ការគេងគឺជាមុខងារសំខាន់បំផុតរបស់រាងកាយ ហើយយើងមិនអាចព្រងើយកន្តើយបានទេ។ ផ្នែកមួយនៃខួរក្បាលដែលគ្រប់គ្រងទម្លាប់នៃការគេងរបស់យើង គឺផ្នែកកណ្តាលនៃខួរក្បាល ដែលវាក៏គ្រប់គ្រងមុខងារ ផ្សេងៗដូចជាការដកដង្ហើម ការលេប ចង្វាក់បេះដូង សម្ពាធឈាម និងការដឹងខ្លួន ។ មុខងារទាំងនេះមានសារសំខាន់ដើម្បីរក្សាជីវិតយើង ហើយការគេងពិតជាចាំបាច់ប្រសិនបើយើងចង់ថែរក្សាសុខភាពរាងកាយ និងផ្លូវចិត្ត ។
ខាងក្រោមនេះគឺជាសកម្មភាពមួយចំនួនដែលរាងកាយរបស់អ្នកធ្វើនៅពេលដែលអ្នកគេងលក់៖
១-ពង្រឹងមុខងារប្រព័ន្ធភាពស៊ាំ
ការសិក្សាកន្លងមកបានបង្ហាញថាការគេងពិតជាមានសារសំខាន់សម្រាប់ប្រព័ន្ធភាពស៊ាំរបស់រាងកាយ ដើម្បីមានដំណើរការល្អនៅពេលដែលយើងឈឺ ។ ក្នុងការស្រាវជ្រាវ អ្នកដែលគេងមិនគ្រប់គ្រាន់មិនផលិតអង់ទីគ័រដែលចាំបាច់ដើម្បីការពាររាងកាយប្រឆាំងនឹងជំងឺគ្រុនផ្តាសាយទេ ។ លើសពីនេះប្រសិនបើអ្នកគេងមិនគ្រប់គ្រាន់ជាញឹកញាប់ អ្នកនឹងជួបប្រទះនឹងបញ្ហាឆ្លងមេរោគម្តងហើយម្តងទៀត។ ដូច្នេះត្រូវប្រាកដថាអ្នកគេងបានគ្រប់គ្រាន់នៅពេលដែលអ្នកឈឺព្រោះវាអាចជួយពង្រឹងប្រព័ន្ធការពាររាងកាយប្រយុទ្ធប្រឆាំងនឹងជំងឺបានលឿន ។
២-លាងសម្អាតជាតិពុល
រាងកាយរបស់អ្នកត្រូវបានលាងសម្អាតជាតិពុលទាំងស្រុងនៅពេលដែលអ្នកគេង ។ ដំណើរការនៃការលាងសម្អាតនេះធ្វើឱ្យយើងមានទំនុកចិត្ត និងថាមពលនៅថ្ងៃបន្ទាប់ ដូច្នេះអ្នកដែលគេងមិនគ្រប់គ្រាន់ប្រហែលជាធ្វើរឿងចម្លែកពេលខ្លះ ដោយសារជាតិពុលមិនត្រូវបានសម្អាតចេញពីរាងកាយ ។
៣-ជួសជុលរាងកាយ
ការគេងមិនត្រឹមតែល្អសម្រាប់សុខភាពផ្លូវចិត្តរបស់យើងប៉ុណ្ណោះទេ វាក៏មានដំណើការយ៉ាងច្រើនលើរាងកាយរបស់យើងនៅពេលយើងគេង ។ នៅពេលយើងគេង រាល់កោសិកា នីមួយៗនៅក្នុងរាងកាយរបស់យើងឆ្លងកាត់ការជួសជុល និងធ្វើវាឲ្យថ្មីម្តងទៀត ដូច្នេះការគេងគឺជាវិធីដ៏ល្អក្នុងការព្យាបាលបើសិនអ្នកមានរបួស ។ នេះក៏ជាមូលហេតុដែលអ្នកមានអារម្មណ៍ថាអស់កម្លាំងខ្លាំងប្រសិនបើអ្នកគេងមិនគ្រប់គ្រាន់ ដោយសាររាងកាយរបស់អ្នកមិនមានពេលវេលាសម្រាក និងព្យាបាលខ្លួនឯង ។
៤-បញ្ចុះសីតុណ្ហភាពរាងកាយ
នៅពេលដែលយើងគេងលក់ ខួរក្បាលរបស់យើងចាប់ផ្តើមបញ្ចុះសីតុណ្ហភាពក្នុងរាងកាយដើម្បីជួយសន្សំសំចៃថាមពល និងបញ្ឈប់ការបាត់បង់កាឡូរី ។ រាងកាយរបស់អ្នកប្រហែលជាចុះត្រជាក់ ២អង្សាសេក្នុងដំណាក់កាលចុងក្រោយនៃការគេង ដែលវាជាការធ្លាក់ចុះគួរឱ្យកត់សម្គាល់ ។ ទោះជាយ៉ាងណាក្តី ក្រុមអ្នកវិទ្យាសាស្ត្រនៅតែមិនទាន់ដឹងពីមូលហេតុដែលរាងកាយបាត់បង់សមត្ថភាពក្នុងការគ្រប់គ្រងសីតុណ្ហភាពនៅពេលគេង ៕
ចែករំលែកព័តមាននេះ