តំណាងរាស្ត្របក្សប្រឆាំងកំពុងចង់ដឹងរឿងនាំខ្សាច់ចេញក្រៅប្រទេស
រាជធានីភ្នំពេញ ៖ សមាជិករដ្ឋសភាគណបក្សសង្គ្រោះជាតិលោក សុន ឆ័យ
រាជធានីភ្នំពេញ ៖ សមាជិករដ្ឋសភាគណបក្សសង្គ្រោះជាតិលោក សុន ឆ័យ
រាជធានីភ្នំពេញ ៖ សមាជិករដ្ឋសភាគណបក្សសង្គ្រោះជាតិលោក សុន ឆ័យ តាមរយៈសម្តេច ហេង សំរិន ប្រធានរដ្ឋសភាបានស្នើឲ្យរដ្ឋមន្ត្រីក្រសួងរ៉ែ និងថាមពលបង្ហាញព័ត៌មាន និងឯកសារផ្លូវការទាក់ទងនឹងការនាំខ្សាច់ស៊ីលីកា(ខ្សាច់ស)ចេញទៅក្រៅប្រទេស ។
យោងតាមលិខិតរបស់លោក សុន ឆ័យ ដាក់ផ្ញើទៅសម្តេច ហេង សំរិន នៅថ្ងៃទី៩ ខែមិថុនា ហើយត្រូវបានសម្តេចប្រធានរដ្ឋសភាទទួលនៅថ្ងៃទី១៣ ខែមិថុនា បានឲ្យដឹងថា «ខ្ញុំបានទទួលព័ត៌មានពីប្រព័ន្ធផ្សព្វផ្សាយក្នុងស្រុកស្តីពីការនាំចេញខ្សាច់ស៊ីលីកា (ខ្សាច់ស) ព្រមទាំងបានឃើញសេចក្តីប្រកាសព័ត៌មានរបស់ក្រសួងរ៉ែ និងថាមពល កាលពីថ្ងៃទី៥ ខែឧសភា ឆ្នាំ២០១៧ ដែលបានលើកឡើងថា ស៊ីលីកា គឺជាខ្សាច់ដែលមិនស្ថិតនៅក្នុងបញ្ជីបម្រាមនៃការនាំចេញដែលជាមូលហេតុធ្វើឲ្យសាធារណៈជនក៏ដូចជាខ្ញុំផ្ទាល់មានសេចក្តីងឿងឆ្ងល់ និងចង់បានព័ត៌មានបន្ថែមពាក់ព័ន្ធនិងអាជីវកម្មនៃការនាំចេញខ្សាច់មួយប្រភេទនេះ» ព្រមទាំងមានសំនួរចំនួន៧ចំណុចលើការនាំខ្សាច់ចេញទៅក្រៅប្រទេស ។
លោក សុន ឆ័យ បញ្ជាក់ថា សូមលោករដ្ឋមន្ត្រីមេត្តាផ្តល់ឯកសារលម្អិតពាក់ព័ន្ធទៅនឹងអាជីវកម្មខ្សាច់ស៊ីលីការដល់រូបខ្ញុំក៏ដូចជាសាធារណៈជនដើម្បីបង្ហាញឲ្យបានកាន់តែច្បាស់អំពីតម្លាភាព នៃកាធ្វើអាជីវកម្មរ៉ែ (ខ្សាច់) របស់ក្រសួងរ៉ែ និងថាមពល» ។ យ៉ាងណាក្តីមិនទាន់មានការឆ្លើយតបយ៉ាងណាពីក្រសូងរ៉ែ និងថាមពលនោះទេ ខណៈដែលមានការសុំអត្ថធិប្បាយពីប្រព័ន្ធអ្នកនាំពាក្យក្រសួងនេះតាមប្រព័ន្ធឡេលេក្រាម ៕
ចែករំលែកព័តមាននេះ