អាមេរិក ៖ តាមប្រភពព័ត៌មាន Metro បានឲ្យដឹងថា ស្ត្រីម្នាក់នៅសហរដ្ឋអាមេរិកឆ្លងទន្លេបានទារិកាមួយរូប ដែលមានទម្ងន់ដល់ទៅ ៦គីឡូក្រាម ។ ទម្ងន់ប៉ុននេះ ហាក់បីដូចជាទម្ងន់របស់ទារកកើតបានប៉ុន្មានខែរួចទៅហើយ ។
ស្ត្រីជាម្តាយឈ្មោះ Chrissy Corbitt បានដឹងខ្លួនរួចជាស្រេចថាទារករបស់ខ្លួននឹងមានទម្ងន់ធ្ងន់ខុសធម្មតា ដោយសារតែពោះរបស់នាងពេលមានទម្ងន់ធំប្លែក ។ នាងឆ្លងទន្លេមុនពេលគ្រប់ខែមួយសប្តាហ៍ ហើយត្រូវធ្វើការវះកាត់ដោយសារកូនធំពេក ។
នាងបាននិយាយថា ៖ “គ្រាន់តែពេលកើតចេញភ្លាម ពេទ្យនាំគ្នាសើចហើយមានការភ្ញាក់ផ្អើលដោយសារតែកូនរបស់ខ្ញុំធំពេក ។ វាមើលទៅហាក់បីដូចជាគេទាញកូនង៉ែតប៉ុន្មានខែ ចេញពីពោះរបស់ខ្ញុំអញ្ចឹង ។ ពិតជាធំណាស់!”
គួរបញ្ជាក់ថា ទារិកាទម្ងន់យក្សនេះមានសុខភាពល្អធម្មតា ហើយគួរឲ្យស្រឡាញ់ថែមទៀតផង ៕
ចែករំលែកព័តមាននេះ