រាជធានីភ្នំពេញ៖ បន្ទាប់ពីដឹងលទ្ធផលបណ្តោះអាសន្ននៃការបោះឆ្នោតជ្រើសរើសក្រុម ប្រឹក្សាឃុំ សង្កាត់ អាណត្តិទី៤ ភ្លាមថ្នាក់ដឹកនាំគណបក្សសង្គ្រោះជាតិបានស្នើមេឃុំថ្មី របស់ខ្លួនត្រូវបំរើពលរដ្ឋដូចគោលនយោបាយតែមន្ត្រីគណបក្សកាន់អំណាចថាអាចជួបនឹងបញ្ហាថវិកា ។
លោក អេង ឆៃអ៊ាង អនុប្រធានគណបក្សសង្គ្រោះជាតិបានសរសេរលើបណ្តាញសង្គមហ្វេសប៊ុកថា ៖ សូមអបអរសាទរមេឃុំ ចៅសង្កាត់ថ្មីទាំងអស់ មកពីគណបក្សសង្គ្រោះជាតិ ។ ខ្ញុំមានជំនឿយ៉ាងមុតមាំថា បន្ទាប់ពីប្រកាសចូលកាន់តំណែង លោក លោកស្រី នាងកញ្ញា នឹងប្រើប្រាស់តួនាទីជាមេឃុំ ចៅសង្កាត់ បំរើប្រជាពលរដ្ឋនៅក្នុងមូលដ្ឋានរបស់ខ្លួន ដោយភាពសុចរិត និងស្មោះត្រង់ ស្របតាមគោលនយោបាយរបស់គណបក្ស ។
លោកបញ្ជាក់ថា « លទ្ធផលនៃការបោះឆ្នោតក្រុមប្រឹក្សាឃុំ-សង្កាត់ បានចេញជាបឋមហើយ ជារួមបានដឹងឈ្នះនិងចាញ់ដោយបក្សណាជាប្រធានក្រុមប្រឹក្សាឃុំ-សង្កាត់ទៅហើយ ! អ្វីៗដែលបានចែងជាគោលនយោបាយនោះ នឹងត្រូវយកទៅអនុវត្តជាក់ស្តែងជូនប្រជាពលរដ្ឋតាមឃុំ-សង្កាត់ ផ្អែកតាមគោលបំណងនោះ ដោយត្រូវមានការវាយតម្លៃលទ្ធផលនៃការអនុវត្តគោលនយោបាយនិមួយៗនោះផ្ទាល់តែម្តង » ។
មតិនានារង់ចាំមើលថា តើមេឃុំមកពីបក្សសង្គ្រោះជាតិបានប្រាក់ ៥០ម៉ឺនដុល្លារយកមកចំណាយដែរឬអត់ ? តិចសន្យាខ្យល់ទៅ ?
ចែករំលែកព័តមាននេះ