ម្យ៉ាងដែរ! យកហុងដា ទៅដូរ MSX ដល់ពេលដួលទើបបែកធ្លាយ
ខេត្តកណ្តាល ៖ យុវជនម្នាក់បានយកម៉ូតូរបស់ពូទៅដូរម៉ូតូជាមួយមិត្តភក្តិ រួចជិះទាល់តែដួល ទើបបែករឿង ហេតុការណ៍គ្រោះថ្នាក់ចរាចរណ៍នេះកើតឡើងកាលពី
ខេត្តកណ្តាល ៖ យុវជនម្នាក់បានយកម៉ូតូរបស់ពូទៅដូរម៉ូតូជាមួយមិត្តភក្តិ រួចជិះទាល់តែដួល ទើបបែករឿង ហេតុការណ៍គ្រោះថ្នាក់ចរាចរណ៍នេះកើតឡើងកាលពី
ខេត្តកណ្តាល ៖ យុវជនម្នាក់បានយកម៉ូតូរបស់ពូទៅដូរម៉ូតូជាមួយមិត្តភក្តិ រួចជិះទាល់តែដួល ទើបបែករឿង ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង20និង30នាទីយប់ ថ្ងៃទី22 ខែមិថុនា ឆ្នាំ2017 នៅលើកំណាត់ផ្លូវជាតិលេខ1 ចន្លោះគីឡូម៉ែត្រលេខ25-26ស្ថិតក្នុងភូមិស្តៅកន្លែង ឃុំដីឥដ្ឋ ស្រុកកៀនស្វាយ។
ជនសង្ស័យឈ្មោះ ទេស សុភី ហៅអ៊ុយ ភេទប្រុស អាយុ១៦ឆ្នាំ មានទីលំនៅភូមិកណ្តាល ឃុំចេក ស្រុកស្វាយរៀង បានលួចម៉ូតូ១គ្រឿងជារបស់ពូឈ្មោះ កើត សាវី ភេទប្រុស អាយុ25ឆ្នាំ មានទីលំនៅភូមិកណ្តាល ឃុំចេក ស្រុកស្វាយរៀង ម៉ាកហុងដា សេ125 ពណ៌ខ្មៅ ស៊េរីឆ្នាំ2015 ពាក់ស្លាកលេខ ស្វាយរៀង 1I.0259 ទៅដូរម៉ូតូមិត្តភក្តិម៉ាក MSX ពណ៌ស ពាក់ស្លាកលេខ ភ្នំពេញ1FE.3615 ។
សមត្ថកិច្ចឲ្យដឹងថា មុនពេលកើតហេតុឃើញយុវជនម្នាក់ជិះម៉ូតូម៉ាក MSX ពីភ្នំពេញ-អ្នកលឿង ស្រាប់តែដួលម៉ូតូម្នាក់ឯង បណ្តាលឲ្យរងរបួស ។ ភ្លាមៗនោះសមត្ថកិច្ចក៏ចុះវាស់វែង និងយកអ្នករបួសទៅមន្ទីរពេទ្យ ។ក្រោយមកសមត្ថកិច្ចបានសួរនាំ តែពុំមានឯកសារសម្គាល់ខ្លួន ចំណែកឯកសារម៉ូតូក៏គ្មាន ទើបសមត្ថកិច្ចផ្សព្វផ្សាយតាមវិទ្យុ ដើម្បីរកបងប្អូនមកមើល ស្រាប់តែមានបុរសម្នាក់មកប្រាប់ថា ជននោះត្រូវជាក្មួយរបស់គាត់បានលួចម៉ូតូគាត់1គ្រឿងកាលពីថ្ងៃទី12 មិថុនា ហើយគាត់ក៏ដាក់ពាក្យបណ្តឹងរួចដែរ។ នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាលួចម៉ូតូរបស់ពូប្រាកដមែន ប៉ុន្តែម៉ូតូនោះខ្លួនបានយកទៅដូរជាមួយម៉ូតូមិត្តភក្តិនៅឯខេត្តតាកែវ ហើយជិះត្រឡប់ទៅផ្ទះវិញ ស្រាប់តែជួបគ្រោះថ្នាក់តែម្តង។
បច្ចុប្បន្នជនសង្ស័យកំពុងសំរាកព្យាបាលនៅមន្ទីរពេទ្យបង្អែក ក្រោមការគ្រប់គ្រងរបស់កម្លាំងសមត្ថកិច្ច រង់ចាំម្ចាស់ម៉ូតូមកទទួលយក ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ