លោក JORGE COMES រដ្ឋមន្ត្រីមហាផ្ទៃព័រទុយហ្គាល់ អះអាងកាលពីថ្ងៃទី១៨ មិថុនា ថា តុល្យការនៃភ្លើងឆេះព្រៃនៅភាគកណ្តាលព័រទុយហ្គាល់ចំនួនអ្នកស្លា.ប់ឡើងដល់៦២នាក់ ហើយមនុស្ស៥៤នាក់ទៀតរងរបួស ។
លោក JORGE COMES រដ្ឋមន្ត្រីមហាផ្ទៃព័រទុយហ្គាល់ អះអាងកាលពីថ្ងៃទី១៨ មិថុនា ថា តុល្យការនៃភ្លើងឆេះព្រៃនៅភាគកណ្តាលព័រទុយហ្គាល់ចំនួនអ្នកស្លាប់ឡើងដល់៦២នាក់ ហើយមនុស្ស៥៤នាក់ទៀតរងរបួស ។
អ្នកទទួលខុសត្រូវរូបនេះបញ្ជាក់ថា ក្នុងចំណោមអ្នកស្លាប់ ២នាក់ស្លាប់ក្នុងគ្រោះថ្នាក់រថយន្តតាមផ្លូវពេលមានភ្លើងឆេះព្រៃ រួចអ្នករបួស៤នាក់ស្ថិតក្នុងស្ថានភាពធ្ងន់ធ្ងរ ។ រដ្ឋាភិបាលព័រទុយហ្គាល់បានចេញការប្រកាសអាសន្នក្នុងតំបន់កើតមានភ្លើងឆេះព្រៃ ព្រមទាំងប្រកាសពីការកាន់ទុក្ខជាតិរយៈពេល៣ថ្ងៃពីថ្ងៃទី១៨ ដល់២០ មិថុនា ។
ភ្លើងឆេះព្រៃចាប់ផ្តើមរាលដាលយ៉ាងលឿនពីថ្ងៃទី១៧ មិថុនា មក នៅតំបន់ PEDROGAO GRANDE ចម្ងាយប្រមាណជា១៥០គីឡូម៉ែត្រភាគឦសានរដ្ឋធានីព័រទុយហ្គាល់ ក្រុងលីស្បោន ។ វាឆេះរាលដាលយ៉ាងឆាប់ទៅកាន់ FIGUEIRO DOS VINHOS និង CASTANHEIRA DE PERA ជាទីក្រុង២នៃតំបន់ LEIRIA ដែលនៅនោះពួកអ្នកពន្លត់ភ្លើងប៉ុនប៉ងប្រឆាំងយកឈ្នះភ្លើងឆេះព្រៃដ៏សាហាវនេះ ៕
ចែករំលែកព័តមាននេះ