បណ្តាអ្នកទទួលខុសត្រូវមូលដ្ឋានរាយការណ៍ថា ការផ្ទុះគ្រាប់បែកមួយបានត្រូវរថយន្តប៉ូលិស១គ្រឿងកាលពីថ្ងៃទី២៣ មិថុនា នៅទីក្រុងកេតាភាគនិរតីប៉ាគីស្ថាន បណ្តាលឱ្យមនុស្សស្លាប់យ៉ាងតិច១១នាក់ ហើយប្រមាណជា២០នាក់ទៀតរងរបួស ។
ការផ្ទុះកើតមាននៅមុខទីចាត់ការប៉ូលិសខេត្តបាលូតជីស្ថានជាខេត្តសំបូរ ដោយធនធានធម្មជាតិ ក៏ប៉ុន្តែមានសកម្មភាពខ្លាំងរបស់ពួកបះបោរបំបែកខ្លួននិយម ហើយតែងកើតមានអំពើហិង្សាអ៊ិស្លាមនិយម ។
វេជ្ជបណ្ឌិត FAREED AHMED ប្រមុខមន្ទីរពេទ្យស៊ីវិលមួយថ្លែងប្រាប់ AFP ថា មកទល់ពេលនេះមនុស្ស១១នាក់ស្លាប់ ហើយយ៉ាងតិច២០នាក់រងរបួស ។ ក្នុងចំណោមអ្នកស្លាប់មានប៉ូលិស៤នាក់ រួចអ្នករបួស៣នាក់ស្ថិតក្នុងស្ថានភាពធ្ងន់ធ្ងរ ។
លោក MOHAMMED TARIQ អ្នកទទួលខុសត្រូវប៉ូលិសមួយរូបគូសបញ្ជាក់ថា ការផ្ទុះសំដៅលើរថយន្ត មួយគ្រឿងរបស់ប៉ូលិស ។ ម៉ូតូមួយគ្រឿងក៏រងការបំផ្លាញដែរ ៕
ចែករំលែកព័តមាននេះ