រាជធានីភ្នំពេញ ៖ តុលាការកំពូលបានសម្រេច កាលពីព្រឹកថ្ងៃទី២៣ មិថុនា នេះ នូវបណ្តឹងសារទុក្ខប្រឆាំងការឃុំខ្លួន លោកគឹម សុខ អ្នកវិភាគបញ្ហាសង្គម និងនយោបាយ ដោយសម្រេចតម្កល់ករណីលោកគឹម សុខ ប្តឹងប្រឆាំងនឹងការឃុំខ្លួនរបស់ចៅក្រមសាលាដំបូង និងសាលាឧទ្ធរណ៍ថា ជាការត្រឹមត្រូវ ។
រាជធានីភ្នំពេញ ៖ តុលាការកំពូលបានសម្រេច កាលពីព្រឹកថ្ងៃទី២៣ មិថុនា នេះ នូវបណ្តឹងសារទុក្ខប្រឆាំងការឃុំខ្លួន លោកគឹម សុខ អ្នកវិភាគបញ្ហាសង្គម និងនយោបាយ ដោយសម្រេចតម្កល់ករណីលោកគឹម សុខ ប្តឹងប្រឆាំងនឹងការឃុំខ្លួនរបស់ចៅក្រមសាលាដំបូង និងសាលាឧទ្ធរណ៍ថា ជាការត្រឹមត្រូវ ។
លោក ឃឹម ប៉ុណ្ណ អនុប្រធានតុលាការកំពូល និងជាប្រធានក្រុមប្រឹក្សាជំនុំជម្រះ នៅព្រឹកថ្ងៃទី២៣ មិថុនា ឆ្នាំ២០១៧ បានសម្រេចទទួលបណ្តឹងប្តឹងសាទុក្ខរបស់មេធាវី ជួង ជូងី ការពារសិទ្ធិលោកគឹម សុខ ត្រូវតាមទម្រង់ច្បាប់។
តែក្រុមចៅក្រមបានសម្រេចថា៖ «តុលាការបដិសេធបណ្តឹងប្តឹងសាទុក្ខរបស់មេធាវី ជួង ជូងី និងតម្កល់សាលដីកាសាលាឧទ្ធរណ៍ទុកជាបានការ» ។ មន្ត្រីសាលាដំបូងរាជធានីភ្នំពេញធ្លាប់ថ្លែងថារឿងក្ដីលោកគឹម សុខ ត្រូវបានបិទការស៊ើបសួរហើយ រួចបញ្ជូនទៅបើកសវនាការជំនុំជម្រះតាមនីតិវិធី។ តែមិនទាន់កំណត់ការសម្រេចឃុំខ្លួននៅឡើយទេ។ លោក គឹម សុខ ត្រូវបានចាប់ខ្លួនពេលចូលបំភ្លឺនៅអយ្យការសលាដំបូងរាជធានីភ្នំពេញ និងបញ្ជូនភ្លាមៗទៅឃុំខ្លួនក្នុងពន្ធនាគារព្រៃសកាលពីរសៀលថ្ងៃទី១៧ ខែកុម្ភៈ ឆ្នាំ២០១៧។
តាមបណ្តឹងមេធាវីតំណាងដោយអាណត្តិរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បន្ទាប់ពីលោក គឹម សុខ បានចោទគណបក្សប្រជាជនកម្ពុជា ថាជាអ្នកសម្លាប់លោកបណ្ឌិតកែម ឡី ដោយទាមទារសំណងជំងឺចិត្តពីលោក គឹម សុខ ជាទឹកប្រាក់ចំនួន៥០ម៉ឺនដុល្លារអាមេរិក ។ សាលាដំបូងរាជធានីភ្នំពេញសម្រេចឃុំខ្លួន លោក គឹម សុខ បន្ទាប់ពីលោកព្រះរាជអាជ្ញារង សៀង សុខ សម្រេចចោទប្រកាន់ចំនួនពីរបទល្មើស គឺ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និង បទបរិហារកេរ្តិ៍ជាសាធារណៈ តាមមាត្រា៤៩៤ មាត្រា៤៩៥ និង មាត្រា៣០៥ នៃក្រមព្រហ្មទណ្ឌ៊។
គួរបញ្ជាក់ផងដែរថា តុលាការកំពូលបានជំនុំជម្រះការស្នើសុំនៅក្រៅឃុំរបស់ លោកគឹម សុខ ហើយសាលដីកានឹងប្រកាសនៅថ្ងៃទី២៨ មិថុនា ឆ្នាំ២០១៧ ខាងមុខនេះ ។ ជនជាប់ចោទ គឹម សុខ ធ្លាប់បាននិយាយក្នុងសវនាការតុលាការកំពូលថា ការមិនឲ្យរូបខ្លួនគាត់នៅក្រៅឃុំគឺវាមានភាពអយុត្តិធម្មណាស់ នឹងសូមឲ្យចៅក្រមតុលាការកំពូលឲ្យមន្ត្រីពន្ធនាគារព្រៃសម១ប្រគល់សៀវភៅអានសរសេរ ដែលពួកគេបានដកហូតរបស់គាត់ឲ្យគាត់វិញ ចំណែកសាលាដំបូងរាជធានីភ្នំពេញ ។
ចែករំលែកព័តមាននេះ