រាជធានីភ្នំពេញ ៖ ការប្រកួតអ្នកឌីហ្សាញម៉ូដសម្លៀកបំពាក់វ័យក្មេងប្រចាំនៅតំបន់អា ស៊ាន បានរកឃើញអ្នកខ្លាំងតំណាងឱ្យកម្ពុជាជាផ្លូវការហើយ ដែលការប្រកាសលទ្ធផលត្រូវបានធ្វើឡើងកាលពីល្ងាចថ្ងៃទី១៧ ខែមិថុនា នៅសណ្ឋាគារសាន់វេ ធ្វើឱ្យអ្នកឈ្នះរំភើបចិត្តរហូតចង់យំព្រោះតែរំជួលចិត្តនឹងជោគជ័យរបស់ខ្លួន ។ នេះជាកម្មវិធីដែលរៀបចំដោយក្រុមហ៊ុនអាកាសចរណ៍ AirAsia ដែលជាក្រុមហ៊ុនអាកាសចរណ៍ធំមួយនៅក្នុងតំបន់អាស៊ី ដើម្បីលើកកម្ពស់គំនិតច្នៃប្រឌិតរបស់យុវវ័យក្នុងតំបន់អាស៊ាន ជាពិសេសរបស់យុវជនកម្ពុជាឱ្យបានឈានឡើងលើឆាកអន្តរជាតិ ។
ម្ចាស់ជ័យលាភី២រូបដែលត្រូវបានប្រកាសក្នុងចំណោមអ្នកជាប់ទាំង១០រូបចុងក្រោយនោះរួមមាន បេក្ខជន លាច សាវុធប៉េងហ៊ុយ អាយុ២១ឆ្នាំ មកពីសាកលវិទ្យាល័យលីមកុកវីង ផ្នែកឌីហ្សាញឆ្នាំទី១ និងបេក្ខជន គង់ សុធា អាយុ២២ឆ្នាំ ជានិស្សិតមកពីសាកលវិទ្យាល័យលីមកុកវីងដូចគ្នាតែឆ្នាំទី៣ ។ ការប្រកួតនេះត្រូវបានប្រកាសថា មានអ្នកចូលរួមកុះករពីនិស្សិតដែលរៀនជំនាញឌីហ្សាញ ដោយមានទាំងនិស្សិត
បរទេសសិក្សានៅកម្ពុជាផង ។ ប៉ុន្តែជាចុងក្រោយជម្រើសបានតែ១០នាក់ឱ្យធ្វើការប្រកួតគ្នា ហើយបេក្ខជនទាំង២នាក់ខាងលើជាអ្នកទទួលបានជ័យជម្នះ ដោយសារតែបានឌីហ្សាញសម្លៀកបំពាក់ពីផ្ការំដួល និងបានឌីហ្សារូបល្ខោនស្បែកធំមកធ្វើជាសម្លៀកបំពាក់ ដែលមានចំណុចទាក់ទាញនិងខុសប្លែកជាងគេ ។
ចែករំលែកព័តមាននេះ