ផ្តោតសំខាន់ទៅលើយុទ្ធសាស្ត្រទាំង5សម្រាប់យុវជនទំពាំងស្នងឬស្សី
រាជធានីភ្នំពេញ ៖ យុវជនផ្នែក៧១របស់សហភាពសហព័ន្ធយុវជនកម្ពុជាបានស្នើសុំអនុសាសន៍ពីរដ្ឋមន្ត្រីក្រសួងការងារ
រាជធានីភ្នំពេញ ៖ យុវជនផ្នែក៧១របស់សហភាពសហព័ន្ធយុវជនកម្ពុជាបានស្នើសុំអនុសាសន៍ពីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈដើម្បីបានជាបទពិសោធន៍សម្រាប់ធ្វើជាយុវជនទំពាំងស្នងឬស្ស៊ីនៅថ្ងៃអនាគត ។ ក្នុងជំនួបពិភាក្សាកាលពីថ្ងៃទី១៣ ខែមិថុនា ឆ្នាំ២០១៧ នៅទីស្តីការក្រសួងការងារ ។
លោករដ្ឋមន្ត្រីបានធ្វើការកោតសរសើរ និងវាយតម្លៃខ្ពស់ចំពោះយុវជនទំពាំងស្នងឫស្សីដែលបានខិតខំប្រឹងប្រែងបំពេញកិច្ចការងាររបស់ខ្លួនយ៉ាងសកម្ម និងប្រកបដោយជោគជ័យជាផ្លែផ្កា ។ លោកក៏បានលើកឡើងពីវឌ្ឍនភាពរបស់ក្រសួងការងារ និងបណ្តុះបណ្តាលវិជ្ជាជីវៈដល់ក្មួយៗយុវជនផងដែរដែលផ្តោតសំខាន់លើផែនការយុទ្ធសាស្ត្រទាំង៥រួមមាន ៖
១-ក្រសួងបានជម្រុញឱ្យមានសុខដុមរមនីយកម្មក្នុងទំនាក់ទំនងវិជ្ជាជីវៈតាមរយៈការពង្រឹងការអនុវត្តច្បាប់ និងធានាសិទ្ធជាមូលដ្ឋានតាមបទដ្ឋានអន្តរជាតិ ។
២-ការអភិវឌ្ឍនវិស័យការងារ និងបណ្តុះបណ្តាលវិជ្ជាជីវៈត្រូវបានយកចិត្តទុកដាក់សំដៅបង្កើនគុណភាពអប់រំ ដើម្បីអោយមានការទទួលស្គាល់សមត្ថភាពទាំងក្នុងប្រទេស និងតំបន់ ។
៣-ការពង្រឹងវិស័យមុខរបរ និងការងារធ្វើយ៉ាងណាដោះស្រាយបញ្ហាការងារដើម្បីពង្រីកវិសាលភាពទីផ្សាការងារដោយបច្ចុប្បន្នយើងមានមជ្ឈមណ្ឌលការងារតាមខេត្តចំនួន១២ហើយយើងក៏បានបង្កើតវេទិការការងារ និងពិព័រណ៍ការងារនៅតាមបណ្តារាជធានី ខេត្តផងដែរ ។
៤-ក្រសួងបានរៀបចំប្រព័ន្ធសន្តិសុខសង្គមធ្វើយ៉ាងណាឱ្យប្រជាជនរស់នៅប្រកបដោយសមធម៌ និងសេចក្តីថ្លៃថ្នូរ ។
៥-យើងបានយកចិត្តទុកដាក់លើការកែប្រែឥរិយាបទការងារសំដៅបង្កើនប្រសិទ្ធភាព និងទំនួលខុសត្រូវក្នុងការផ្តល់សេវាសាធារណៈជូនបងប្អូនប្រជាជន ៕
ចែករំលែកព័តមាននេះ