«Shanghaiist»របស់ចិនកាលពីពេល ថ្មីៗកន្លងមកផ្សាយថា បន្ទាប់ពីប្រទេសចិនលុបចោលច្បាប់មានកូនតែមួយមក មានក្រុងមួយបែរជាយកច្បាប់ចាស់នោះដាក់ឱ្យប្រើសម្រាប់ឆ្កែវិញ ។
អាជ្ញាធរក្រុងស៊ីងតាវ ភាគខាងកើតប្
«Shanghaiist»របស់ចិនកាលពីពេល ថ្មីៗកន្លងមកផ្សាយថា បន្ទាប់ពីប្រទេសចិនលុបចោលច្បាប់មានកូនតែមួយមក មានក្រុងមួយបែរជាយកច្បាប់ចាស់នោះដាក់ឱ្យប្រើសម្រាប់ឆ្កែវិញ ។
អាជ្ញាធរក្រុងស៊ីងតាវ ភាគខាងកើតប្រទេសចិនប្រកាសកំណត់ឱ្យចិញ្ចឹមឆ្កែក្នុងផ្ទះ នីមួយៗតែមួយក្បាលប៉ុណ្ណោះ ប្រសិនបើលើសពីមួយក្បាលត្រូវយកទៅចុះបញ្ជី បើមិនប្រតិបត្តិតាមអាជ្ញាធរនឹងរឹបអូស ឬពិន័យជាប្រាក់២០០០យាន់ ឬ២៨៥ដុល្លារ ។ ក្រៅពីនេះនៅមានបម្រាមលើឆ្កែកាចផងដែរ ។
អាជ្ញាធរមូលដ្ឋានរបស់ចិន បញ្ជាក់ថាចំនួនឆ្កែកើនខ្ពស់ជា រឿយៗបង្កបញ្ហានៅក្នុងសង្គមដូចជាបង្កើតការរំខាន ឬធ្វើឱ្យមានការខាតបង់ដល់រាងកាយលើអ្នកដែលរស់នៅក្នុងភូមិផងរបងជាមួយ ។
បម្រាមនោះបង្កឱ្យមានការជំទាស់ពីម្ចាស់ឆ្កែដោយបញ្ជាក់ថា ប្រសិនបើមានឆ្កែពូជកាច ឬហាមឃាត់នឹងប្រតិបត្តិបែបណា ត្រូវសម្លាប់វាឬអត់ ? សម្រាប់គោលនយោបាយមានឆ្កែតែមួយធ្លាប់កើតឡើងតាំងពីឆ្នាំ២០១១កន្លងមកនៅក្រុងសៀងហៃ ខណៈពេលភូមិមួយក្នុងក្រុងសានតុងធ្លាប់មានច្បាប់ហាមចិញ្ចឹមសត្វគ្រប់ប្រភេទ និងប្រសិនបើល្មើសអាជ្ញាធរនឹងសម្លាប់ចោល ដោយមិនបារម្ភថាជាសត្វមានការចុះបញ្ជីទេ ប៉ុន្តែមិនអាចប្រតិបត្តិបាន ព្រោះខុសនឹងច្បាប់ប្រសិនបើមន្ត្រីណាម្នាក់ចូលទៅសម្លាប់សត្វរបស់អ្នកភូមិ ៕
ចែករំលែកព័តមាននេះ