សភាយុវពាណិជ្ជករអន្តរជាតិកម្ពុជា(JCI) សាខាមេគង្គ និងសមាគមសហគ្រិនវ័យក្មេងកម្ពុជា(YEAC) បានសហការរៀបចំសន្និសីទសារព័ត៌មានស្តីពី «ពិធីប្រកាសសហគ្រិនវ័យក្មេងឆ្នើមទាំង១៥រូប » នៃពាន
សភាយុវពាណិជ្ជករអន្តរជាតិកម្ពុជា(JCI) សាខាមេគង្គ និងសមាគមសហគ្រិនវ័យក្មេងកម្ពុជា(YEAC) បានសហការរៀបចំសន្និសីទសារព័ត៌មានស្តីពី «ពិធីប្រកាសសហគ្រិនវ័យក្មេងឆ្នើមទាំង១៥រូប » នៃពានរង្វាន់សហគ្រិនវ័យក្មេងកម្ពុជា ឆ្នាំ ២០១៧(Cambodian Young Entrepreneur Awards 201៧) ។
សហគ្រិនទាំង១៥រូប ដែលបានជាប់ជ័យលាភីនៅក្នុងវគ្គពាក់កណ្តាលផ្តាច់ព្រ័ត្រនេះ នឹងមានឱកាសឈានទៅដណ្តើមពានរង្វាន់ប្រចាំឆ្នាំ នៅវគ្គផ្តាច់ព្រ័ត្រជាបន្តទៀត ដែលនឹងប្រព្រឹត្តិទៅនៅថ្ងៃទី ២៩ ខែកក្កដា ឆ្នាំ២០១៧ ខាងមុខនេះ។
គួរបញ្ជាក់ផងដែរថា កម្មវិធីប្រកួតប្រជែងពានរង្វាន់សហគ្រិនវ័យក្មេងកម្ពុជា(CYEA) នឹងជ្រើសរើសសហគ្រិនឆ្នើមចំនួន ៥ រូប ប្រចាំឆ្នាំ២០១៧។ សហគ្រិនជ័យលាភីទាំង៥នាក់នេះ នឹងទទួលបានពានរង្វាន់ចំនួន៥ផ្សេងៗគ្នារួមមាន៖ ពានរង្វាន់សហគ្រិនឆ្នើមប្រចាំឆ្នាំ២០១៧, ពានរង្វាន់សហគ្រិនឆ្នើមផ្នែកសង្គម, ពានរង្វាន់សហគ្រិនឆ្នើមស្ត្រី, ពានរង្វាន់សហគ្រិនវ័យឆ្លាតផ្នែកបច្ចេកវិទ្យា និង ពានរង្វាន់អ្នកដែលទើបនឹងចាប់ផ្តើមអាជីវកម្ម( Start Up Award)។ ក្រៅពីទទួលបាននូវពានរង្វាន់ទាំងនេះ កម្មវិធីពានរង្វាន់សហគ្រិនវ័យក្មេងកម្ពុជា ក៏បានផ្តល់ឲកាសឱ្យសហគ្រិនកម្ពុជាត្រៀមខ្លួនជាស្រេចនៅក្នុងការដណ្តើមយកពានរង្វាន់ផ្សេងទៀតលើឆាកអន្តរជាតិផងដែរ។
ជាការកត់សម្គាល់ កម្មវិធីប្រកាសសហគ្រិនវ័យក្មេងឆ្នើមទាំង១៥រូបនេះ ធ្វើឡើងបន្ទាប់ពីគណៈកម្មាការទាំងអស់បានធ្វើការវាយតម្លៃ និងដាក់ពិន្ទុរយ៉ាងសុក្រឹត្យជាទីបំផុតដោយផ្អែកទៅលើលក្ខខ័ណ្ឌនៃការប្រកួតប្រជែង ព្រមទាំងលក្ខណៈពិសេសរបស់បេក្ខជននីមួយៗ ដែលរួមមាន ភាពឆ្លាតវៃ ភាពច្នៃប្រឌិត ថែមទាំងសមត្ថភាពពិតប្រាកដរបស់បេក្ខជនក្នុងការរវិវត្តន៍មុខជំនួញអោយមានការរីកចម្រើនលឿននៅក្នុងរយៈពេលខ្លីផងដែរ។
ចែករំលែកព័តមាននេះ