ទស្សនៈអាឡេវ ៖ «គួរមើលព្រៃទាំងមូល»
ព្រៃស្រោង ជាព្រៃដែលពោរពេញទៅដោយដើមឈើតូចធំគ្រប់ប្រភេទ…អាយុកាលរបស់វា មានពីរាប់សិបឆ្នាំឡើងទៅដល់រាប់សតវត្សរ៍…។
ព្រៃស្រោង ជាព្រៃដែលពោរពេញទៅដោយដើមឈើតូចធំគ្រប់ប្រភេទ…អាយុកាលរបស់វា មានពីរាប់សិបឆ្នាំឡើងទៅដល់រាប់សតវត្សរ៍…។ ព្រៃឈើទាំងមូល…វាមិនសុទ្ធតែប្រភេទឈើខ្លឹម…ឈើល្អត្រង់ភ្លឹង ទាំងអស់ទេ…វាមានអាវៀច……វាមានអាកោង…អាក្រិន…អាស្បែកក្រាស់ ស្បែកស្តើង…អាខ្លឹមគ្រាក់ និងអាអត់ខ្លឹម…ហើយក៏មានអាស្អុយពីក្រៅ អាស្អុយបណ្តូលពុកផុយក៏មានដែរ…។
ឃើញឈើមួយដើមពីរដើមស្អុយ…កោងឬពុក…វាជារឿងធម្មតា…ដំណាំហូបផ្លែជាដើម…វាមិនដែលល្អ…រលូន…ទាំងអស់ទេ…។ កុំមើលឃើញឈើមួយដើមស្អុយ…ពុកផុយ…ហើយចោទថាព្រៃនេះអន់…ព្រៃនេះមិនល្អ…ប្រាកដជាខ្វះនូវសច្ចៈធម៌…គ្មានមនសិការ…ឬគ្មានប្រាជ្ញាស្មារតី ព្រមទាំងមិនមែនជាគតិបណ្ឌិតឡើយ ។ សូមកុំមើលតែឈើមួយដើម…ត្រូវមើលព្រៃទាំងមូល…។
នៅក្នុងសង្គមដែលយើងកំពុងរស់នៅ…ក៏វាដូច្នោះដែរ…កុំមើលឃើញមនុស្សអន់ឯណេះមួយ ឯណោះមួយ…ហើយចោទថាសង្គមមិនល្អ…មិនយុត្តិធម៌…មិនមានសីលធម៌សម្រាប់សង្គម ទេ…។ មានទស្សនៈមិនល្អជាមួយសង្គម…នាំឱ្យខ្លួនឯងមានវិប្បដិសារី គ្មានថ្ងៃងើបមុខរួចឡើយ…៕
ចែករំលែកព័តមាននេះ