ពីមុនមនុស្សអង្គុយ ឬបត់ជើងផ្ទាល់ដីពេលដែលបរិភោគអាហារ ។ ទោះបីវាមិនមែនជាការអនុវត្តទូទៅនៅក្នុងប្រទេសលោកខាងលិច តែវានៅតែបន្តរហូតដល់សព្វថ្ងៃនេះនៅក្នុងប្រទេសខ្លះ ។
ប្រពៃណីបុរាណនេះមានឫសគល់ក្នុងការហាត់យូហ្គា និង
ពីមុនមនុស្សអង្គុយ ឬបត់ជើងផ្ទាល់ដីពេលដែលបរិភោគអាហារ ។ ទោះបីវាមិនមែនជាការអនុវត្តទូទៅនៅក្នុងប្រទេសលោកខាងលិច តែវានៅតែបន្តរហូតដល់សព្វថ្ងៃនេះនៅក្នុងប្រទេសខ្លះ ។
ប្រពៃណីបុរាណនេះមានឫសគល់ក្នុងការហាត់យូហ្គា និង Ayurveda និងមានការទាក់ទងជាមួយនឹងអត្ថប្រយោជន៍សុខភាពវិទ្យាសាស្ត្រផងដែរ ។
ខាងក្រោមនេះគឺជាអត្ថប្រយោជន៍ចំពោះសុខភាពមួយចំនួននៃការអង្គុយផ្ទាល់លើដី ខណៈពេលបរិភោគអាហារ ៖
១-ធ្វើឲ្យចលនាឈាមរត់មានភាពប្រសើរឡើង
ការអង្គុយខ្វែងជើងផ្ទាល់លើឥដ្ឋដើម្បីបរិភោគអាហារគឺមានប្រយោជន៍សម្រាប់ប្រព័ន្ធឈាមរត់របស់អ្នកផងដែរ ។
ពេលដែលអង្គុយនៅលើឥដ្ឋ ឈាមអាចច្រវាត់បានយ៉ាងងាយស្រួលតាមរយៈបេះដូងទៅផ្នែកផ្សេងទៀតនៃរាងកាយ ដែលវាផ្ទុយទៅនឹងការអង្គុយនៅលើកៅអីដែលជើងរបស់អ្នកនៅឃ្លាតពីបេះដូងរបស់អ្នកកាន់តែឆ្ងាយ ។ លើសពីនេះការអង្គុយនៅលើឥដ្ឋនាំឱ្យបេះដូងមានសុខភាពល្អដោយការកាត់បន្ថយសម្ពាធលើសនៅលើវាពេលកំពុងបរិភោគអាហារ។
២-ធ្វើឲ្យប្រព័ន្ធរំលាយអាហារមានភាពប្រសើរឡើង
ការអង្គុយនៅលើឥដ្ឋដោយខ្វែងជើង និងបរិភោគអាហារល្អសម្រាប់ប្រព័ន្ធរំលាយអាហាររបស់អ្នក ។
ចលនាទៅមកនៃការពត់កោងទៅមុខក្នុងការបរិភោគ និងត្រឡប់ទៅកាន់ទីតាំងអង្គុយដើមវិញអាចជួយឱ្យសាច់ដុំពោះបញ្ចេញទឹករំលាយអាហារ ដែលត្រូវការសម្រាប់ការរំលាយអាហារឲ្យបានត្រឹមត្រូវ និងរហ័ស ។
៣-ធ្វើឲ្យអាយុវែង
ការងើបឈរពីការអង្គុយដោយផ្ទាល់នៅលើឥដ្ឋជាទៀងទាត់ដោយមិនចាំបាច់ប្រើដៃអាចជួយឲ្យអ្នករស់នៅបានយូរ ។ ការសិក្សាមួយក្នុងឆ្នាំ២០១២ ដែលបានចេញផ្សាយនៅក្នុង ព្រឹត្តប័ត្រ European Journal of Preventive Cardiology បានរាយការណ៍ថា ការមានសមត្ថភាពក្នុងការក្រោកឈរពីការអង្គុយដោយផ្ទាល់នៅលើឥដ្ឋដោយមិនប្រើសម្ភារជំនួយនឹងធ្វើឲ្យអ្នកមានអាយុវែង ។
៤-ពង្រឹងភាពរឹងមាំ និងភាពបត់បែន
ការអង្គុយដោយផ្ទាល់នៅលើឥដ្ឋក៏អាចធ្វើឲ្យរាងកាយរបស់អ្នកមានភាពរឹងមាំ និងភាពបត់បែនកាន់តែខ្លាំង ។
ការអង្គុយបែបនេះជួយក្នុងការលាតសន្ធឹងត្រគាក ជង្គង់ និងកជើង ។ វាក៏ពង្រឹងភាពបត់បែនចំពោះឆ្អឹងខ្នង ស្មា និងទ្រូង ដូច្នេះធ្វើឱ្យការបត់បែនរបស់អ្នកកាន់តែរឹងមាំ និងអាចបញ្ចៀសជំងឺមួយចំនួនផងដែរ ។
៥-ជួយក្នុងការសម្រកទម្ងន់
នៅពេលដែលអ្នកអង្គុយចុះ ហើយបរិភោគ វាអាចធ្វើឲ្យផ្លូវចិត្ត និងរាងកាយរបស់អ្នកមានភាពស្ងប់ស្ងាត់ ។ រាងកាយដែលស្ងប់ស្ងាត់អាចធ្វើឲ្យអ្នកផ្តោតទៅលើម្ហូបអាហារដែលអ្នកកំពុងបរិភោគ ដែលទប់ស្កាត់ការបរិភោគលើសកំណត់ ៕
ចែករំលែកព័តមាននេះ