ខេត្តស្វាយរៀង ៖ មានករណីគ្រោះថ្នាក់ចរាចរណ៏គួរឲ្យរន្ធត់មួយ បណ្តាលឲ្យស្ត្រី២នាក់រងរបួសយ៉ាងធ្ងន់ធ្ងរ ហូរឈាមពេញថ្នល់ ដោយបុរសសរសៃប្រសាទម្នាក់ បានលួចបើកម៉ូតូរ៉ឺម៉កគេទុកចោល ទៅបុកនឹងម៉ូតូស្ត្រីរងគ្រោះពេញទំហឹងដួលបោកទៅលើថ្នល់ បណ្តាលឲ្យរងរបួសតែម្តង ។
ខេត្តស្វាយរៀង ៖ មានករណីគ្រោះថ្នាក់ចរាចរណ៏គួរឲ្យរន្ធត់មួយ បណ្តាលឲ្យស្ត្រី២នាក់រងរបួសយ៉ាងធ្ងន់ធ្ងរ ហូរឈាមពេញថ្នល់ ដោយបុរសសរសៃប្រសាទម្នាក់ បានលួចបើកម៉ូតូរ៉ឺម៉កគេទុកចោល ទៅបុកនឹងម៉ូតូស្ត្រីរងគ្រោះពេញទំហឹងដួលបោកទៅលើថ្នល់ បណ្តាលឲ្យរងរបួសតែម្តង ។
បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញបុរសសសៃប្រសាទម្នាក់បានលួចយកម៉ូតូរ៉ឺម៉កមួយគ្រឿងដឹកបន្លែ ដែលម្ចាស់ឈប់ចតទុកនៅក្បែរផ្សាវាលយន្ត រួចដើរចូលទៅទិញបន្លែ បុរសសរសៃប្រសាទបានឡើងបញ្ឆេះរួចជិះរេពេញផ្លូវ និងប៉ះឆត្រធ្លាក់បង្កឲ្យមានការភ្ញាក់ផ្អើលដល់អ្នកធ្វើដំណើរ នាំគ្នាដេញតាមរហូតមកដល់ផ្លូវចំណុចខាងមុខផ្ទះជួល ពីលិចទៅកើត ស្រាប់តែរេចង្កូតទៅបុកជាមួយម៉ូតូស្ត្រី២នាក់ ដែលបើកបញ្ច្រាស់ទិសគ្នាពេញទំហឹង លាន់សូរដូចរន្ទះបណ្ដាលឲ្យដួលម៉ូតូបោកទៅលើថ្នល់ និងបណ្តាលឲ្យស្ត្រីអ្នកបើកម៉ូតូរងរបួសបែកក្បាលបាក់ដៃបាក់ជើង ហូរឈាមសន្លប់ស្ដូកស្ដឹង និងអ្នករួមដំណើរម្នាក់ទៀតរងបួសបែកក្បាល និងដាច់ដៃជើងធ្ងន់ធ្ងរសន្លប់នៅនឹងកន្លែង កាលពីវេលាម៉ោង០៨និង១០នាទីព្រឹក ថ្ងៃទី១៩ ខែមិថុនា ឆ្នាំ២០១៧ ស្ថិតនៅលើកំណាត់ផ្លូវលេខ១១៣ ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ។ យោងតាមសាក្សីបានឲ្យដឹងថា មុនកើតហេតុមានស្ត្រីចំណាស់២នាក់ មិនស្គាល់ឈ្មោះ បានជិះម៉ូតូមួយគ្រឿងម៉ាក ហុងដាឃ្លីក ពណ៍សលាយក្រហម ពាក់ស្លាកលេខ ស្វាយរៀង១I-៩១៩៦ ដោយធ្វើដំណើរពីកើតមកលិច ខណៈនោះស្រាប់តែមានបុរសម្នាក់ម្នាក់ជិះម៉ូតូរ៉ឺម៉កដឹកបន្លែមួយគ្រឿង ពាក់ស្លាកលេខ ភ្នំពេញ ១គ-៥៥៩៩ ទិសដៅបញ្ច្រាសទិសគ្នា ពីលិចមកកើត ស្រាប់តែរេចង្កូតមកឆ្វេងទៅបុកម៉ូតូជនរងគ្រោះយ៉ាងពេញទំហឹង បណ្ដាលឲ្យមនុស្ស និងម៉ូតូខ្ទាតបោកក្បាលនឹងថ្នល់ហូរឈាមជោគសន្លប់នៅនឹងកន្លែង ចំណែកអ្នកបើកម៉ូតូរ៉ឺម៉កបែកចិញ្ចើមរងរបួសស្រាល ។
ក្រោយមកអ្នកភូមិក៏ដូចជាអ្នកធ្វើដំណើរនាំគ្នាជួយសង្គ្រោះ និងហៅសមត្ថកិច្ចព្រមទាំងរថយន្តសាមុយមន្ទីរពេទ្យបង្អែកខេត្តស្វាយរៀងភ្លាមៗ ដើម្បីដឹកជនរងគ្រោះទៅមន្ទីរពេទ្យខេត្ត ធ្វើការសង្គ្រោះ ។ ហើយសមត្ថកិច្ចធ្វើការវាស់វែងរួចយកវត្ថុតាងមកកាន់អធិការដ្ឋាននគរបាលក្រុងស្វាយរៀង ដើម្បីដោះស្រាយតាមច្បាប់ ។ ប៉ុន្តែអ្វីដែលហួសចិត្តនោះ គឺជាមនុស្សសរសៃប្រសាទសោះ ក្រោយពីបុកគេឲ្យរងរបួសហើយ ស្រាប់តែក្រោកឡើងរួចទាញបារីជក់ដើរធ្វើដូចជាគ្មានរឿងអ្វីកើតឡើង ម្នាក់ៗបានត្រឹមហួសចិត្ត ៕
ចែករំលែកព័តមាននេះ