសង់ផ្សារាត្រី។
ប្រភពដដែលបានបញ្ជាក់បន្ថែមថា គ្រាប់ដែលអ្នកអេស្កាប្រទះចំនួន៣គ្រាប់នោះ រួមមាន ១-គ្រាប់ប្រភេទ 60mm ចំនួន១គ្រាប់ ២-គ្រាប់ប្រភេទ81mm ចំនួន១គ្រាប់ និង៣-គ្រាប់ប្រភេទ120mm ចំនួន១គ្រាប់ ដែលជាគ្រាប់យុទ្ធភណ្ឌមិនទាន់ផ្ទុះនេះ គឺសេសសល់ពីសម័យសង្គ្រាមនៅមានគុណភាពនៅឡើយ។ បច្ចុប្បន្នគ្រាប់យុទ្ធភណ្ឌមិនទាន់ផ្ទុះចំនួន៣គ្រាប់ ដែលអ្នកអេស្កា កាយដីប្រទះឃើញនោះ ត្រូវបានកម្លាំងជំនាញ បានធ្វើការប្រគល់ឱ្យមន្ត្រី អង្គការស៊ីម៉ាកនៅវេលាម៉ោង៩ និង១០នាទីព្រឹក ថ្ងៃទី២៣ ខែមិថុនា ឆ្នាំ២០១៧ ដើម្បីយកទៅកម្ទេចចោល៕
ចែករំលែកព័តមាននេះ