កម្ពុជានិងគុយបាប្រកាសពីកិច្ចសហការគ្នា
រាជធានីភ្នំពេញ ៖ លោក ប្រាក់ សុខុន ទេសរដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិបានអនុញ្ញាតឲ្យឯកឧត្តម Juan de Jesus Hidalgo-Gato Perez
រាជធានីភ្នំពេញ ៖ លោក ប្រាក់ សុខុន ទេសរដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិបានអនុញ្ញាតឲ្យឯកឧត្តម Juan de Jesus Hidalgo-Gato Perez
រាជធានីភ្នំពេញ ៖ លោក ប្រាក់ សុខុន ទេសរដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិបានអនុញ្ញាតឲ្យឯកឧត្តម Juan de Jesus Hidalgo-Gato Perez លោកឯកអគ្គរដ្ឋទូតគុយបា ប្រចាំនៅព្រះរាជាណាចក្រកម្ពុជាចូលជួបសំដែងការគួសម និងពិភាក្សាការងារនៅព្រឹកវេលាម៉ោង៩ថ្ងៃទី១៤ ខែមិថុនា ឆ្នាំ២០១៧ នៅទីស្តីការក្រសួង ។
លោកឧត្តមទេសរដ្ឋមន្ត្រីបានសម្តែងនូវការរីករាយពេញចិត្តចំពោះមិត្តភាពដ៏យូរលង់រវាងប្រទេស និងប្រជាជនទាំងពីរកម្ពុជា-គុយបា ។ លោកក៏បានសំដែងក្នុងនាមរាជរដ្ឋាភិបាលកម្ពុជានូវអំណរគុណដ៏ស្មោះស្ម័គ្រចំពោះរដ្ឋាភិបាល និងប្រជាជនគុយបាដែលបានផ្តល់នូវជំនួយ នៅក្នុងដំណាក់កាលដែលប្រទេសកម្ពុជាជួបប្រទះការលំបាកបន្ទាប់ពីការរំដោះពីររបបប្រល័យពូជសាសន៍ ប៉ុល ពត ហើយបានវាយតម្លៃខ្ពស់ចំពោះការរីកចម្រើនក្នុងទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរក្នុងរយៈកាលកន្លងមកនេះ ។
លោកទេសរដ្ឋមន្ត្រីបានជម្រាបជូនឯកឧត្តមឯកអគ្គរដ្ឋទូតដោយត្រួសៗអំពីដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ដែលបានបញ្ចប់ដោយជោគជ័យនាពេលថ្មីៗនេះដោយមានការចូលរួមរបស់អ្នកសង្កេតការណ៍ជាតិ អន្តរជាតិ រាប់ពាន់នាក់ ដែលបានវាយតម្លៃជាទូទៅថាការបោះឆ្នោតបានប្រព្រឹត្តទៅដោយរលូនមានរបៀបរបបល្អ និងសន្តិវិធី ។ លោកឯកអគ្គរដ្ឋទូតបានវាយតម្លៃខ្ពស់ចំពោះការរីកចម្រើនក្នុងទំនាក់ទំនងមិត្តភាព និងកិច្ចសហប្រតិបត្តិការទ្វេភាគីហើយបានគូសបញ្ជាក់អំពីជំហរបស់គុយបាក្នុងការបន្តពង្រឹងកិច្ចសហប្រតិបត្តិការជាមួយកម្ពុជា រួមទាំងការបន្តផ្តល់អាហារូបករណ៍ដល់និស្សិតកម្ពុជាទៅសិក្សានៅប្រទេសគុយបាលើផ្នែកវេជ្ជសាស្ត្រ ។
លោកឯកអគ្គរដ្ឋទូតបានជម្រាបជូនឯកឧត្តមទេសរដ្ឋមន្ត្រីអំពីជំហានវិជ្ជមានក្នុងដំណើរការប្រក្រតីកម្មនៃទំនាក់ទំនងរវាងគុយបា និងសហរដ្ឋអាមេរិកក៏ដូចជាការប្រឈមនានានៅក្នុងដំណើរការនេះ ៕
ចែករំលែកព័តមាននេះ