មុនបោះឆ្នោតថ្នាក់ជាតិCNRPចង់ធ្វើអ្វីៗជាវិជ្ជមានជាមួយCPP
រាជធានីភ្នំពេញ ៖ លោកកឹម សុខា ប្រធានគណបក្សសង្គ្រោះជាតិ បានសរសេរក្នុង បណ្តាញសង្គមហ្វេសប៊ុករបស់លោកនៅថ្ងៃទី៩ មិថុនាឲ្យដឹងថា ទោះបីជា
រាជធានីភ្នំពេញ ៖ លោកកឹម សុខា ប្រធានគណបក្សសង្គ្រោះជាតិ បានសរសេរក្នុង បណ្តាញសង្គមហ្វេសប៊ុករបស់លោកនៅថ្ងៃទី៩ មិថុនាឲ្យដឹងថា ទោះបីជា
រាជធានីភ្នំពេញ ៖ លោកកឹម សុខា ប្រធានគណបក្សសង្គ្រោះជាតិ បានសរសេរក្នុង បណ្តាញសង្គមហ្វេសប៊ុករបស់លោកនៅថ្ងៃទី៩ មិថុនាឲ្យដឹងថា ទោះបីជាលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ឆ្នាំ២០១៧នេះមិនទាន់ប្រកាសជាផ្លូវការក៏ដោយ ក៏លទ្ធផលបឋមក្រៅផ្លូវការនេះបានបង្ហាញថា មានតែគណបក្ស២ គឺគណបក្សប្រជាជនកម្ពុជា និងគណបក្សសង្គ្រោះជាតិ ដែលទទួលបានលទ្ធផលប្រកៀកប្រកិតគ្នា ហើយអាចឈានទៅយកជ័យជម្នះឆ្នាំ២០១៨ខាងមុខនោះបាន។
លោកបានគូសបញ្ជាក់ថា «ដូច្នេះខ្ញុំសង្ឃឹមថា ទោះបីគណបក្សទាំង២ ចង់ចាញ់ ចង់ឈ្នះគ្នាយ៉ាងណាក៏ដោយ សម្រាប់អាណត្ដិបោះឆ្នោតជាតិឆ្នាំ២០១៨ ខាងមុខនេះ យើងគួរនាំគ្នាធ្វើអ្វីៗជាវិជ្ជមាន ដើម្បីផ្ដល់ជូនប្រជាពលរដ្ឋខ្មែរនូវសិទ្ធិសម្រេចដោយសេរីក្នុងការជ្រើសរើសអ្នកដឹកនាំរបស់ខ្លួន ដោយកុំប្រើមធ្យោបាយគំរាមកំហែងបំភិតបំភ័យប្រជាពលរដ្ឋ ដែលជាហេតុនាំឲ្យមានការឈឺចាប់តទៅទៀត»។
ចំណែក លោក សុខ ឥសាន អ្នកនាំពាក្យគណបក្សប្រជាជនកម្ពុជាបានអះអាងថា តាមគោលការណ៍បោះឆ្នោតតាមប្រព័ន្ធសមាមាត្រនិងអនុវត្តតាមរបបប្រជាធិបតេយ្យសេរីពហុបក្ស នៅពេលគណបក្សណាឈ្នះឆ្នោត គឺកម្មវិធីនយោបាយរបស់គណបក្សនោះនឹងត្រូវយកមកអនុវត្តក្នុងការដឹកនាំ គ្រប់គ្រងប្រទេស ពីព្រោះបានទទួលការគាំទ្រពីប្រជាជនរួចហើយ ។
លោកសុខ ឥសាន អ្នកនាំពាក្យគណបក្សកាន់អំណាចបានឲ្យដឹងតាមប្រព័ន្ធតេឡេក្រាមនៅថ្ងៃទី៩ មិថុនានេះថា ទោះបីមានមេឃុំ ចៅសង្កាត់មួយចំនួនមកពីគណបក្សប្រឆាំងចូលកាន់ការងារ តាមលទ្ធផលបោះឆ្នោតក្តី ក៏មេឃុំ ចៅសង្កាត់ទាំងនោះចាំបាច់ត្រូវគោរព និងអនុវត្តតាមកម្មវិធីនយោបាយរបស់រាជរដ្ឋាភិបាលរបស់គណបក្សប្រជាជនកម្ពុជាដែរ មិនអាចទាមទារយកកម្មវិធីនយោបាយរបស់គណបក្សចាញ់ឆ្នោតមកអនុវត្តបានទេ ដូច្នេះសូមកុំច្រឡំ និងកុំបន្លំឲ្យសោះ ៕
ចែករំលែកព័តមាននេះ