យើងតែងតែប្រាថ្នាចង់បានស្បែកស្អាត និងក្មេងជាងវ័យ ហើយផ្លែឃីវី(មាននៅបរទេស) អាចជួយផ្តល់ការការពារសម្រាប់ស្បែករបស់អ្នកពីការបំផ្លាញដោយបរិស្ថានខាងក្រៅ ដែលទំនងជាមូលហេតុចម្បងនៃការបង្កើតស្នាមជ្រីវជ្រួញ និងសញ្ញាផ្សេងទៀតនៃភាពចាស់។ ដូច្នេះសូមអានអត្ថបទខាងក្រោមដើម្បីដឹងថាផ្លែឃីវីមានអត្ថប្រយោជន៍អ្វីខ្លះចំពោះការប្រឆាំងទៅនឹងដំណើរការវិវឌ្ឍរកភាពចាស់របស់អ្នក ។
១-ធ្វើឲ្យអ្នកក្មេងជាងវ័យ
នៅពេលដែលយើងមានវ័យកាន់តែចាស់ ស្បែករបស់យើងនឹងយារធ្លាក់ និងបាត់បង់នូវភាពរឹងមាំ ។ ប៉ុន្តែ ផ្លែឃីវីសម្បូរទៅដោយសារធាតុប្រឆាំងអុកស៊ីតកម្ម ដែលអាចមានសមត្ថភាពការពារស្បែករបស់អ្នកពីការបំផ្លាញនៃព្រះអាទិត្យ។ ដោយសារឃីវីជាប្រភពចម្បងនៃសារជាតិប្រឆាំងអុកស៊ីតកម្ម វាអាចពន្យារឥទ្ធិពលនៃភាពចាស់ និងជួយថែរក្សាសុខភាពស្បែករបស់អ្នក។
២-ការពារស្បែករបស់អ្នកពីកាំរស្មី UV
ផ្លែឃីវីមានអាស៊ីតអាមីណូ ដែលអាចការពារស្បែករបស់អ្នកពីការបំផ្លាញដោយព្រះអាទិត្យ។ ក្រៅពីការថែរក្សាស្បែករបស់អ្នកមិនឲ្យកើតមុន ផ្លែឃីវីក៏ការពារស្បែករបស់អ្នកពីការរលាក ។ ផ្លែឃីវីអាចជួយការពារប្រឆាំងនឹងរ៉ាឌីកាល់សេរីដែលត្រូវបានផលិតដោយការប៉ះពាល់ពន្លឺព្រះអាទិត្យច្រើនពេក ។
៣-បំបាត់ស្នាមខ្មៅក្រោមភ្នែក
ប្រសិនបើអ្នកកំពុងស្វែងរកវិធីដើម្បីកម្ចាត់ស្នាមរង្វង់ខ្មៅក្រោមភ្នែក អ្នកគួរតែបរិភោគអាហារដែលសម្បូរទៅដោយវីតាមីន C ដោយសារវាអាចកាត់បន្ថយលទ្ធភាពនៃការកើតបញ្ហានេះ ។ អ្នកអាចកាត់បន្ថយរង្វង់ខ្មៅក្រោមភ្នែកនេះដោយដាក់ចំណិតផ្លែឃីវីនៅលើភ្នែករបស់អ្នក។ ទុកវាចោលរយៈពេល១០នាទី។ លាងភ្នែករបស់អ្នកដោយទឹកក្តៅ ឧណ្ណៗបន្ទាប់ពីរយៈពេល១០ទៅ១៥នាទី ។
៤-រារាំងភាពចាស់មុនវ័យ
ផ្លែប៊័រ និងគីវីអាចជួយពន្យឺតដំណើរការវិវឌ្ឍទៅរកភាពចាស់ ។ វាជាម៉ាស់មុខដ៏ល្អបំផុតក្នុងការព្យាបាលស្នាមជ្រីវជ្រួញ និងស្នាមអុជខ្មៅ។ អាហារដែលសម្បូរដោយវីតាមីន C អាចជួយក្នុងការលុបបំបាត់រ៉ាឌីកាល់សេរីដែលបង្កឱ្យមានភាពចាស់ ។ ដូច្នេះសូមប្រាកដថា អ្នកបរិភោគផ្លែឃីវីឲ្យបានទៀងទាត់ដើម្បីទទួលបានអត្ថប្រយោជន៍ចំពោះស្បែករបស់អ្នក ៕
ចែករំលែកព័តមាននេះ