លោក កឹម សុខា នៅតែអួត…មិនទទួលស្គាល់អន់ !
រាជធានីភ្នំពេញ ៖ បន្ទាប់ពីមានការរិះគន់ថាមេឃុំ ចៅសង្កាត់ថ្មី មកពីគណបក្សសង្គ្រោះជាតិ
រាជធានីភ្នំពេញ ៖ បន្ទាប់ពីមានការរិះគន់ថាមេឃុំ ចៅសង្កាត់ថ្មី មកពីគណបក្សសង្គ្រោះជាតិ
រាជធានីភ្នំពេញ ៖ បន្ទាប់ពីមានការរិះគន់ថាមេឃុំ ចៅសង្កាត់ថ្មី មកពីគណបក្សសង្គ្រោះជាតិដែលទើបជាប់ឆ្នោតនោះជាអ្នកគ្មានសញ្ញាបត្រខ្ពង់ខ្ពស់នោះលោក កឹម សុខា ប្រធានគណបក្សសង្គ្រោះជាតិបានអះអាងថា អ្នកធ្វើនយោបាយទាំងអស់ជាពិសេសថ្នាក់ដឹកនាំឃុំ-សង្កាត់ មិនចាំបាច់មានសញ្ញាបត្រនោះទេ ។
ថ្លែងក្នុងពីធីអំណរគុណដល់ម្ចាស់ឆ្នោតនៅស្រុកកៀន ស្វាយខេត្តកណ្តាល នាព្រឹកថ្ងៃទី៩ ខែមិថុនា នេះលោក កឹម សុខា បានធ្វើការបកស្រាយចំពោះមតិមួយចំនួនបានលើកឡើងថាមេឃុំ ចៅសង្កាត់របស់គណបក្សសង្គ្រោះជាតិដែលទើបនឹងជាប់នោះ អ្នកខ្លះគ្មានសមត្ថភាព និងសញ្ញាបត្រថា ការធ្វើនយោបាយមិនចាំបាច់មានសញ្ញាបត្រនោះទេឲ្យតែគេមានចិត្តចង់អភិវឌ្ឍន៍សង្គមជាតិ និងភូមិ-ឃុំនោះបានហើយ ។ ជាងនេះមានអ្នកនៅក្នុងជួរដ្ឋាភិបាលមិនបានទៅរៀននៅសាលាផងបានសញ្ញាបត្រ បណ្ឌិត អនុបណ្ឌិត តើវាយ៉ាងម៉េចវិញ ។ លើសពីនេះមានមួយចំនួនមានសញ្ញាបត្រ រថយន្តទំនើប តែមិនបានធ្វើឲ្យប្រពលរដ្ឋពេញចិត្ត តើវាយ៉ាងម៉េចទៅវិញ ខ្លះពលរដ្ឋមិនគាំទ្រ និងមិនបោះឆ្នោតឲ្យទៀត ។
លោកបញ្ជាក់ថា «បងប្អូនរឿងពីរដែលអ្នកខ្លះគេថាមេឃុំគណបក្សសង្គ្រោះជាតិក្រ អ្នកខ្លះចំណេះវិជ្ជាទាបគ្មានអនុបណ្ឌិតអីនឹងគេ ។ ឥលូវខ្ញុំសូមជម្រាបជូនបងប្អូនបើយើងមានដោយប្រព្រឹត្តិអំពើពុករលួយ ជិះជាន់ប្រជាពលរដ្ឋ តើមាននោះថ្លៃថ្នូរទេបងប្អូន? ហើយបើយើងក្រមែនតែយើងរស់ដោយកម្លាំងកាយចិត្តរបស់យើងតើវាត្រឹមត្រូវទេ? ស្ថានភាពបែបនេះយើងធ្វើបានគិតមើលទៅ! » ។
លោកបញ្ជាក់ថា «អត់បញ្ហាអ្នកណាថា អីថាចុះ !។ អ្នកខ្លះថានៅភ្នំពេញជាប់ធ្វើចៅសង្កាត់ជាអ្នករត់ម៉ូតូឌុប អ្នករត់តុតុ ។ តែសុំជម្រាបថា អ្នកទាំងនោះគ្រាន់ជាងអ្នកខ្លះមានតួនាទីធំហើយ ជិះរថយន្តល្អ តែមើលងាយគេ ។ ដូច្នេះសុំកុំមើងាយខ្មែរ» ។
សូមជម្រាបថា ការលើកឡើងរបស់មេបក្សប្រឆាំងបែបនេះគឺបន្ទាប់ពីមានការលើកឡើងថា មេឃុំ ចៅសង្កាត់របស់គណបក្សសង្គ្រោះជាតិដែលទើបជាប់នោះអ្នកខ្លះគ្មានសមត្ថភាព ដូចជាចេញមកពីអ្នកលក់នំតាមចិញ្ចើមផ្លូវ អ្នករត់ម៉ូតូឌុប អ្នករត់តុតុ និងអ្នកខ្លះទៀតមិនចេះ សសេរអក្ស ឬសសេរអក្សមិនត្រង់ឈរជាដើម៕
ចែករំលែកព័តមាននេះ