Alexis Sanches បានបំបែកកំណត់ត្រាថ្មីក្រោយស៊ុតចូលអាល្លឺម៉ង់
Alexis Sanches ក្លាយជាកីឡាកររកគ្រាប់បាល់បានច្រើនជាងគេឱ្យក្រុមជម្រើសជាតិស៊ីលីក្រោយពីស៊ុតបញ្ចូលទីក្រុមអាល្លឺម៉ង់ក្នុងព្រឹត្តិការណ៍ Confederations Cup
Alexis Sanches ក្លាយជាកីឡាកររកគ្រាប់បាល់បានច្រើនជាងគេឱ្យក្រុមជម្រើសជាតិស៊ីលីក្រោយពីស៊ុតបញ្ចូលទីក្រុមអាល្លឺម៉ង់ក្នុងព្រឹត្តិការណ៍ Confederations Cup
Alexis Sanches ក្លាយជាកីឡាកររកគ្រាប់បាល់បានច្រើនជាងគេឱ្យក្រុមជម្រើសជាតិស៊ីលីក្រោយពីស៊ុតបញ្ចូលទីក្រុមអាល្លឺម៉ង់ក្នុងព្រឹត្តិការណ៍ Confederations Cup កាលពីថ្ងៃទី២២ មិថុនា កន្លងទៅ ក្នុងលទ្ធផល១-១។ នេះគឺជាគ្រាប់បាល់ទី៣៨របស់ខ្សែប្រយុទ្ធឆ្នើមក្លិបកាំភ្លើងធំ Arsenal ក្នុងចំណោមការបង្ហាញវត្តមាន១១២លើកក្នុងសមរភូមិវាលស្មៅរបស់កីឡាករវ័យ២៨ឆ្នាំរូបនេះ ។
ដ្បិតតែលទ្ធផល១-១ក៏ពិតមែនតែក្រុមម្ចាស់ជើងឯកតំបន់ Conmebol (អាមេរិកខាងត្បូង)ស៊ីលីនៅតែរក្សាតំណែងលេខ១ក្នុងតារាងពូលB ដោយនាំមុខក្រុមម្ចាស់ជើងឯក World Cup ២០១៤ អាល្លឺមង់។ ក្រុមទាំងពីរនេះមានពិន្ទុ៤ ស្មើគ្នាក្នុងពូល តែក្រុមស៊ីលីមានគ្រាប់បាល់ +2 ខណៈក្រុមអាល្លឹម៉ង់មាន +1 ។ កីឡាករ Sanches និយាយថា៖ «ខ្ញុំរីករាយណាស់ពេលក្លាយជាកំពូលកីឡាកររកគ្រាប់បាល់បានច្រើនជាងគេរបស់ក្រុមជម្រើសជាតិស៊ីលី ។ ប៉ុន្តែសុបិនរបស់ពួកយើងគឺការឈ្នះពានរង្វាន់ក្នុងព្រឹត្តិការណ៍នេះ » ៕
គួរបញ្ជាក់ថា ក្រុមស៊ីលីនិងក្រុមអាល្លឺម៉ង់ត្រូវការ១ពិន្ទុទៀតដូចគ្នាដើម្បីឡើងទៅវគ្គពាក់កណ្តាលផ្តាច់ព្រ័ត្រក្នុងការប្រកួតពានរង្វាន់ Confederations Cup ។ ហើយអាល្លឺម៉ង់នឹងជួបក្រុមកាមេរូន ខណៈស៊ីលីត្រូវប៉ះអូស្ត្រាលីនៅរាត្រីថ្ងៃអាទិត្យសប្តាហ៍នេះ ៕
ចែករំលែកព័តមាននេះ