ខេត្តកំពង់ធំ ៖ ផ្ទះ២ខ្នងធ្វើអំពីឈើដំបូលប្រក់ស័ង្កសី ស្ថិតនៅក្នុងភូមិម្សាក្រង(ជើង) ឃុំម្សាក្រង ស្រុកស្ទោង ខេត្តកំពង់ធំ ត្រូវបានអគ្គិភ័យលេបត្របាក់អស់មួយខ្នង ឆេះហ្មត់ និងមួយខ្នងទៀត នៅសល់តែគ្រោងឆ្អឹងតិចតួច ។
ខេត្តកំពង់ធំ ៖ ផ្ទះ២ខ្នងធ្វើអំពីឈើដំបូលប្រក់ស័ង្កសី ស្ថិតនៅក្នុងភូមិម្សាក្រង(ជើង) ឃុំម្សាក្រង ស្រុកស្ទោង ខេត្តកំពង់ធំ ត្រូវបានអគ្គិភ័យលេបត្របាក់អស់មួយខ្នង ឆេះហ្មត់ និងមួយខ្នងទៀត នៅសល់តែគ្រោងឆ្អឹងតិចតួច ។
លោកអនុសេនីយ៏ឯក តាន់ ឆេងនឿន អធិការរងនគរបាលស្រុកស្ទោង ទទួលបន្ទុកផ្នែកសណ្តាប់ធ្នាប់ បានប្រាប់ កោះសន្តិភាព ឲ្យដឹងនៅព្រឹកថ្ងៃទី២៣ ខែមិថុនា ឆ្នាំ២០១៧ នេះថា ៖ ករណីអគ្គិភ័យខាងលើ បានកើតឡើងកាលពីល្ងាចថ្ងៃទី២២ ខែមិថុនា ឆ្នាំ២០១៧ ស្ថិតនៅក្នុងភូមិម្សារក្រង(ជើង) ឃុំម្សាក្រង ស្រុកស្ទោង ខេត្តកំពង់ធំ បណ្តាលឲ្យផ្ទះចំនួនពីរខ្នង ដែលនៅជិតគ្នាត្រូវបានអគ្គិភ័យឆេះអស់ហ្មត់ ។ ផ្ទះទី១.ម្ចាស់ឈ្មោះ ជិន ណៃ ភេទស្រី អាយុ៧០ឆ្នាំ ជាស្ត្រីមេម៉ាយ ផ្ទះដែលត្រូវភ្លើងឆេះនោះមានទំហំ ១១គុណនិង៦ម៉ែត្រ ធ្វើអំពីឈើប្រក់ស័ង្កសី និងឆេះអស់ប្រាក់ចំនួន៦០០ដុល្លារ និងសម្ភារមួយចំនួនទៀត និងផ្ទះទី២.ម្ចាស់ឈ្មោះ ឌៀប ខន ភេទស្រី អាយុ៧២ឆ្នាំ ជាស្ត្រីមេម៉ាយដូចគ្នា មានទំហំ ៤គុណនិង៥ម៉ែត្រ ធ្វើអំពីឈើប្រក់ស័ង្កសី និងសម្ភារមួយចំនួនទៀត ។
លោកអធិការរងបន្តរថា ៖ ករណីខាងលើនេះ បណ្តាលមកពីចៅស្រីរបស់លោកយាយ ជិន ណៃ ឈ្មោះ រិន ឆេងគាង អាយុ៦ឆ្នាំ បានយកដែកកេះរបស់លោកយាយ ដែលជាជីដូនដាក់នៅលើក្បាលដំណេក ទុកសម្រាប់អុជទានធូបថ្វាយបង្គំព្រះ យកមកកេះលេង គាប់ជួននៅពេលក្រោកពីដំណេក លោកយាយមិនបានសារមងភួយទុកដាក់ឲ្យបានត្រឹមត្រូវ ខណៈដែលចៅស្រីកេះដែកកេះលេង ក៏បណ្ដាលឲ្យភ្លើងដែលកេះឆាបឆេះមង ក៏រាលដាលឆេះផ្ទះតែម្តង ហើយក៏ឆេះឆ្លងទៅដល់ផ្ទះលោកយាយ ឌៀប ខន មួយទៀតដែលនៅជិតគ្នានោះតែម្ដង ។ សំណាងល្អដែលមិនបណ្តាលឲ្យមានគ្រោះថ្នាក់ដល់មនុស្សនោះឡើយ ។ ទម្រាំតែរថយន្តពន្លត់អគ្គិភ័យ របស់អធិការស្រុកទៅដល់ ផ្ទះត្រូវភ្លើងឆេះស្ទើទាំងស្រុក ប្រជាពលរដ្ឋ និងអ្នកភូមិបាននាំគ្នាយកប៉ោត ជួយដងទឹកជះពន្លត់ដែរ តែមិនអាចគ្រប់គ្រងស្ថានភាពភ្លើងបានឡើយ គួរឲ្យអាណិតដល់លោកយាយទាំងពីរនាក់ ចាស់ហើយឆេះផ្ទះអស់ទៀត ៕
ចែករំលែកព័តមាននេះ